Ang lahat ba ng kasalanan ay magkapantay sa Dios?

Tanong: "Ang lahat ba ng kasalanan ay magkapantay sa Dios?"

Sagot: Sa Mateo 5: 21-28, pinagtulad ni Jesus ang pakikiapid sa isang may pagnananasa sa kanyang puso at ang pagpatay sa isang may poot sa kanyang puso. Datapwa’t, hindi ito nangangahulugang ang mga kasalanan ay magkakapantay. Ang nais na iparating ni Jesus sa mga Pariseo ay ang kasalanan ay kasalanan pa rin kahit nais mo pa lang itong isagawa, kahit hindi mo pa ito ginagawa. Ang mga pinunong relihiyoso ng panahon ni Jesus ay nagtuturo na maaring mag-isip ng anumang nais mong gawin, hanga’t hindi mo isinasagawa ang iyong naisin. Idinidiin ni Jesus na maunawaan nila na ang Dios ay hinahatulan ang iniisip ng tao gayun din ang kanyang gawa. Ipinahayag ni Jesus na ang ating mga gawa ay resulta ng kung ano ang nasa ating puso (Mateo 12:34).

Bagamat binanggit ni Jesus na ang pagnanasa at pakikiapid ay kapwa kasalanan, hindi ito nangangahulugang sila ay magkapantay. Higit na mas masama ang tunay na pumatay ng isang tao kaysa basta mapoot sa isang tao, kahit ito ay parehong kasalanan sa mata ng Dios. May mga antas sa kasalanan. May mga kasalanang mas malala kaysa iba. Gayon pa man, sa pagtingin sa pang-walang hanggang kaparusahan at kaligtasan, lahat ng kasalanan ay magkapantay. Lahat ng kasalanan ay patungo sa walang hanggang paghahatol (Roma 6:23). Ang lahat ng kasalanan, gaano man “kaliit:, ay laban sa walang hanggan at walang maliw na Dios, kaya nararapat ng walang hanggan at walang katapusang kaparusahan. Bilang karagdagan, walang kasalanang napaka-laki na hindi patatawarin ng Dios. Namatay si Jesus upang bayaran ang kaparusahan ng kasalanan (1 John 2:2(. Namatay si Jesus para sa lahat ng ating kasalanan (2 Corinto 5:21) Ang lahat ba ng kasalanan ay magkapantay sa Dios? Oo at hindi. Sa kasidhian? Hindi. Sa kaparusahan? Oo. Sa kapatawaran? Oo.

Balik sa Tagalog Home Page