Totoo ba ang impyerno? Ang impyerno ba ay pang-walang hanggan?

Tanong: "Totoo ba ang impyerno? Ang impyerno ba ay pang-walang hanggan?"

Sagot: Kawili-wiling malaman na mas mataas ang porsiento ng mga taong naniniwala sa langit kay sa mga taong naniniwala sa pagkakaroon ng impyerno. Ngunit ayon sa Biblia, ang impyerno ay kasing-totoo ng langit. Ang Biblia ay maliwanag na nagtuturo na ang impyerno ay isang tunay na dako (lugar) na kung saan inihahatid ang mga masasama/di-nanampalataya pagkatapos ng kanilang kamatayan. Lahat tayo ay nagkasala laban sa Dios (Rom. 3: 23). Ang nararapat na kaparusahan sa kasalanan ay kamatayan (Roma 6: 23). Yamang ang lahat ng ating kasalanan ay laban sa Dios (Awit 51:4), at yamang ang Dios ay isang walang sukdulan at walang hangganang Katauhan, ang kaparusahan ng kasalanan, ang kamatayan, ay kinakailangang wala ring sukdulan at hangganan. Ang impyerno ay ang walang sukdulan at walang hanggang kamatayan na ating natamo dahil sa ating kasalanan.

Ang kaparusahan ng mga masasamang namatay sa impyerno ay inilarawan sa buong kasulatan bilang “pasaapoy na di mamamatay” (Mateo 25:41), “apoy na di mamatay kailanman” (Mateo 3:12), “kaparusahang walang hanggan” (Daniel 12:2), isang dako na ang “apoy ay hindi namamatay” (Markos 9:44-49), isang dako ng “paghihirap” at “apoy” (Lukas 16:23-24). “walang hanggang kapahamakan” (2 Tesalonica 1:9). Isang dako na “ang usok mula sa apoy na nagpapahirap sa kanila ay paiilanlang magpakailanman” (Pahayag 14:10-11) at ang “lawang apoy at asupre” na kung saan ang mga masasama ay “pahihirapan, araw at gabi, magpakailanman” (Pahayag 20:10).

Ang kaparusahan ng mga masasama sa impyerno ay walang katapusan katulad din ng lubos na kagalakan ng mga matuwid sa langit. Si Jesus mismo ang nagpahiwatig na ang kaparusahan sa impyerno ay walang hanggan tulad ng buhay sa langit (Mateo 25:46). Ang masama ay sumasailalim magpakailanman sa matinding galit at poot ng Dios. Ang mga nasa impyerno ay tatanggapin ang ganap na katarungan ng Dios (Awit 76:10). Malalaman ng mga nasa impyerno na ang kanilang kaparusahan ay makatwiran at sila lamang ang dapat sisihin (Deuteronomio 32: 3-5). Tama, ang impyerno ay totoo. Tama, ang impyerno ay dako ng kahirapan at kaparusahan na walang hanggan at walang katapusan. Purihin ang Dios, dahil kay Jesus, maari nating matakasan itong walang hanggang kapalaran.

Balik sa Tagalog Home Page

Totoo ba ang impyerno? Ang impyerno ba ay pang-walang hanggan?