Ano ang sinasabi ng Bibliya tungkol sa pakikipagtalik bago pa man ang kasal?

Tanong: "Ano ang sinasabi ng Bibliya tungkol sa pakikipagtalik bago pa man ang kasal?"

Sagot: Kasabay ng ilan pang uri ng mga sekswal na imoralidad, ang pakikipagtalik bago pa man ang kasal ay paulit-ulit na hinahatulan sa Kasulatan (Mga Gawa 15: 20; Roma 1: 29; 1 Corinto 5: 1; 6: 13; 18; 7: 2; 10: 8; 2 Corinto 12: 21; Galacia 5: 19; Efeso 5: 3; Colossas 3: 5; 1 Thessalonica 4: 3; Hudas 7). Itinataas ng Bibliya ang pag-iwas sa pakikipagtalik bago pa man ang pagpapakasal. Ang pakikipagtalik bago pa man ang kasal ay isang kasalanan o pagkakamaling kahalintulad ng pakikiapid at iba pang uri ng sekswal na imoralidad, sapagkat ang lahat ng ito ay may kaugnayan sa pakikipagtalik sa isang tao na hindi mo naman asawa o hindi kayo kasal. Ang pakikipagtalik sa pagitan ng mag-asawa ay ang tanging relasyong sekswal na pinapayagan ng Diyos (Hebreo 13: 4).

Ang pakikipagtalik bago pa man ang pagpapakasal ay naging pangkaraniwan na dahil sa maraming kadahilanan. Madalas nakatuon ang ating pansin sa aspetong “pag-aaliw” at hindi natin isinasa-alang-alang ang aspetong “pagsusupling”. Oo, ang pakikipagtalik ay nagdudulot ng kaligayahan. Iyon ang disenyo ng Diyos sa pakikipagtalik. Nais Niyang masiyahan ang mga lalaki at babae sa sekswal na aktibidad (sa ilalim ng kasal). Gayon man, ang pangunahing layunin ng pakikipagtalik ay hindi kasiyahan, sa halip ang pagpaparami o pagsusupling. Hindi ipinagbabawal ng Diyos ang pakikipagtalik bago pa man ang pagpapakasal para nakawan tayo ng kaligayahan, sa halip para protektahan tayo sa mga hindi inaasahang pagbubuntis at sa mga sanggol na isinisilang ng mga magulang na hindi pa handa sa kanilang mga magiging responsibilidad. Isipin natin kung gaano ka buti ang ating mundo kung nasusunod lang ang nais ng Diyos sa pakikipagtalik: kokonting mga sekswal na sakit, kokonting mga hindi kasal na ina, kokonting aborsiyon at iba pa. pag-iwas sa pakikipagtalik ang tanging polisiya ng Diyos pagdating sa pakikipagtalik bago pa man ang kasal. Ang pag-iwas sa pakikipagtalik ay nakakapagligtas ng buhay, nagpoprotekta sa mga sanggol, binibigyan ang sekswal na relasyon ng tamang pagpapahalaga, at higit sa lahat nakapagpupuri sa Diyos.

Balik sa Tagalog Home Page