Paano natin makikilala ang tinig ng Diyos?

Tanong: "Paano natin makikilala ang tinig ng Diyos?"

Sagot: Ang tanong na ito ay itinanong na ng hindi na mabilang na tao sa buong kapanahunan. Narinig ni Samuel ang tinig ng Diyos, subali’t hindi niya ito nakilala hanggang sa siya ay inatasan ni Eli (1 Samuel 3:1-10). Si Gideon ay may pangkatawang paghahayag mula sa Diyos, at kaniya pa ring pinag-alinlanganan ang kanyang narinig hanggang sa siya ay humingi ng palatandaan, hindi isang beses, kundi tatlong beses (Mga Hukom 6:17-22, 36-40). Kapag ating pinakikinggan ang tinig ng Diyos, paano natin malalaman na Siya ang nagsasalita? Una sa lahat, mayroon tayong isang bagay na sina Gideon at Samuel ay wala. Mayroon tayong ang buong Biblia, ang Salita ng Diyos na Kaniynag binigyan ng inspirasyon, upang ito ay ating basahin, pag-aralan, at ipagmuni-muni. “Ang lahat ng mga Kasulatan na kinasihan ng Diyos ay mapapakinabangan din naman sa pagtuturo, sa pagsansala, sa pagsaway, sa ikatututo na nasa katuwiran; Upang ang tao ng Diyos ay maging sakdal, tinuruang lubos sa lahat ng mga gawang mabuti.” (2 Kay Timoteo 3:16-17). Kapag tayo ay may katanungan tungkol sa isang paksa o pagpapasiya sa ating buhay, dapat nating tingnan kung ano ang sinasabi ng Biblia tungkol dito. Kailan pa man, hindi tayo pangungunahan ng Diyos o di kaya ay akayin tayo na salungat sa Kaniyang itinuro o ipinangako sa Kaniyang Salita (Kay Tito 1:2).

Pangalawa, upang marinig ang tinig ng Diyos, kailangan nating makilala ito. Sinabi ni Jesus, “Dinirinig ng Aking mga tupa and Aking tinig, at sila’y Aking nakikilala, at sila’y nagsisisunod sa akin.” (Juan 10:27). Iyong mga tao na naririnig ang tinig ng Diyos, sila ay pag-aari ng Diyos—sila ay iyong nailigtas ng Kaniyang pagpapala sa pamamagitan ng pagsampalataya kay Panginoong Jesus. Ito ay ang mga tupa na nakakakilala ng Kaniyang tinig, dahil kanilang kilala Siya na kanilang Pastol at kilala nila ang Kaniyang tinig. Kung gusto nating makilala ang tinig ng Diyos, dapat na tayo ay maging Kaniyang pag-aari.

Balik sa Tagalog Home Page

Paano natin makikilala ang tinig ng Diyos?