Anak na lalaki ng Diyos anak na babae ng tao

Sino ba ang mga anak na lalaki ng Diyos at ang mga anak na babae ng tao sa aklat ng Genesis 6: 1-4?

Tanong: "Sino ba ang mga anak na lalaki ng Diyos at ang mga anak na babae ng tao sa aklat ng Genesis 6: 1-4?"

Sagot: Sinasabi sa atin ng aklat ng Genesis 6: 1-4 ang, vMakapal na ang tao sa daigdig nang panahong iyon. Marami silang anak na babae, vat ang mga ito'y magaganda. Nang makita sila ng mga anak ng Diyos, ang mga ito'y pumili sa kanila ng kanya-kanyang asawa. vSinabi ni Yahweh: "Hindi ko ipahihintulot na mabuhay nang matagal ang tao, sapagkat siya'y makalaman. Hindi na lalampas sa 120 taon ang kanyang buhay sa daigdig." Mula noon, lumitaw ang mga higante. Ito ang supling ng mga anak ng Diyos sa kanilang napangasawang mga anak ng tao. Ang mga higanteng yaon ay tinanghal na mga dakilang bayani at tanyag na tao nang kanilang kapanahunan. Mayroong ilang mga suhestiyon na nagsasabing kung sino ang mga anak na lalaki ng Diyos, at kung bakit ang kanilang mga mga anak sa mga anak na babae ng tao ay lumaki sa lahi ng mga higante.

Ang tatlong pangunahing pananaw sa pagkakakilanlan ng mga “anak na lalaki ng Diyos” ay ang (1) sila ay ang mga nangagkasalang anghel o (2) sila ay mga makapangyarihang taong pinuno, o (3) sila ay ang mga maka-Diyos na angkan ni Seth na nakipag-isang dibdib sa mga masasamang angkan ni Cain. Kung bibigyang halaga ang (1) ay ang katotohanang sa Lumang Tipan ang talatang mga “Anak na lalaki ng Diyos” ay palaging tumutukoy sa mga anghel (Job 1:6; 2:1; 38:7). Ang maaaring maging problema ng (1) ay ang katotohanan na ang Mateo 22:30 ay nagpapakita na ang mga anghel ay hindi nag-aasawa. Hindi tayo binigyan ng rason ng Bibliya upang maniwalang ang mga anghel ay may kasarian, o may kakayahang magparami. Ang pananaw ng (2) at (3) ay walang ganitong problema.

Ang kahinaan ng mga pananaw (2) at (3) ay ang mga ordinaryong taong lalaki na nag-asawa ng ordinaryong taong babae ay hindi nagpapaliwanag kung bakit ang kanilang mga naging anak ay mga “higante.” Sa pagpapatuloy, bakit nagdesisyon ang Diyos na magkakaroon ng napakalaking pagbaha sa mundo (Genesis 6:5-7) kung hindi naman ipinagbawal ng Diyos na ang mga makapangyarihang taong lalaki na mula sa angkan ni Seth ay makipag-isang dibdib sa mga ordinaryong babaeng tao na mula sa angkan ni Cain. Ang paparating na paghahatol sa Genesis 6: 5-7 ay maiuugnay sa kung ano ang nangyari sa Genesis 6:1-4. tanging ang mga malaswa at masamang pagsasama lamang ng mga makasalanang anghel at mga babaeng tao ang tila nagbibigay-matuwid sa ganoong klaseng mabagsik na kaparusahan.

Ang kahinaan ng pananaw (1) ay idinedeklara ng aklat ng Mateo 22:30, “Sapagkat sa muling pagkabuhay, ang mga tao'y hindi na mag-aasawa; sila ay magiging tulad ng mga anghel sa langit.” Gayon man, ang ganitong kahinaan ay maaaring daigin sa pamamagitan ng pagtala na ang talata ay hindi nagsasabing “ang mga anghel ay walang kakayahang mag-asawa.” Sa halip, nagpapahiwatig lamang ito na ang mga anghel ay hindi nag-aasawa. Pangalawa, ang Mateo 22: 30 ay tumutukoy sa mga “anghel sa langit.” Hindi ito tumutukoy sa mga nagkasalang anghel, na walang pakialam sa kaayusan na ginawa ng Diyos at naghahanap pa ng mga paraan para gambalain ang plano ng Diyos. Ang katotohanang ang mga banal na anghel ng Diyos ay hindi nag-aasawa o hindi nagsasagawa ng relasyong sekswal ay hindi nangangahulugang totoo din ang mga ito kay satanas at sa kanyang mga demonyo.

Ang (1) pananaw marahil ang pinaka-malapit na posisyon. Tama, ito’y may kamangha-mangang “pagkakasalungatan” kung sasabihing ang mga anghel ay walang kasarian at pagkatapos sasabihing ang mga “anak na lalaki ng Diyos” o mga nagkasalang anghel ay nagkaroon pa ng mga anak sa mga babaeng tao. Gayon man, habang ang mga anghel ay may katauhang espiritwal (Hebreo 1:14), maaari silang magpakita sa makataong pisikal na kaanyuan (Marcos 16:5). Ang mga kalalakihan sa Sodom at Gomorra ay nais makipagtalik sa dalawang anghel na kasama ni Lot (Genesis 19:1-5). Kapani-paniwalang may kakayahan ang mga anghel na magkaroon ng pisikal na kaanyuan tulad ng sa tao, kahit na hanggang sa punto na magagawa nilang gayahin ang sekswalidad ng tao-at posibleng magkaroon pa ng mga anak at magparami. Bakit hindi ito madalas na ginagawa ng mga nagkasalang anghel? Tila ikinulong ng Diyos ang mga anghel na nakagawa ng ganitong mga kasalanan, upang hindi na gayahin ng iba pang mga nagkasalang anghel (kagaya ng inilarawan sa Judas 6). Ang mga naunang Hebreong nag-iinterpreta, apocryphal, at ang mga sulat na pseudopigriphal ay may buong pagkakaisang naninidigan sa pananaw na ang mga nagkasalang anghel ay ang mga “anak na lalaki ng Diyos” na binanggit sa aklat ng Genesis 6: 1-4. Gayon man, ang pananaw na ang Genesis 6:1-4 ay nagsasangkot sa mga nagkasalang anghel na nakipag-relasyong sekswal sa mga babaeng tao ay mayroong malakas na contextual, grammatical, at historikal na basehan.

Balik sa Tagalog Home Page