Ano ang Panalangin ng Panginoon at dapat ba natin itong idalangin?

Tanong: "Ano ang Panalangin ng Panginoon at dapat ba natin itong idalangin?"

Sagot: Ang Panalangin ng Panginoon ay panalangin na itinuro ng Panginoong Jesus sa Kanyang mga disipulo sa Mateo 6:9-13 at sa Lucas 11:2-4. Ayon sa Mateo 6:9-13, “Magsidalangin nga kayo ng ganito: ‘Ama namin na nasa langit ka, Sambahin nawa ang pangalan mo. Dumating nawa ang kaharian mo. Gawin nawa ang iyong kalooban, kung paano sa langit, gayon din naman sa lupa. Ibigay mo sa amin ngayon ang aming kakanin sa araw-araw. At ipatawad mo sa amin an gaming mga utang, gaya naman naming na nagpatawad sa mga may utang sa amin. At huwag mo kaming ihatid sa tukso, kundi iligtas mo kami sa masama. Sapagka’t Iyo ang kaharian, at ang kapangyarihan, at kaluwalhatian, magpakailan man. Siya nawa.” Karamihan ay hindi nauunawaan ang Panalangin ng Panginoon at sa kanila ito ay panalangin na dapat bigkasin salita por salita. Ang iba naman ay itinuturing ang Panalangin ng Panginoon na kung baga ay may mahiwagang pormula, kung baga ang mga salita ay mayroong partikular na kapangyarihan o impluwensiya sa Diyos.

Itinuturo sa atin ng Biblya ang kasaliwaan ng ganitong paniniwala. Ang Diyos ay mas interesado sa nilalaman ng ating puso kaysa sa ating mga salita. “Datapuwa’t ikaw, pagka ikaw ay mananalangin, pumasok ka sa iyong silid, at kumg mailapat mo na ang iyong pinto, ay manalangin ka sa iyong Ama na nsa lihim, aat and iyong Ama na nakakakita sa lihim ay gagantimpalaan ka. At sa pananalangin ninyo ay hueag ninyong gamitin ang walang kabuluhang paulit-ulit, na gaya ng ginagawa ng mga Gentil: sapagka’t iniisip nilang dahil sa kanilang maraming kasasalita ay didinggin sila.” (Mateo 6:6-7). Sa ating pananalangin, dapat nating ibuhos ang ating puso sa Diyos (Mga Taga Filipos 4:6-7), at hindi mga sinaulong salita na bibigkasin sa Diyos.

Ang Panalangin ng Panginoon ay dapat unawain na ito ay isa lamang halimbawa, isang huwaran, kung papaano tayo mananalangin. Ito ay nagbibigay sa atin ng mga “kasangkapan” na dapat na maging bahagi ng ating panalangin. Narito ang Panalangin ng Panginoon kapag ito ay ating hinimay. “Ama namin na nasa langit ka” ay itinuturo sa atin kung kanino natin ipapatungkol ang ating panalangin—para sa Ama. “Sambahin nawa ang pangalan mo” ay nagsasabi sa atin na dapat nating sambahin ang Diyos, at bigyan Siya ng pagpupuri dahil sa Siya ay Siya. Ang pararila na “dumating nawa ang kaharian Mo, gawin nawa ang Iyong kalooban , kung paano sa langit, gayon din naman sa lupa” ay isang paalala sa atin na tayo ay dapat manalangin sa hangarin ng Diyos sa ating buhay at sa mundo, at hindi ang ating pansariling hangarin.

Kaya nga, ang Panalangin ng Panginoon ay hindi panalangin na ating sasauluhin at bibigkasin pabalik sa Diyos. Ito ay isa lamang halimbawa kung papaano tayo mananalangin. Masama bang sauluhin ang Panalangin ng Panginoon? Oo naman at hindi naman tama itong palagay! Mayroon bang kasamaan kung ipanalangin ko ang Panalangin ng Panginoon sa Diyos? Hindi, kung ang iyong puso ay nasa Panalangin at binibigkas mo ang Panalangin ng may buong paniniwala sa bawa’t salitang iyong sinasabi. At tandaan, sa ating pananalangin, ang Diyos ay mas interesado sa ating pakikipag-ugnay sa Kanya at sa pakikipag-usap na galing sa ating puso kaysa sa partikular na salita na ating ginamit. Ipinahahayag sa Mga Taga Filipos 4:6-7, “Huwag kayong mangabalisa sa anomang bagay; kundi sa lahat ng mga bagay sa pamamagitan ng panalangin at daing na may pagpapasalamat ay ipakilala ninyo ang inyong mga kahilingan sa Diyos. At ang kapayapaan ng Diyos, na di masayod ng pag-iisip ay mag-iingat ng inyong mga puso at ng inyong mga pag-iisip kay Cristo Jesus.”

Balik sa Tagalog Home Page

Ano ang Panalangin ng Panginoon at dapat ba natin itong idalangin? Ito bang Panalangin ng Panginoon ay mas makapangyarihan o mabisa kaysa sa pananalangin ng isang tao na nag-iisa?