Ang Diyos ba ang gumawa ng kasamaan?

Tanong: "Ang Diyos ba ang gumawa ng kasamaan?"

Sagot: Noong una tila lumalabas na kung ang Diyos ang siyang may lalang sa lahat ng bagay samakatuwid ang kasamaan ay gawa rin ng Diyos. Gayon man, mayroong paniwala rito na kailangang mabigyan ng linaw. Ang kasamaan ay hindi “bagay”- kagaya ng isang bato o elektrisidad. Hindi ka pwedeng magkaroon ng isang tapayan ng kasamaan! Sa halip, ang kasamaan ay ilang bagay na lumalabas o lumilitaw, kagaya ng pagtakbo. Ang kasamaan ay hindi nabubuhay nang sa kanya lang – ito’y totoong kakulangan ng mabuting bagay. Kagaya halimbawa, ang butas ay totoo subalit sila umiiral lamang sa ilang mga bagay. Tinatawag natin ang kawalan ng dumi bilang butas – subalit hindi ito maihihiwalay sa dumi. Kaya noong naglalang ang Diyos, totoong ang lahat ng mga umiral ay mabuti. Isa sa mga mabuting bagay na ginawa ng Diyos ay ang mga nilalang na mayroong kalayaang pumili ng kabutihan. Upang magkaroon ng totoong pagpili, pinahintulutan ng Diyos na mayroon pang ilang bagay na mapagpilian hindi lang ang kabutihan. Kaya pinahintulutan ng Diyos ang mga Anghel at tao na pumili ng kabutihan o kasamaan. Kung mayroong hindi magandang relasyon na umiiral sa pagitan ng dalawang mabuting bagay tinatawag natin itong kasamaan, subalit hindi ito maituturing na “bagay.”

Marahil ang pagpapatuloy na paglalarawan ay makakatulong. Kung tatanungin ko ang isang ordinaryong tao “ang lamig ba ay umiiral?” – maaring ang kanyang magiging kasagutan ay oo. Gayon man, ito ay hindi tama. Ang lamig ay hindi umiiral. Ang lamig ay kawalan ng init. Gayon din, ang kadiliman ay hindi umiiral. Ang kadiliman ay ang kawalan ng liwanag. Gayon din, ang kasamaan ay ang kawalan ng kabutihan, o mas mainam pa, ang Kasamaan ay kawalan ng Diyos. Hindi nilalang ng Diyos ang kasamaan subalit pinahitulutan Niya ang kawalan ng kabutihan.

Tingnan ang halimbawa ni Job sa aklat ng Job 1-2. Nais ni satanas na durugin si Job, at pinayagan ng Diyos si satanas na gawin ang lahat nga kanyang gustong gawin huwag lang patayin si Job. Pinayagan ito ng Diyos upang patunayan kay satanas na si Job ay isang matuwid o mabuting na tao dahil mahal niya ang Diyos, at hindi dahil pinagpala siya ng Diyos at ginawang mayaman. Ang Diyos ay makapangyarihan at ang siyang may hawak sa lahat ng mga pangyayari. Walang magagawa si satanas kung hindi siya pahihintulutan ng Diyos. Hindi nilalang ng Diyos ang kasamaan, subalit pinapahintulutan ng Diyos ang kasamaan. Kung hindi pinahintulutan ng Diyos ang posibilidad ng kasamaan, kapwa ang sangkatauhan at mga anghel ay nagsisilbi sa Diyos dahil sa ito’y kanilang obligasyon, at hindi pagpili. Hindi nais ng Diyos ang mga “robot” na susunod na lang sa Kanyang mga kagustuhan dahil sila ay naka “programa” na. Pinahintulutan ng Diyos ang posibilidad ng kasamaan upang magkaroon tayo ng lubos na kalayaang pumili kung pagsisilbihan ba natin Siya o hindi.

Sa kahuli-hulihan, walang kasagutan sa mga katanungang ito na lubusan nating maunawaan. Tayo, bilang limitadong mga nilalang, ay hindi lubusang mauunawaan ang walang hanggang Diyos (Roma 11: 33-34). Kung minsan nag-iisip tayo na tila nauunawaan natin ang ginagawa ng Diyos, subalit malalaman lamang natin na iba ang layunin ng Diyos kumpara sa kung ano yung iniisip natin. Tinitingnan ng Diyos ang mga bagay sa walang hanggang pananaw. Tinitingnan naman natin ang mga bagay sa makamundong pananaw.Bakit inilagay ng Diyos ang tao sa mundo kung nalalaman Niyang magkakasala lang din si Adan at Eba at magdadala ng kasamaan, kamatayan, at kahirapan sa sangkatauhan? Bakit hindi Niya tayo nilalang at inilagay sa kalangitan kung saan tayo ay magiging perpekto at hindi na makakaranas ng paghihirap? Ang pinakamainam na kasagutan na maibibigay ko tungkol dito ay: Hindi nais ng Diyos ang lahi ng mga robot na walang kalayaang pumili. Pinahintulutan ng Diyos ang posibilidad ng kasamaan upang magkaroon tayo ng totoong pagpili kung sasamba ba tayo sa Kanya o hindi. Kung hindi na tayo maghihirap at hindi na tayo makakaranas ng kasamaan, malalaman ba natin ng lubusan kung gaano kaganda ang kalangitan? Hindi nilalang ng Diyos ang kasamaan, subalit pinahintulutan Niya ito. Kung hindi Niya pinahintulutan ang kasamaan, sasambahin natin Siya dahil sa obligasyon, at hindi dahil sa ito ay ating kagustuhan.

Balik sa Tagalog Home Page