Ano ang daan tungo sa Kaligtasan?

Tanong: "Ano ang daan tungo sa Kaligtasan?"

Sagot: Hesu Kristo ang siyang tanging "daan"! "Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; Hindi sa pamamagitan ng mga gawa, upang ang sinoman ay huwag magmapuri" (Ephesians 2.8-9). "... datapuwa't ang kaloob na walang bayad ng Dios ay buhay na walang hanggan kay Cristo Jesus na Panginoon natin" (Romans 6.23).

Ano ang nararamdaman mo sa buhay mo ngayon? Ikaw ba ay nakakaramdam ng pagkakasala, kalituhan, kaguluhan, kahirapan, kalungkutan, kasakitan, kapaguran, galit at kawalan ng pag-ibig o kabuluhan, sadyang mahirap ang buhay! Si Satanas at ang kasalanan ang dahilan! Napapagod ka na ba sa pakikipag-laban sa tao at sa mga problema? Si Hesus ang daan! Mahal ka Niya! Si Hesus ang tamang tao at Panginoon na maaring sundin! Muli ngang nagsalita sa kanila si Jesus, na sinasabi, "Ako ang ilaw ng sanlibutan; ang sumusunod sa akin ay hindi lalakad sa kadiliman, kundi magkakaroon ng ilaw ng kabuhayan" (John 8.12).

Sinabi sa kanya ni Jesus, "Ako ang daan, at ang katotohanan, at ang buhay: sinoman ay di makaparoroon sa Ama, kundi sa pamamagitan ko" (John 14.6) . "Sapagka't ang lahat ay nangagkasala nga, at hindi nangakaabot sa kaluwalhatian ng Dios;" (Romans 3.23). "Sapagka't ang kabayaran ng kasalanan ay kamatayan; datapuwa't ang kaloob na walang bayad ng Dios ay buhay na walang hanggan kay Cristo Jesus na Panginoon natin" (Romans 6.23). Namatay si Hesus sa krus dahil sa parusang dapat ay sa atin. Ang pagkamatay ni Hesus ay naglaan ng kapatawaran para sa lahat ng tao" (1 John 2.2; 2 Corinthians 5.21). Tinalo nya ang kasalanan at kamatayan pagkatapos na mamatay sa krus at muling nabuhay (1Corinthians 15:1-28). "Na ipinahayag na Anak ng Dios na may kapangyarihan ayon sa espiritu ng kabanalan, sa pamamagitan ng pagkabuhay na magmuli ng mga patay, sa makatuwid baga'y si Hesu Kristo na Panginoon natin" (Romans 4.1).

Nais mo bang magkaroon o makaramdam ng higit pang kapayapaan, galak, ligaya, pag-ibig, kapanatagan at tagumpay? Si Hesus ang tamang relasyon para sa iyo! Tanging sa pamamagitan lamang ni Hesus ang tao makakaramdam ng kapatawaran, pagmamahal, kapayapaan at kagalakan na galing sa Panginoon (John 14.6; Acts 4.12). Ang personal na relasyon sa Anak ng Diyos ang magbibigay ng kaligtasan at buhay na walang hanggan. Si Hesus ang tamang buhay para sa iyo! Kailangan mong tanggapin ito upang ika’y maging anak ng Diyos na may buong pananampalataya at tiwala sa Kanya (Matthew 22.37,39). Subalit hindi lahat ay maliligtas, tanging ang mga nagmamahal lamang kay Hesus ang maililigtas at mapupunta sa langit kung sila ay mamatay. Ang ating kaligtasan ay nakasiguro dahil sa ginawa Nya para sa atin at patuloy nyang ginagawa sa pamamgitan ng Espiritu Santo."Sapagka't gayon na lamang ang pagsinta ng Dios sa sanlibutan, na ibinigay niya ang kanyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan" (John 3.16).

Upang tanggapin si HesuKristo bilang iyong Panginoon at Tagapagligtas at tumanggap ng buhay na walang hanggan galing sa Panginoon, narito ang dasal na maari mong dasalin. Ang dasal na ito ay paraan upang ipahayag sa Diyos Ama ang iyong pananampalataya sa Kanyang Anak at pasalamatan siya sa regalo Nyang kapatawaran at buhay na walang hanggan. “Ama sa kalangitan, naniniwala ako sa inyong Anak na si Hesukristo, na siyang tanging daan upang magkaroon ng buhay na walang hanggan. Alam kong nagkasala ako laban sa inyo at nararapat na maparusahan. Batid ko at nagpapasalamat ako kay Hesus na aking Tagapagligtas sa pag-ako ng parusang nararapat sa akin. Dahil kay Hesus binago ko ang aking pag-iisip tungkol sa paggawa ng kasalanan at nangangailangan ako ng iyong tulong upang iwaglit ang pagnanasang magkasala muli. Salamat sa iyong kahanga-hangang pangako ng buhay na walang hanggan. Tatalikdan ko ang kasalanan at haharap kay Hesus at magtitiwalang Siya ang magliligtas at magbabago sa akin. Sa ngalan ni HesuKristo, Amen.

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page