Maari ba tayong tingnan at makita ng mga tao mula sa langit?

Tanong: "Maari ba tayong tingnan at makita ng mga tao mula sa langit?"

Sagot: Ang Hebreo 12: 1 ay nagsaad, “Yamang naliligid tayo ng makapal na saksi…” Ang pang-unawa ng iba na ang “makapal na saksi” ay tumutukoy sa mga taong nakatingin sa atin mula sa langit. Hindi iyon ang tamang pagpapaliwanag. Ang Hebreo 11 ay nagtala ng mga taong pinarangalan ng Dios dahilan sa kanilang pananampalataya. Ang mga taong ito ang tinuring na “makapal na saksi.” Sila ay mga “saksi” hindi sa dahilang nakamasid sila sa atin, datapwa’t sa dahilang nagtakda sila ng huwaran para sa atin. Sila ang mga saksi ni Kristo, ng Dios at ng katotohanan. Ipinagpatuloy ng Hebreo 12: 1, “…iwaksi natin ang kasalanan, at anumang balakid na pumipigil sa atin, at tayo’y buong tiyagang magpatuloy sa takbuhing nasa ating harapan.” Dahil sa pananampalataya at pagsisikap ng mga kristianong nauna sa atin, dapat tayong mapukaw upang sundin ang kanilang halimbawa.

Wala namang tiyakang nabanggit ang Biblia kung maaring tingnan ng mga tao sa langit ang mga narito pa sa lupa. Malamang na walang katiyakan na maari iyon. Bakit? Una, paminsan-minsan silang makakakita ng magdudulot ng dalamhati at sakit, katulad ng paggawa ng kasalanan at kasamaan. Yamang walang pighati, pagluha at kalungkutan sa langit (Pahayag 21:4), tila ang pagmamasid ng mga kaganapan sa lupa ay di maari. Pangalawa, ang mga tao sa langit ay abalang-abala sa pagsamba sa Dios at sa pagtamasa ang kagandahan ng langit at hindi na sila magkakaroon ng makabuluhang pagnanais (pagkawili) na malaman ang mga pangyayari dito sa lupa. Ang katotohanan na sila ay pinalaya na mula sa kasalanan at nararanasan ang presensiya ng Dios sa langit ay walang alinlangang mas higit pa upang maakit ang kanilang pansin. At kahit maaring pahintulutan sila ng Dios upang tingnan mula sa langit ang kanilang mga mahal sa buhay, ang Biblia ay hindi nagbigay ng dahilan upang paniwalaang ito nga ay nangyayari.

Balik sa Tagalog Home Page