Ano ba ang Kristiyanong pananaw sa mundo?

Tanong: "Ano ba ang Kristiyanong pananaw sa mundo?"

Sagot: Ang pananaw sa mundo ay tumutukoy sa komprehensibong pagkakaintindi ng mundo mula sa isang partikular na pananaw. Ang Kristiyanong pananaw sa mundo, samakatuwid, ay ang komprehensibong pagkakaintindi sa mundo mula sa Kristiyanong pananaw. Ang pananaw sa mundo ng isang tao ay maituturing na kanyang “malaking larawan,” ang pagkakasundo ng lahat ng kanyang mga paniniwala tungkol sa mundo. Ito ang kanyang paraan sa pag-unawa sa katotohanan. Ang pananaw sa mundo ay ang basehan ng pang-araw araw na desisyon samakatuwid ito ay napaka-importante.

Ang isang mansanas na nakalagay sa mesa ay nakikita ng ilang mga tao. Habang tinitingnan, kinaklasipika ng isang Botanist ang mansanas. Habang ang isang pintor ay ipininta ito. Nakakita naman ang isang bata ng pagkain at kinain ito. Kung papaano natin tinitingnan ang anumang sitwasyon ay naiimpluwensiyahan ng kung papaano natin tinitingnan ang mundo sa pangkalahatan. Ang lahat ng pananaw sa mundo, Kristiyano o hindi Kristiyano, ay nahaharap sa tatlong katanungang ito:

1) Saan ba tayo nagmula? (At bakit tayo nandito?)
2) Ano ba ang kamalian sa mundo?
3) Papaano natin ito maaayos?

Ang karaniwang makamundong pananaw sa ngayong panahon ay ang Naturalistiko, na sumasagot sa tatlong katanungang kagaya nito: 1) Tayo ay produkto ng walang partikular na plano ng kalikasan ar walang totoong layunin. 2) hindi natin nirerespeto ang kalikasan na dapat sana’y nirerespeto natin. 3) maliligtas natin ang mundo sa pamamagitan ng ekolohiya at pagpapanatili nito. Ang naturalistikong pananaw ay nagreresulta sa marami pang kaugnay na pilosopiya kagaya ng moral relativism, existentialism, pragmatism at utopianism.

Sa Kabilang banda ang Kristiyanong pananaw sa mundo, ay sumasagot sa tatlong katanungan na naaayon sa Bibliya: 1) Tayo ay nilalang ng Diyos, dinesenyo upang pamahalaan ang mundo at magkaroon ng kaugnayan sa Kanya (Genesis 1:27-28; 2:15). 2) tayo ay nagkasala laban sa Diyos (Genesis 3). 3) Ang Diyos mismo ang tumubos sa sanlibutan sa pamamagitan ng pagsasakripisyo ng Kanyang Anak na si Hesu Kristo (Genesis 3:15; Lucas 19:10), at sa darating na mga panahon muling ibabalik ang perpektong katauhan ng Kanyang mga nilalang (Isaias 65:17-25). Ang Kristiyanong pananaw sa mundo ay gumagabay sa atin upang maniwala tayo sa moral absolutes, mga milagro, dignidad ng sangkatauhan, at ang posibilidad ng katubusan mula sa kasalanan.

Napakaimportanteng tandaan na ang pananaw sa mundo ay pangkalahatan. Naaapektuhan nito ang lahat na aspeto ng buhay, mula sa pera hanggang sa moralidad, mula politika hanggang sining. Ang totoong Kristiyanismo ay mas higit pa sa mga ideyang ginagamit sa mga simbahan. Ang Kristiyanismo na itinuturo ng Bibliya ay isang pananaw sa mundo. Ang buhay kristiyano ay ang tanging buhay na nararapat. Iprinoklaman ni Hesus ang Kanyang sarili bilang “Ang daan, ang katotohanan, at ang buhay” (Juan 14:6) at sa pamamagitan ng pagsunod nito ito ang ating nagiging pananaw sa mundo.

Balik sa Tagalog Home Page