Ang walang hanggang seguridad ba ay isang pahintulot para gumawa ng kasalanan?

Tanong: "Ang walang hanggang seguridad ba ay isang pahintulot para gumawa ng kasalanan?"

Sagot: Ang karamihan sa kadalasang pagtutol sa doktrina ng walang hanggang seguridad ay; ito umano ang nagtataguyod sa ideyang ang mga Kristiyano ay puwedeng mamuhay sa paraang gusto nila – at sila ay maituturing pa ring ligtas. Habang ito’y maituturing na isang katotohanan, hindi iyon ang tunay “nilalaman” ng walang hanggang seguridad. Ang isang taong tapat na tumanggap kay Hesu Kristo bilang kanyang tagapagligtas ay puwedeng mamuhay ng isang makasalanang buhay – subalit hindi niya ito gagawin. Dapat tayong maglagay ng kaibahan sa pagitan ng kung papaano mamuhay ang isang Kristiyano – at kung ano ang dapat gawin ng isang tao upang makatanggap ng kaligtasan.

Napakalinaw na sinasabi sa Bibliya na ang kaligtasan ay sa pamamagitan lamang ng grasya, sa pamamagitan lamang ng pananampalataya, at sa pamamagitan lamang ni Hesu Kristo. Sa panahong ang isang tao ay naniwala kay Hesu Kristo, siya ay naligtas at nagkaroon ng seguridad sa kanyang kaligtasan. Ang kaligtasan ay hindi nakakamit sa pamamagitan ng pananampalataya, sa halip sa pamamagitan ng patuloy na paggawa ng mabuti. Tinugunan ni Apostol Pablo ang ganitong isyu sa aklat ng Galacia 3: 3, “Ganyan ba kayo kamangmang? Kayo ay nagsimula sa pamamagitan ng Espiritu. Kayo ba ngayon ay ginawang ganap sa pamamagitan ng gawa ng tao?” kung tayo ay naligtas sa pamamagitan ng ating pananampalataya, ang ating kaligtasan ay may katiyakan at may seguridad din sa pamamagitan ng ating pananampalataya. Hindi natin mapagtatrabahuhan ang ating kaligtasan. Samakatuwid, hindi rin natin mapapanatili ang ating kaligtasan sa pamamagitan ng ating mga gawa. Ang Diyos ang Siyang nagpapanatili ng ating kaligtasan (Judas 24). Ang Diyos ang siyang humahawak sa atin ng mahigpit sa pamamagitan ng Kanyang mga kamay (Juan 10: 28-29). Hindi natin kayang humiwalay sa pag-ibig ng Diyos (Roma 8: 38-39).

Ang hindi pagtanggap sa doktrina ng walang hanggang seguridad, ay may paniniwalang kinakailangan nating panatilihin sa pamamagitan ng ating mga mabubuting gawa ang ating kaligtasan. Ito ay lubos na salungat sa kaligtasan sa pamamagitan ng grasya. Tayo ay naligtas dahil sa ginawa ni Hesus, at hindi dahil sa atin (Roma 4: 3-8). Kapag sinabi nating kinakailangan nating sundin ang mga Salita ng Diyos o mamuhay ng maka-Diyos na pamumuhay upang mapanatili natin ang ating kaligtasan ay katulad na rin ng pagsabing ang kamatayan ni Hesus ay hindi sapat para pagbayaran ang lahat ng ating mga kasalanan. Ang kamatayan ni Hesus ay ganap ng sapat para pagbayaran ang lahat ng ating mga kasalanan-nakaraan, ngayon, at darating pa, bago pa man naligtas o pagkatapos maligtas (Roma 5:8; 1 Corinto 15:3; 2 Corinto 5:21).

Kaya nga, sa lahat ng mga sinabi, ibig sabihin ba nito na ang isang Kristiyano ay puwedeng mamuhay sa paraang gusto nila at manantili pa ring ligtas? Malinaw na sinabi ng Bibliya na ang totoong Kristiyano ay hindi mamumuhay sa paraang “ayon sa kanilang kagustuhan.” Ang mga Kristiyano ay mga bago nang nilalang (2 Corinto 5: 17). Ipinapakita ng mga Kristiyano ang bunga ng Banal na Espiritu (Galacia 5: 22-23), at hindi ang mga ikinikilos ng laman (Galacia 5: 19-21). Malinaw na sinasabi ng 1 Juan 3: 6-9 na ang totoong Kristiyano ay hindi mamumuhay sa patuloy na kasalanan. Bilang tugon sa akusasyong ang grasya ay siyang nagtataas sa kasalanan, idineklara ni Apostol Pablo, “Ano ngayon ang sasabihin natin? Magpapatuloy ba tayo sa kasalanan upang ang biyaya ay sumagana. Huwag nawang mangyari. Papaano nga na tayong mga namatay sa kasalanan ay patuloy na mamumuhay pa roon?” (Roma 6:1-2).

Ang walang hanggang seguridad ay hindi isang “pahintulot” para gumawa ng kasalanan. Sa halip, ito ay isang katiyakan na ang pagmamahal ng Diyos ay sigurado a para sa mga nanampalataya kay Kristo. Papaano magagawa ninuman, pagkatapos malaman ang kabayarang ibinigay ni Hesus para sa sangkatauhan, ay magpapatuloy pa rin sa paggawa ng kasalanan (Roma 6: 15-23)? Papaano magawa ng sinuman na nakakaunawa sa walang kondisyong pagmamahal ng Diyos sa mga tumanggap sa Kanya, na kunin ang naturang pagmamahal at itapon ito pabalik sa Diyos? Ang ganoong tao ay hindi nagpapakita na ang walang hanggang seguridad ay nagpapahitulot sa kanya na gumawa ng kasalanan, sa halip ang taong iyon ay maaaring hindi pa nakaranas ng kaligtasan sa pamamagitan ni Hesu Kristo. “Sinumang nananatili sa Kaniya ay hindi nagkakasala. Ang sinumang nagkakasala ay hindi nakakita sa Kaniya o nakakilala sa Kaniya” (1 Juan 3:6).

Balik sa Tagalog Home Page