Ano ang ibig sabihin ng mga salitang ‘ipinanganak bilang kristyano’?

Tanong: "Ano ang ibig sabihin ng mga salitang ‘ipinanganak bilang kristyano’?"

Sagot: Nasa Juan 3:1-21 ang pinakatanyag na mga talata sa Biblia na sumasagot sa tanong na ito. Nakikipag-usap dito si Jesu-Cristo kay Nicodemo, isang sikat na Pariseo at kasapi ng kataas-taasang Sanggunian ng mga Judio. Binubuo ito ng mga pinunong Judio. Isang gabi, pinuntahan ni Nicodemo si Jesus para makipag-usap.

Sinabi ni Jesus kay Nicodemo, “…maliban na ipanganak na muli ang isang tao, hindi siya paghaharian ng Dios.” Tinanong naman ni Necodemo, “Paano po maipanganak na muli ang isang tao kung matanda na siya? Makakapasok pa ba siya sa tiyan ng kanyang ina para ipanganak muli?” Sumagot si Jesus, “Ang totoo, walang sinumang makakapasok sa kaharian ng Dios kung hindi siya ipanganak sa tubig at sa Espiritu. Ang ipinanganak sa laman ay laman, at ang ipinanganak sa Espiritu ay Espiritu. Kaya huwag kang magtaka sa sinabi ko sa iyo na lahat ay kailangang ipanganak na muli...” (Juan 3:3-7).

Ang mga salitang “ipinanganak na muli” ay literal na nangangahulugang “ipinanganak mula sa itaas”. Totoo ang pangangailangan ni Nicodemo. Kailangan niya ng pagbabago sa kanyang puso – pagbabagong Espiritwal. Ang ‘muling kapanganakan’ ay isang tawag sa ginagawa ng Dios sa pagbibigay ng buhay na walang hanggan sa taong sumasampalataya sa kanya (2 Corinto 5:17; Tito 3:5; 1 Pedro 1:3; 1 Juan 2:29; 3:9; 4:7; 5:1-4, 18). Ayon sa Juan 1:12, 13 ang “pagkapanganak na muli” ay nangangahulugan din ng “pagiging anak ng Dios” sa pamamagitan ng pagsampalataya kay Jesu-Cristo.

“Bakit nga ba’t kinakailangang ipanganak na muli ang tao?” Ayon kay Apostol Pablo sa aklat ng Efeso 2:1, “Noong una, kayo'y itinuring ng Dios na mga patay dahil sa inyong mga pagsuway at mga kasalanan.” Ayon naman kay Apostol Pablo sa Roma 3:23, “Sapagkat ang lahat ay nagkasala at walang sinuman ang karapat dapat sa paningin ng Dios.” Kailangang ipanganak na muli ang tao para mapatawad ang kanyang mga kasalanan at magkaroon ng magandang relasyon sa Dios.

Paano natin makakamit ang muling kapanganakan? Sinasabi sa Efeso 2:8-9, “Dahil sa biyaya ng Dios kayo'y naligtas nang kayo'y sumampalataya kay Cristo. Ito'y kaloob sa inyo ng Dios, hindi dahil sa inyo. Hindi ito nakasalalay sa mabubuti ninyong gawa, upang walang maipagmamalaki ang sinuman.” Kapag ang isang tao ay naligtas, ipinanganak na muli at nagkaroon ng espiritwal na pagbabago, anak na siya ng Dios. At ang pagsampalataya natin kay Cristo na nagdusa para sa ating mga kasalanan nang mamatay siya sa krus ay nangangahulugang tayo ay ipinanganak na muli sa espiritu. “Kaya ang sinumang nakipag-isa kay Cristo ay isa ng bagong nilalang.” (2 Corinto 5:17).

Kung hindi ka pa sumasampalataya kay Cristo bilang sarili mong tagapagligtas, sundin mo ang udyok ng Espiritu Santo. Kailangan mong ipanganak muli. Gusto mo bang maging bagong nilalang kay Cristo? Manalangin ka. Magsisi ka sa iyong mga kasalanan at tanggapin mo siya. Sabi nga sa Juan 1:12-13, “Ngunit sa lahat ng tumanggap at nanampalataya sa kanya, binigyan niya sila ng karapatang maging anak ng Dios. Naging anak nga sila ng Dios, hindi sa pamamagitan ng pisikal na pagkasilang o dahil sa kagustuhan ng tao, kundi dahil sa kalooban ng Dios.”

Kung gusto mong tanggapin si Jesu-Cristo bilang tagapagligtas para maipanganak kang muli, narito ang isang panalangin sa Dios. Tandaan mo lang na hindi ang panalanging ito ang makakapagligtas sa iyo.[orig was unnatural] Tanging ang pananampalataya kay Jesu-Cristo ang makakagawa noon. Ang panalanging ito ay simpleng pagpapahayag sa Dios ng iyong pananampalataya sa kanya at pagpapasalamat sa pagligtas niya sa iyo. “O Dios, alam kong nagkasala ako sa iyo. Alam ko ring nararapat akong parusahan dahil sa aking mga kasalanan. Ngunit inako at pinagdusahan ni Cristo ang aking mga kasalanan at dahil sa aking pagsampalataya sa kanya ako’y tumanggap ng kapatawaran. Tinatalikuran ko ang aking mga kasalanan at magtitiwala ako sa iyo para sa aking kaligtasan. Salamat po sa iyong kahanga-hangang biyaya at kapatawaran. Salamat rin po sa buhay na walang hanggan. Amen!”

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page