Naayon pa ba ngayong panahon ang mga milagrong regalo ng Espiritu?

Tanong: "Naayon pa ba ngayong panahon ang mga milagrong regalo ng Espiritu?"

Sagot: Una, napaka-importanteng malaman natin na ito ay hindi katanungan kung ang Diyos ba ay gumagawa pa ng mga milagro sa ngayong panahon. Isang kahangalan at walang biblikal na basehan kung sasabihin nating ang Diyos ay hindi na nagpapagaling ng mga may sakit, nakikipag-usap sa mga tao, at gumagawa ng mga milagro sa ngayon. Ang katanungan ay kung ang mga milagrong regalo ng Espiritu, na pangunahing inilarawan sa 1 Corinto kabanata 12-14, ay patuloy pa ring nangyayari sa ngayon. Ito rin ay hindi katanungan na ang Banal na Espiritu ba ay makapagbibigay sa isang tao ng milagrosong regalo. Ang katanungan ay kung patuloy pa bang nagbibigay sa kasalukuyan ng milagrosong regalo ang Banal na Espiritu. Pinakamataas sa lahat, naniniwala kami na malaya ang Banal na Espiritu na ibigay ang naturang mga regalo ayon sa Kanyang kalooban (1 Corinto 12: 7-11).

Sa aklat ng Mga Gawa at sa mga Sulat ni Apostol Pablo, ang napakaraming bilang ng mga milagro ay isinagawa ng mga Apostol at ng kanilang malapit na kasamahan. Binibigyan tayo ng dahilan ng 2 Corinto 12: 12 kung bakit, Tunay na ang mga tanda ng apostol ay ginawa sa inyo sa lahat ng pagtitiis, sa mga tanda at sa kamangha-manghang mga gawa at mga himala.” Kung ang lahat ng mga mananampalataya kay Kristo ay may kakayahang gumawa ng mga himala at kamangha-manghang mga gawa, ang mga himala at kamangha-manghang mga gawa ay hindi na maituturing na marka ng isang Apostol. Sinasabi rin sa atin ng Mga gawa 2: 22 na si Hesus ay itinuturing na may otoridad dahil sa mga “milagro, kahanga-hangang gawa at mga senyales.” Sa kahalintulad na sitwasyon ang mga Apostoles ay kinukunsidera ring tunay na mga sugo ng Diyos dagil sa mga milagrong kanilang ginawa. Inilarawan ng Mga Gawa 14: 3 ang Ebanghelyo na kinumpirma ng mga milagrong ginawa ni Pablo at Barnabas.

Ang 1 Corinto kabanata 12-14 ay pangunahing tumutukoy sa paksang regalo ng Espiritu. Tila mula sa ganoong talata ang mga “ordinaryong” Kristiyano ay kung minsan binibigyan din ng mga milagrosong regalo (12:8-10; 28-30). Mula sa ating mga natutunan, ang mga Apostoles ay “kilala” dahil sa mga senyales at mga kahanga-hangang gawa, tila ipinapahiwatig na ang mga milarong regalo na ibinibigay sa mga “ordinaryong” Kristiyano ay isang eksempsiyon, at hindi batas. Kung hindi kasali ang mga Apostoles at ang kanilang mga malapit na kasamahan , Walang partikular na inilalarawan ang Bagong Tipan na mga taong nagsasagawa ng mga milagrosong regalo ng Espiritu.

Napaka-importante ring malaman na ang unang simbahan ay walang kompletong Bibliya, hindi kagaya natin ngayon (2 Timoteo 3: 16-17). Samakatuwid, ang regalo ng propesiya, kaalaman, karunungan, at iba pa ay kinakailangan upang malaman ng mga unang Kristiyano kung ano ang nais ng Diyos na gawin nila. Ang regalo ng propesiya ay ang nagbigay kakayahan sa mga mananampalataya na malaman ang mga bagong katotohanan at mga paghahayag mula sa Diyos. Ngayon na ang pahayag ng Diyos ay kompleto na sa Bibliya, ang regalong may kaugnayan sa pahayag ay hindi na kailangan, o hindi na magkapareho ang kapasidad kagaya ng panahon ng Bagong Tipan.

Milagrong pinapagaling ng Diyos ang mga tao araw-araw. Ang Diyos ay patuloy pa ring nakikipag-usap sa atin sa ngayon, maaring sa pamamagitan ng totoong boses, maaring sa pamamagitan ng ating pag-iisip, o maaaring sa pamamagitan ng ating impresyon at pakiramdam. Ang Diyos ay patuloy pa ring gumagawa ng mga milagro, senyales at mga kahanga-hangang bagay – at kung minsan ginagawa ang mga bagay na iyon sa pamamagitan ng isang Kristiyano. Gayon man, ang mga inilarawan ay hindi kinakailangang ang mga milagrosong regalo ng Espiritu. Ang pangunahing layunin ng mga milagrosong regalo ay upang patunayan na ang Ebanghelyo ay totoo at ang mga Apostoles ay totoo ngang mga sugo ng Diyos. Hindi tiyak na sinabi ng Bibliya na ang mga milagrosong regalo ay nawala, subalit inilalatag nito ang pundasyon na kung saan ang mga ito ay maaaring hindi na kinakailangan.

Balik sa Tagalog Home Page