settings icon
share icon
سوال

یسوع مسیح کون ہے؟

جواب


یسوع مسیح کون ہے؟ غیر مشابہ سوال ، " کیا خدا موجود ہے؟ " ٻہوں گھٹ لوک سوال چیندن جو یسوع مسیح موجود ہَن۔ اے عام طور تے قبول کیتا ویندے جو یسوع مسیح حقیقت اچ ہک آدمی ہن جو اسرائیل دی سرزمین تے تقریباً ٢٠٠٠ سال پہلے آئے ۔ جݙاں یسوع دے مکمل شخصیت دے بارے اچ ڳالھ مہاڑ کیتی ویندی ہے تاں ول بحث شروع ہوندی ہے ۔ تقریباً ہر مذہب اے تعلیم ݙیندے جو یسوع ہک پیغمبر ہن، ہک چنڳے استاد ہن یا ہک متقی انسان ہن۔ اوکھ اے ھے ، کلامِ ݙسیندے جو یسوع لامحدود حد تک ہک پیغمبر توں ودھ ہن ، ہک استاد توں ودھ ہن ، ہک متقی انسان توں ودھ ہن۔

سی، اءس م کءوس اپݨی کتاب "خالص مسیحیت" اچ لکھدن:" میں اِتھاں ہر کہیں کوں باز رکھݨ دی کوشش کرینداں اینکوں حقیقی بے وقوفی آلی شئے آکھݨ نال جو اکثر ایندے بارے آہدن (یسوع مسیح): " میں یسوع کوں ہک نیک عظیم استاد منݨ واسطے تیار ہاں ، پر میں اوندے خدا ہووݨ دے دعوے کوں قبول نئیں کریندا" اے اوہ چیز ہے جو اساکوں نئیں آکھݨی چاہیدی ۔ ہک آدمی جو صرف انسان ہا اتے ایجھیاں ڳالھیں آکھے جو یسوع نے آکھیاں ۔ ہک چنڳا استاد کائنا ہوسے۔ خواہ اوہ ہک دیوانہ ہووے ، ہک انسان ہوندے ھوئے جو آکھے جو او ہک روندا ہویا عانھہ ہے یا اوہ جہنم دا شیطان ہے ۔ تُساں ضرور اپݨی پسند منیسو۔ جݙݨ جو اے انسان ہا، اتے ھے ، خدا دا پُتر یا ہک دیوانہ یا ایں توں بدتر، تُساں اوں بیوقوف کوں روک سڳدے ہیوے ، تساں اوندے اُتے تھک سڳدے ہیوے اتے شیطان ہووݨ دی وجہ نال اونکوں مار سڳدے ہیوے یا اوندے قدماں اچ ڈھہہ تے اونکوں مال اتے خدا آکھ سڳدے ہیوے پر اساکوں اوندے بارے اچ انہاں بے معانی ڳالھیں دی حمایت نئیں کرݨی چاہیدی جو او ہک عظیم انسان استاد ہا ۔ اوں نے اساݙے واسطے کوئی رستہ نئیں چھوڑیا ۔ اوندا ایجھا کوئی ارادہ کائنی ۔

بس، یسوع کیا ہووݨ دا ارادہ کیتا؟ کلامِ مقدس اوندے بارے کیا ٓہدے جو او کون ہا؟ پہلے ، آؤ یسوع دے الفاظ کوں ݙیکھوں یوحنا ١٠ باب ٣٠ آیت اچ میں " میں اتے پیو ہک ہِن" ۔ پہلی نظر اچ ، ایجھا نئیں لڳدا جو اے خدا ہووݨ دا دعویٰ ہے۔ بہرحال ، ایں بیان تے یہودیاں دے ردِ عمل کوں ݙیکھوں ، " اساں چنڳے کم دے سبب توں نئیں بلکہ کفر دے سبب توں تیکوں سنگسار کریندن اتے ایں واسطے جو توں اپݨے آپ کوں خدا بݨیندا ہیں" (یوحنا ١٠ باب ٣٣ آیت) یہودی سمجھدن جو یسوع دا بیان خدا ہووݨ دا دعویٰ ہے ۔ ذیل دی آیات اچ یسوع یہودیاں کوں درست نئیں کریندا اے آکھݨ نال ، " میں خدا ہووݨ دا دعویٰ نئیں کریندا۔ " اے ظاہر کریندے جو یسوع حقیقت اچ اے آہدے پئے ہن جو اوہ خدا ہن ایں اعلان دے ذریعے ، " میں اتے پیو ہکو ہیں" (یوحنا ١٠ باب ٣٣ آیت) ۔ یوحنا ٨ باب ٥٨ آیت ہک ݙوجھی مثال ہے۔ یسوع نے اعلان کیتا، " میں تہاکوں سچ سچ آہداں جو پیشتر ایں توں جو ابراہیم پیدا تھیا ہویا میں ہاں " ولا ، ایں وجہ نال یہودیاں نے پتھر چاتے اتے یسوع کوں پتھر مارݨ دی کوشش کیتی (یوحنا ٨ باب ٥٩ آیت) ۔ یسوع نے اپݨی سنڄاݨ دا اعلان اینویں کیتا، " میں ہاں" ہک پراݨے عہد نامے دے خدا دے ناں دی سمت آگاہی کریندا ہے ۔ (خروج ٣ باب ١٤ آیت) ۔ کیوں جو یہودی یسوع کوں پتھر مارݨ چاہندے ہن اگر اوں نے کائنا آکھیا ہا جو او یقین کریندے ہن جو گستاخی ہے ، ناں نال خدا ہووݨ دا دعویٰ کرݨاں۔

یوحنا ١ باب١ آیت آہدے جو ، "کلامِ خدا ہا" ۔ یوحنا ١ باب ١٤ آیت آہدے جو ، " کلام مسجم تھیا"۔ اے واضع طور تے اشارہ کریندے جو یسوع مسجم خدا ہے۔ توما رسول یسوع کوں آہدن ، " اے میݙے خداوند اے میݙے خدا " (یوحنا ٢٠ باب ٢٨ آیت) ۔ یسوع نے اونکوں درست نئیں کیتا۔ پولوس رسول اونکوں اینویں بیان کریندن ، " اپݨے بزرگ خدا اتے منجی یسوع مسیح " (ططس ٢ باب ١٣ آیت) ۔ پطرس رسول وی اینویں ہی آہدن " اساݙے خداوند اتے منجی یسوع میسح" (٢۔پطرس ١ باب١ آیت) ۔ خدا پیو یسوع دا گواہ ہے ، اتے ایندی مکمل شناخت ہن ، پُتر دے بارے اچ آہدن ، " تیݙا تخت اے خدا ابد لآباد قائم راہسے ، اتے راستباز تیݙی بادشاہی دے وارث ہوسن"۔ پراݨے عہد نامے دی پیش گوئیاں مسیح دے خدا ہووݨ دے بارے اچ اعلان کریندیاں ہن " ایں واسطے اساݙے واسطے ہک ٻہوں لڑکا ڄمیا اتے اساکوں ہک پُتر بخشیا ڳیا اتے سلطنت اوندے مونڈھے تے ہوسے اتے اوندا ناں عجیب مشیر خدای قادر ابدیت دا پیو سلامتی دا شہزادہ ہوسے۔"

بس، سی ۔ ایس ۔ لیوس نے دلائل پیش کیتے ، یسوع کوں چنڳے استاد دے طور تے منݨ ہک چنڳا پہلو کائنی ۔ یسوع واضع اتے ناقابل انکار طور تے خدا ہووݨ دا دعویٰ کیتا۔ اگر اوہ خدا کائنی ، ول او کوڑا ہے اتے ایں واسطے نہ وہ پیغمبر ، نہ ہک چنڳا استاد یا نہ ہک متقی انسان ہے ، کئی دفعہ یسوع دے الفاظ کوں بیان کرݨ دی کوششاں تھیاں ، جدید " عالم" دعویٰ " سچے تاریخی یسوع" نے ٻہوں جیہاں ایجھیاں چیزاں آکھیاں جو کلاݨ ایندے نال منسوب کریندے ۔ اساں کون ہیسے جو خدا دے کلام دے بارے اچ دلیل ݙیوں جو یسوع کیا آکھیے اتے کیا نہ آکھیا؟ کیویں ہک "عالم" یسوع دی حیاتی نال ٢٠٠٠ سالاں کوں مٹا سڳدے جو یسوع ایں بارے اچ بہتر ڄاݨدے جو اوں نے کیا آکھیا اتے کیا نہ آکھیا بلکہ او جو اوندے نال راہندے ہن ، نال خدمت کریندے ہن اتے جنہاں کوں یسوع نے خود تعلیم ݙتی (یوحنا ١٤ باب ٢٦ آیت)؟

یسوع دی حقیقی سنڄاݨ تے سوال کیوں ضروری ہِن؟ اے کیوں ضروری ہے جو یسوع خدا ہے یا نئیں؟ سبھ توں ضروری وجہ اے ہے جو یسوع خدا ہا جو اگر او خدا کائنی تاں اودی موت تمام دنیا دے گناہاں دا جرمانہ ادا کرݨ واسطے ناکافی ہئی (١۔ یوحنا ٢ باب ٢ آیت) ۔ صرف خدا ہی ہے جو اے لامحدود جرمانہ ادا کر سڳدے (رومیوں ٥ باب ٨ آیت ، ٢ ۔ کرنتھیوں ٥ باب ٢١ آیت) ۔ یسوع ہی خدا ہا ایں واسطے اوہو اے قرض ادا کر سڳدے۔ یسوع انسانہا ایں واسطے او مر سڳدا ہا ۔ نجات صرف یسوع مسیح تے ایمان گھن آوݨ نال ہی ملدی ہے ۔ "یسوع" کیوں خدا ہے کیوں جو اوہو نجات دا رستہ ہے ۔ یسوع کیوں خدا ہے کیوں جو او اعلان کریندے ، " راہ اتے حق اتے زندگی میں ہاں ۔ کوئی میݙے وسیلہ دے بغیر پیو دے کول نئیں آندا" (یوحنا ١٤ باب ٦ آیت)

English



واپس سراییکی / ملتانی زبان دے پہلے صفے تے

یسوع مسیح کون ہے؟
Facebook icon Twitter icon Pinterest icon Email icon
© Copyright Got Questions Ministries