Bakit ang mga tao sa aklat ng Genesis ay nabuhay ng napakahabang panahon?

Tanong: "Bakit ang mga tao sa aklat ng Genesis ay nabuhay ng napakahabang panahon?"

Sagot: Kung bakit ang mga tao na nabanggit sa mga unang kabanata ng aklat ng Genesis ay nabuhay ng napakahabang panahon ay tila isang misteryo. Mayroong maraming mga teorya ang mga Biblikal na iskolar at ang mga siyentipiko. Ang pag-aaral sa pinagmulan ng angkan sa Genesis 5 ay nagtatala ng linya ng mga maka-Diyos na angkan ni Adan-ang angkan na sa pagdating ng panahon ay pagmumulan ng Tagapagligtas. Posibleng pinagpala ng Diyos ang angkang ito at binigyan ng mahabang buhay bilang resulta ng kanilang pagiging maka-Diyos at pagsunod sa Kanya. Habang ito’y isang posibleng paliwanag, hindi naman partikular na nililimitahan lamang ng Bibliya sa mga taong binanggit sa Genesis kabanata 5 ang pagkakaroon ng mahabang buhay. Sa pagpapatuloy, maliban kay Enoch, hindi partikular na tinukoy o kinilala ng Genesis 5 ang mga taong maituturing na lubos na maka-Diyos. Marahil ang lahat ng mga tao sa ganoong yugto ng panahon ay nabubuhay ng daan-daang taon. Ang ilang mga kadahilanan ay maaaring dulot nito.

Binanggit ng Genesis 1:6-7 “tubig sa itaas,” isang tubig na tumatakip at nakapalibot sa mundo. Ang nasabing tubig na tumatakip sa mundo ay maaaring gumawa ng isang “greenhouse effect” sa buong mundo, at siyang humarang sa malaking bahagi ng radiation na tumatama ngayon sa mundo. Ito maaari ang naging dahilan ng isang napakagandang kondisyon ng pamumuhay sa mundo. Tila ito ay totoo lalong lalo na matapos ang malaking pagbaha bigla na lamang umikli ang buhay ng mga tao. Tila ipinahihiwatig ng aklat ng Genesis 7:11 na, sa panahong ng Napakalaking Pagbaha sa mundo, ang “tubig na tumatakip” ay ibinuhos sa mundo, na siyang dahilan ng pagtatapos ng magandang kondisyon ng pamumuhay. Ikumpara ang mga edad bago ang malaking pagbaha (Genesis 5: 1-32) sa mga edad matapos ang pagbaha (Genesis 11: 10-32). Matapos ang malaking pagbaha, bigla na lamang kaagad na bumaba ang haba ng buhay ng mga tao.

Ang isa pang kadahilanan na nararapat ikonsidera ay ang ilang unang mga henerasyon matapos ang paglalang, hindi pa nagkaroon ng kasiraan ang genetic code ng mga tao. Si Adan at Eba ay nilalang ng perpekto. Sila ay halos tiyak na ligtas sa lahat at anumang uri ng karamdaman. Maaaring namana ng kanilang angkan ang ganitong katangian. Sa paglipas ng panahon, bilang resulta ng kasalanan, lumaki rin ang kasiraan ng genetic code ng sangkatauhan, na naging dahilan upang madaling madapuan ng sakit at mamatay ang tao. Ito ay nagresulta sa maikling buhay.

Balik sa Tagalog Home Page