کیا خدا موجود ھے؟ کیا خدا دے وجود کیتے کوئی ثبوت ہِن؟




سوال: کیا خدا موجود ھے؟ کیا خدا دے وجود کیتے کوئی ثبوت ہِن؟

جواب:
کیا خدا موجود ھے؟ میں اینکوں ٻہوں چسولا پاتے کیوں جو ایں بحث کوں ٻہوں زیادہ توجہ ݙتی ویندی ھے۔ تازہ ترین تحقیق ݙسیندی ھے اَج دی دنیا جو ٩٠ فیصد لوک خدا دے وجود تے یقین رکھیندن یا کوئی انوکھی طاقت سمجھدن ، ہُݨ وی ، اے ذمہ داری انہاں لوکاں تے آندی ھے جیڑھے جو ہر طرحاویں خدا دی موجودگی تے یقین رکھیندن اتے ہر ممکن طریقے نال ثابت کریندن جو خدا واقعی موجود ھے۔ میݙے واسطے ، میݙے خیال اچ ایندے علاوہ ٻیا دڳ وی ھووݨا چہیدے۔

ایں واسطے ، خدا دے وجود کوں ثابت نئیں کیتا ونڄ سڳدا اتے نہ ہی غلط ثابت کیتا ونڄ سڳدے۔ کلام مقدس آہدے جو اساں ضرور ایمان دے ذریعے ایں حقیقت کوں قبول کروں جو خدا موجود ھے ، "اتے بغیر ایمان دے اونکوں پسند آوݨ ناممکن ھے۔ ایں واسطے جو خدا دے کول آوݨ والے کوں ایمان گھن آوݨا چاہیدے جو او موجود ھے اتے اپݨے چاہݨ آلیں کوں بدلہ ݙیندے " (عبرانیوں ١١ باب ٦ آیت)۔ اگر خدا خواہش کریندا جو اونکوں نظر آوݨا چاہیدے اتے تمام دنیا تے ثابت کرے جو او موجود ھے ۔ لیکن اگر او اینویں کریندا تاں ول ایمان دی لوڑھ نہ ھوندی۔ "یسوع نے اونکوں آکھیا، تُو ں تاں میکوں ݙیکھ تے ایمان گھن آئیں ۔ مبارک او ہِن جیڑھے بغیر ݙِٹھے ایمان گھن آئے۔ " (یوحنا ٢٠ باب ٢٩ آیت)۔

ایندا اے مطلب نئیں ، ایں واسطے ، جو خدا دے وجود دا کوئی ثبوت کائنی۔ کلام مقدس اعلان کریندے ، "اَسمان خدا دا جلال ظاہر کریندے اتے فضا اوندی دستکاری ݙکھیندی ھے۔ ݙینھ نال ݙینھ ڳالھ کریندے اتے رات کوں رات حکمت سکھیندی ھے ۔ نہ ٻولݨا ے نہ کلام۔ نہ اُنہاں دی کئو سُناءی ݙیندی ھے ، اوندا سُر ساری زمین تے اتے ایندا کلام دنیا دی انتہا تک پُڄیا ھے ۔ اوں نے آفتاب کیتے اوندے وچ تمبو لاتے"(١٩ زبور ١ تا ٤ آیت)۔ تاریاں کوں ݙیکھݨ نال ، کائنات دی وسعت دا پتہ لڳدے ، قدرت دے عجوبیاں تے غور کرݨ نال ، غروبِ آفتاب دے سوہݨپ کوں ݙیکھݨ نال اے تمام چیزاں اپݨے خالق خدا دے پاسے شاند کریندن ۔ اگر اے ناکافی ہِن تاں ہک ٻئے ثبوت نال اساں خدا کوں اپݨے دِلاں اچ محسوس کر سڳدوں ۔ واعط٣ باب ١١ آیت اساکوں ݙسیندی ھے، " اوں نے ھر ہک چیز کوں اوندے ویلے مطابق چنڳا بݨائے اتے اوں نے ابدیت کوں وی انہاں دے دل اچ جاگزین کیتے ایں واسطے جو انسان اوں کم کوں جو خدا شروع توں چھیکڑ تک کریندے دریافت نئیں کر سڳدا"۔ اساں انساںاں دے اندر کجھ ھے جینکوں اساں ڄاݨدوں جو ایں حیاتی دے بعد کجھ ھے اتے کوئی ھے جو ایں دنیا توں پرے ھے۔ اساں عقلی یا شعوری طور تے اینکوں ڄاݨݨ توں انکار کر سڳدوں ، پر خد ا دی موجودگی اساں اچ ھے اتے اساݙے ذریعے او اِتھاں موجود ھے۔ ایں ساریں ڳالھیں دے باوجود، کلامِ مقدس اساکوں خبردار کریندے جو کجھ حالی تئیں خدا دی موجودگی توں انکار کریندن ، " احق اپݨے دل اچ آکھیے جو کوئی خدا کائنی" (١٤ زبور ١ آیت)۔ شروع توں گھن تے ہُݨ تئیں ٩٨ فیصد توں ودھ لوک ، تمام ثقافتاں توں ، تمام تہذیباں توں ، تمام براعظماں توں خدا دے کہیں طرحاویں وجود تے یقین رکھیندن کوئی ھے ( یا کوئی ہک) جو ایں یقین دی وجہ ھے۔

مزید کلامِ مقدس دے حوالہ نال خدا دے وجود دے بارے اچ دلیلاں ݙیندے ھوئے ، اِتھاں منطقی دلیلاں ہِن۔ پہلا موجود ھووݨ دے نظریے دی دلیل ۔ موجود ھووݨ دے نظریے دی سبھ توں مشہور دلیل بنیادی طور تے خدا دے تصور کیتے ورتیندی ھے جو ثابت کریندی ھے جو خدا موجود ھے۔ انسانی نطقہ نگاہ نال خدا دی تعریف اینویں ھے ، " او جئیں توں عظیم دا کݙاہیں تصور نہ کیتا ڳیا ھووے" ۔ اے ثابت کریندے جو اوندی موجودگی سبھ توں عظیم ے جیڑھا جو موجود کائنی ، ایں واسطے کوئی قابلِ فھم مافوق الفطرت وجود ھے ۔ اگر خدا موجود کائنی تاں خدا عظیم تے قابلِ فھم نہ ھوسے پر اے خدا دی حقیقی تعریف کوں کریسے۔ ݙوجھا ، کائنات دے تغیرات دے نظریعے دی دلیل ۔ اے کائنات دے تغیرات دے نظریے دی دلیل جو کائنات دے حیران کن خاکے کوں ظاہر کریندی ھے ، اِتھاں کوئی ضرور ابدی بݨاون والا ھے ، مثال دے طور تے ، اگر زمین سِجھ توں کجھ سو میل نیڑے یا مزید پرے ھوندی ، تاں اے حیاتی کوں پالݨ دے قابل نہ ھوندی تے زمین تے رہݨ والی ہر چیز مر ویندی ۔ ہک کلہے پروٹین میلیکول دے اچانک بنݨ دا عمل اینویں ھے ہک خلیہ لکھاں پروٹین دے میلیکولاں تے مشتمل ھوندے۔

ہک تریجھی دلیل جینکوں خدا دے وجود کیتے آہدن کاءنات دے علم دے نظریے دی دلیل۔ ھر اثر دے پِچھوں ہک وجہ ھوندی ھے ۔ ایں کائنات اچ اتے ھر چیز اچ ہک اثر ھے ۔ اِتھاں ضرور کجھ تھیا ھے جیندی وجہ نال ھر چیز وجود اچ آئی ھے ۔ آخر کار ، اِتھاں کوئی چیز "بے وجود" ھے جیندی وجہ ھر چیز وجود اچ آئی ھے۔ ھے "بے وجود" چیز خدا ھے ۔ چوتھی دلیل ڄاݨی ویندی ھے اخلاقی نظریے دلیل۔ ھر تہذیب مُنڈھ توں کجھ قوانین رکھیندی ھئی ۔ ھر کوئی چنڳے اتے بُرے دی تعمیز رکھیندے ۔ خون کرݨ ، دھوکا ݙیوݨ ، چوری کرݨ اتے بدفعلی تقریباً عالم گیر طور تے رد کیتے ویندن ۔ اے چنڳے اتے بُرے دی تعمیر کتھوں آئی کیا اے خدا توں کائنی آئی؟

ایندے باوجود ، کلامِ مقدس اساکوں ݙسیندا ھے جو لوک خدا دے واضع اتے ناقابل انکار علم کوں رد کریسن اتے کوڑ دا یقین کریسن ۔ رومیوں ١ باب ٢٥ آیت اعلان کریندی ھے ، "ایں واسطے کہ انہاں نے خدا دی سچائی کوں بدل تے کوڑ بݨا ݙتے اتے مخلوقاں دی ودھ پرستش اتے عبادت دی بہ نسبت اوں خالق دے جو ابد تک محمود ھے ۔ آمین"

کلامِ مقدس اعلان کریندے جو لوک بغیر عذر دے خدا تے یقین نئیں رکھیندے ، " کیوں جو اوندیاں اَݨ ݙِٹھیاں صفتاں یعنی اوندی ازلی قدرت اتے الوھیت دنیا دی پیداءش دے ویلے توں بݨاءی ھوئی چیزاں دے ذریعے معلوم تھی تے صاف ںظردین ، اِتھاں تئیں جو انہاں کوں کو کجھ عذر باقی نئیں" (رومیوں ١ باب ٢٠ آیت) ۔ لوک خدا تے نہ یقین کرݨ دا دعویٰ کریندن کیوں جو اے "تجرباتی نئیں" یا " کیوں جو ایندا ثبوت کائنی" ۔ اصل وجہ اے ھے جو لوک ہک واری منیندن جو اِتھاں ہک خدا ھے ، او اے وی ضرور محسوس کریندن جو خدا انہاں دا ذمہ دار ھے اتے انہاں کوں خدا توں معافی دی لوڑھ ھے (رومیوں ٣ باب ٢٣ آیت ، ٦ باب ٢٣ آیت) ۔ اگر خدا موجود ھوندا، تاں اساں اوندے سامݨے اپݨے اعمال دے جواب دہ ھونوں ہا ، اگر خدا موجود کائنی ، تاں ول اساں جو کجھ وی چاہوں کر سڳدوں کہیں پریشانی دے بغیر دے خدا کیڑھا اساݙا حساب کرݨ والا ھے ، میں یقین رکھینداں جو اساݙے معاشرے جو بہوں لوگ نظریہ ارتقائی کوں سختی منیندن لوکاں کوں خالق خدا دے متبادل ایمان رکھݨ کیتے کجھ ٻیا ݙیندن ۔ خدا موجود ھے اتے آخر کار ھر کوئی ڄاݨدے جو او موجود ھے ۔ کجھ لوک جارحانہ طور تے اوندے وجود دی حقیقی سچائی کوں غلط ثابٹ کرݨ دی کوشش کریندن جو اوندے وجود دی سچی دلیل ھے۔

میکوں موکل ڈیو جو میں تہاݙے خدا دے وجود کیتے ہک چھیکڑی دلیل ݙیواں۔ میں کیویں ڄاݨیے جو خدا موجود ھے؟ میں ڄاݨداں جو خدا موجود ھے کیوں جو میں روزانہ اوندے نال ڳالھ مہاڑ کرینداں۔ میں اوندی اُچی آواز کوں پچھوں نئیں سُݨدا، لیکن میں اوندی موجودگی کوں محسوس کرینداں ، میں اوندی راہنمائی کوں محسوس کرینداں۔ میں اوندے پیار کوں ڄاݨداں ، میں اوندے فضل دی خواہش کرینداں ۔ میݙی زندگی اچ ایہو جیہاں ٻہوں چیزاں اُبھردین جنہاں دا خدا دے علاوہ کوئی ݙوجھا بیان ممکن کائنی ۔ خدا نے معجزانہ طور تے میکوں نجات ݙتی اے اتے میݙیی زندگی تبدیل کیتی ھے جو میں اپݨے طور تے نئیں کر سڳدا لیکن اوندے وجود کوں منݨ اتے اوندی تعریف نال ممکن تھیا ۔ انہاں وچوں کوئی وی دلیل ایہو جہی نئیں کر سڳدا لیکن اوندے وجود کوں منݨ اتے اوندی تعریف نال ممکن تھیا۔ انہاں اچ کوئی وی دلیل ایہو جہی نئین جو انہاں کوں قائل کرے جو کوئی اونکوں ڄاݨݨ توں انکار کرے تاں صاف ظاہر ھے۔ چھیکڑ اچ ، خدا دے وجود کوں ایمان دے ذریعے تسلیم کیتا ویندے(عبرانیوں ١١باب ٦ آیت)۔ خدا تے یقین کرݨا اینویں نئیں جینویں اندھارے اچ تیر چلاوݨا۔ اے ہک محفوظ قدم ھے ہک چنڳے روشݨ کمرے دے پاسے جتھاں ٩٠ فیصد لوک پہلے ھے کھڑن۔



واپس سراییکی / ملتانی زبان دے پہلے صفے تے



کیا خدا موجود ھے؟ کیا خدا دے وجود کیتے کوئی ثبوت ہِن؟