Ano ba ang pagkutya sa Banal na Espiritu?

Tanong: "Ano ba ang pagkutya sa Banal na Espiritu?"

Sagot: Ang kaso ng “pagkutya laban sa Espiritu” sa Bagong Tipan ay nabanggit sa aklat ng Marcos 3: 22-30 at sa Mateo 12: 22-32. ang salitang pagkutya ay maaaring ilarawan bilang “pagpapakita ng kawalan ng pagalang.” Ating ilapat ang naturang salita sa mga kasalanang tulad ng pagmura sa Diyos, o sa sadyang pagsira sa mga bagay na maiuugnay sa Diyos. Ito rin ay pagbibigay ng makasalanang gawain sa Diyos, o hindi pagkilala ng mga magagandang bagay na dapat sana’y ipinagpapasalamat natin sa Kanya. Ang ganitong kaso ng pagkutya, Gayon man, ay mas partikular, ito’y tinatawag na “Ang pagkutya sa Banal na Espiritu” sa aklat ng Mateo 12: 31. sa Mateo 12: 31-32, dahil sa nasaksihan ng mga Paraseo ang mga milagrong ginagawa ni Hesus sa pamamagitan ng kapangyarihan ng Banal na Espiritu, sinabi nilang ang Panginoong Hesu Kristo ay sinapian ng demonyo “Beelzebub” (Mateo 12: 24). Ngayon tingnan na sa aklat ng Marcos 3: 30 partikular na tinukoy ni Hesus kung ano ang kanilang nagawa “Ang pagkutya sa Banal na Espiritu.”

Ang pagkutya ay tungkol sa isang taong inaakusahan si Hesu Kristo na sinapian ng demonyo sa halip na napuno ng Banal na Espiritu. Mayroon pang ilang mga paraan para kutyain ang Banal na Espiritu, subalit ito ang pinaka-hindi mapapatawad na pagkutya. Bilang resulta, ang pagkutya sa Banal na Espiritu ay hindi na matutularan ngayon. Si Hesu Kristo ay wala na sa Mundo. Sa halip Siya ay nakaupo na sa kanang bahagi ng Diyos. Walang sinuman ang makakasaksi kay Hesu Kristo na gumagawa ng mga milagro at pagkatapos sasabihing ang kapangyarihan na iyon ay mula kay satanas sa halip na sabihing mula sa Espiritu. Kahit na wala nang pagkutya sa Banal na Espiritu ngayon, dapat nating isaisip na mayroong hindi mapapatawad na estado ng pamumuhay—ito ay ang estado ng patuloy na hindi paniniwala. Walang kapatawaran para sa taong namatay na hindi na naniniwala. Ang patuloy na pagbabalewala sa udyok ng Banal na Espiritu para pagtiwalaan si Hesus ay isang hindi mapapatawad na pagkutya. Alalahanin ang sinasabi sa aklat ng Juan 3: 16, “Ito ay sapagkat sa ganitong paraan inibig ng Diyos ang sanlibutan kaya ipinagkaloob Niya ang Kaniyang bugtong na Anak upang ang sinumang sumampalataya sa Kaniya ay hindi mapahamak kundi magkaroon ng buhay na walang hanggan.” Ang tanging kondisyon na kung saan ang isang tao ay hindi mapapatawad ay kung ang naturang tao ay hindi napapabilang sa “yaong mga naniniwala sa Kanya.”

Balik sa Tagalog Home Page