Ano ang mangyayari matapos ang kamatayan?

Tanong: "Ano ang mangyayari matapos ang kamatayan?"

Sagot: Ang katanungang ano ang mangyayari matapos ang kamatayan ay nakalilito kung minsan. hindi malinaw na naisulat sa Bibliya kung kailan mararating ng isang tao ang kanyang kahuli-hulihan at walang hanggang destinasyon. Sinasabi sa atin ng Bibliya na matapos mamatay ang isang tao, dadalhin siya sa Langit o sa Impiyerno base na rin sa; kung tinanggap niya si Kristo bilang kanyang tagapagligtas. Para sa mga mananampalataya, matapos ang kamatayan “iiwanan ko ang katawang ito na aking tinatahanan upang manirahan sa piling ng Panginoon” (2 Corinto 5:6-8; Filipos 1:23). Para naman sa mga hindi mananampalataya, matapos ang kamatayan ay walang hanggang kaparusahan sa impiyerno (Lucas 16:22-23).

Dito na nagkakaroon ng kalituhan, kung ano nga ba ang mangyayari matapos ang kamatayan. Isinasalarawan sa Pahayag 20:11-15 na ang lahat ng nasa impiyerno ay itinapon na sa naglalawang apoy. Inilalarawan naman ng Pahayag kabanata 21-22 ang bagong langit at bagong mundo. Samakatuwid, tila habang hindi pa nangyayari ang kahuli-hulihang pagkabuhay na magmuli, matapos ang kamatayan, ang isang tao ay mananatili muna sa "temporaryong" Langit at Impiyerno. Ang walang hanggang destinasyon ng isang tao ay hindi na magbabago, subalit ang tiyak na lokasyon ng walang hanggang destinasyon ay magbabago pa. Sa isang punto matapos ang kamatayan, ang mga mananampalataya ay dadalhin sa bagong kalangitan at bagong mundo (Pahayag 21:1). Sa isang punto rin matapos ang kamatayan, ang mga hindi mananampalataya ay itatapon sa lawa ng apoy (Pahayag 20: 11-15) Ito ang kahuli-hulihang walang hanggang destinasyon ng lahat ng tao - lahat ay nakabase sa; kung nananampalataya ba ang isang tao kay Hesu Kristo para sa kaligtasan mula sa kanyang mga kasalanan.

Balik sa Tagalog Home Page