settings icon
share icon
سوال

کیا موت دے بعد زندگی ھے؟

جواب


کیا موت دے بعد زندگی ھے؟ کلامِ مقدس اساکوں ݙسیندے ، " انسان جو عورت توں پیدا تھیا ھے تھوڑے ݙینہاں دا ھے اتے ݙکھ نال بھریا ھے ۔ او پُھل دی طرحاں نکلدے اتے کٹ ݙتا ویندے ، او سایہ دی طرحاویں اُݙ ویندے اتے ٹھہردا نئیں ، اگر آدمی مر ونڄے تاں کیا او ول جی پوسے" (اویب ١٤ باب ١ توں ٢ اتے ١٤ آیت)

ایوب دی طرحاں اساں ساریں دا ایں سوال نال قریبی واسطہ ھے ۔ جو ٹھیک مرݨ دے بعد اساݙے نال کیا تھیسے؟ کیا اساں وݙی آسانی نال ختم تھی ویسوں؟ کیا زندگی گُھمݨ آلا ہک دروازہ ھے جیندے ذریعے اساں زمین تے آندے ویندے راہندوں ایندے ذریعے اساں ذاتی طور تے عزت حاصل کریندوں ۔ کیا ھر کوئی ہکو سنویں جاہ تے ویندے ، یا اساں وکھو وکھ جہیں تے ویندوں؟ کیا حقیقت اچ آسمان اتے دوزخ ہن ، یا اے ہک خیال ھی ھے۔

کلامِ مقدس اساکوں ݙسیندے جو اتھاں صرف موت دے بعد زندگی ہی کائنی بلکہ ابدی زندگی ھے جو ٻہوں زیادہ عظیم الشان ھے " جیڑھیاں چیزاں نہ اکھیں نے ݙِٹھیاں نہ کنیں سُݨیاں نہ آدمی دے دل اچ آیاں او سبھ خدا نے اپݨے محبت رکھݨ والیں کیتے تیار کر ڈتن " (١ کرنتھیوں ٢ باب ٩ آیت) ۔ یسوع مسیح ، خدا مجسم تھیا اتے زمین تے اساکوں ابدی زندگی دا تحفہ ݙیوݨ کیتے آیا " حالانکہ او اساݙی خطاواں دے سببوں گھائل کیتا ڳیا اتے اساݙی بدکردار دے باعث کچلا ڳیا ۔ اساݙی ہی سلامتی کیتے اوندے اُتے سیاست تھئی تاں جو اوندے مار کھاوݨ نال اساں شفا پاووں ۔ (یسعیا ٥٣ باب ٥ آیت) ۔

یسوع نے او سزا اپݨے اُتے گھن گھدی جیندا اساں وچوں ہر کوئی مستحق ھے اتے اپݨی زندگی کوں قربان کر ݙتا ۔ ترائے ݙینہاں دے بعد ، اوں نے قبر اچوں زندہ تھی تے اپݨےآپ کوں فتح مند ثابت کر ݙتا ، روح اچ اتے بدن اچ ، او اپݨےا بدی آسمان گھر اچ چاتے ونڄݨ توں پہلے زمین تے چالہی ݙینھ تک رہیا ، جیندے ہزاراں گواہ ہن۔ رومیوں ٤ باب ٢٥ آیت ݙسیندی ھے ، " او اساݙے قصوراں کیتے حوالہ کر ݙتا ڳیا اتے اساݙے راستبار ٹھہراوݨ کیتے جلایا ڳیا"۔

مسیح دا مُردیں وچوں جی پووݨ ہک دستاویز شدہ واقع ہے ۔ پولوس رسول نے ایجھے لوکاں دے سوالاں دا سامݨا کیتا جو ایں واقع دی سچائی دے عینی شاہد ہن اتے انہاں وچوں کوئی وی ایں سچائی دے سامݨے نہ کھڑا تھیندا۔ مُردیں وچوں جی پووݨ مسیحی ایمان دی بنیاد ھے ، کیوں جو مسیح مُردیں وچوں جی پیا۔ اساں ایمان رکھ سڳدوں جو او اساکوں وی مُردیں وچوں زندہ کریسے۔

پولوس رسول نے مُنڈھلے مسیحاں کوں سمھایا اتے ایں ڳالھ تے یقین نہ رکھیندے ہن : " بس جݙاں مسیح دی اے منادی کیتی ویندی ھے جو او مُردیں وچوں جی پیا تاں تُساوں وچوں بعض کیویں آہدن جو مُردیں دی قیامت ہی نئیں ھوندی ؟ اگر مُردیں دی قیامت نئیں تاں مسیح وی نی جی پیا" (١۔ کرنتھیوں ١٥ باب ١٢ توں ١٣ آیت)۔

صرف مسیح ہی مُردیں وچوں جی پووݨ والیں وچوں پہلوٹھا ھے جیکوں دوبارہ زندہ کیتا ڳیا ۔ جسمانی موت آدم دے ذریعے آئی ، آدم ، جیندے نال اساں تعلق رکھیندے ہیں ، پر او سبھ جو خدا دے خاندان اچ بطور لے پالک ہِن انہاں کوں نویں حیاتی ݙتی ویسے یسوع مسیح تے ایمان گھن آوݨ نال ( ١۔کرنتھیوں ١٥ باب ٢٠ توں ٢٢ آیت) ۔ بالک ایں طرحاں جیویں خدا نے یسوع مسیح کوں ساڑیا ، ایجھا ہی یسوع دی دوبارہ آمد تے اساکوں ساڑیا ویسے (١۔ کرنتھیوں ٦ باب ١٤ آیت)۔

اگرچہ اساں سبھنائیں کوں ساڑیا ویسے ، سارے کٹھے اَسمان تے کائناں ویسوں ۔ ہر شخص کوں اوندی حیاتی اچ ہک موقع ݙتا ویسے جئیں توں او مرد یا عورت احاطہ کریسے جو او اپݨی ابدی حیاتی کیتے کتھاں ونڄن۔ کلام مقدس آہدے جو اساکوں موت ہک واری آؤسے۔ بعد اچ عدالت تھیسے (عبرانیوں ٩ باب ٢٧ آیت) ۔ جیڑھے لوک اپݨے آپ کوں راستبار بݨیندن او ابدی زندگی واسطے اَسمان دی بادشاہی اچ داخل تھیسن ، پر بے ایمان ابدی سزا کیتے جہنم اچ ویسن۔ ( متی ٢٥ باب ٤٦ آیت)۔

دوزخ ، جیویں اَسمان ، صرف ہک وجود کوں ہی بیان نئیں کریندی ، پر ہک اصل اتے ٻہوں حقیقی جاہ ہے ۔ اے ہک جاہ ہے جتھاں ناراست خدا دے ابدی اتے کݙاہیں نہ مُکݨ والے غضب دی آزمائش اچ راہسن ۔ او ڄاݨ بُجھ تے ݙکھ اتے شرم ، افسوس اتے ذلت دے نال ، جذباتی ، ذہنی اتے جسمانی عذاب برداشت کریسن۔ دوزوخ بیان کیتی ڳئی ہے جیکوں اتھاۃ گڑھا ( لوقا ٨ باب ٣١ آیت ، مکاشفہ ٩ باب ١ آیت) اتے ہک بھاہ دی جھیل ، گندھک دے نال ٻلدی ھوئی ، جتھاں راہݨ والے ݙینھ اتے رات ابدُالآ باد عذاب اچ راہسن (مکاشفہ ٢٠ باب ١٠ آیت) ۔ اُتھاں رووݨ اتے ݙندیں دا گٹھݨ ہوسے، جو شدید ملال اتے کاوڑ کوں ظاہر کریسے ( متی ١٣ باب ٤٢ آیت) ۔ اے ہک جاہ ہے " جتھاں انہاں دا کیڑا نئیں مردا اتے بھاہ نئیں ٻُجھدی" (مرقس ٩ باب ٤٨ آیت) ۔ خداوند کوں شریر دے مرݨ نال کوئی خوشی کائنی ، بھلکہ ایندے نال ہے جو شریر اپݨی راہ توں باز آوے اتے زندہ راہوے " (حزقی ایل ٣٣ باب ١١ آیت) ۔ پر او اساں کولوں زبردستی فرمانبرداری نئیں کرویندا، اگر اساں اونکوں رد کریندوں ، او اساں تے نگاہ رکھیندے پر جیڑھیاں چیزاں دی اساکوں لوڑھ ھے اساکوں ݙیندے چاہے اساں اوندے کولوں پرے رہوں۔

زمین تے زندگی ہک آزماءش ھے تیارے ہے جو کیا ھووݨ والا ھے ۔ خدا دی حضوری اچ ایمانداراں کیتے اے ابدگی زندگی ہے ۔ بس اساں کیویں راستباز بݨ سڳدوں اتے کیویں ابدی زندگی حاصل کر سڳدوں؟ اِتھاں صرف ہکو ہی رستہ ھے خدا دے پُتر یسوع مسیح تے یقین اتے ایمان گھن آوݨ نال ۔ یسوع نے آکھیا ۔ " یسوع نے اونکوں آکھیا قیامت اتے زندگی تاں میں ہاں ، جیڑھا میݙے اُتے ایمان گھن آؤسے توݨی او مر وی ونڄے تاں وی زندہ راہسے ؟ اتے جیڑھا کوئی وی زندہ ہے اتے میݙے اُتے ایمان گھن آندے او ابد تک کݙاہیں کائنا مرسے " (یوحنا ١١ باب ٢٥ توں ٢٦ آیت)۔

ابدی زندگی دا مفت تحفہ ہر کہیں واسطے میسر ھے ، لیکن او چاہندا ھے جو اساں دنیاوی خواہشات دا انکار کروں اتے اپݨے آپ کوں خدا کیتے وقف کر ݙیوں ۔ " جو پُتر تے ایمان گھن آندے ہمیشاں دی زندگی اوندی ہے ۔ لیکن جیڑھا پُتر کوں نئیں منیندا زندگی کوں کائناں ݙیکھسے ، بھلکہ اوندے اُتے خدا دا غضب راہندے " (یوحنا ٣ باب ٣٦ آیت) ۔ اساکوں اساݙی موت دے بعد اپݨے گناہاں توں توبہ دا موقع کائناں ملسے کیوں جو جݙاں اساں ہک واری خدا کوں رو برو ݙِٹھا ، ول اساݙے کول اوندے اُتے یقین کرں دے علاوہ کوئی چارہ نہ ہوسے ، او چاہندے جو اساں ہُݨ وی اوندے کول ایمان تے پیار نال آووں ۔ اگر اساں یسوع مسیح دی موت کوں قبول کریندوں جیندی قیمت ادا کیتی ڳئی اساݙی گناہ بھری بغاوت دی جو خدا دے خلاف ھئی ۔ اساکوں زمین تے صرف بامعنی حیاتی دی ضمانت نئیں ملدی ، لیکن نال ہی مسیح دی حضوری اچ دائمی زندگی ملدی ہے۔

اگر تُساں یسوع کوں اپݨا نجات دھندہ قبول کریندے ہاؤ ، اِتھاں دعا ہے دا ہک نمونہ ہے ۔ یاد رکھو ، ایں دعا کوں پڑھن یا کہیں ٻئی دعا کوں پڑھݨ نال تہاکوں نجات مل سڳدی ہے ۔ صرف مسیح تے ایمان گھن آوے او تہاکوں تہاݙے گناہاں توں نجات ݙے سڳدا ھے ۔ اے دعا سادہ جیہا ہک رستہ ھے خدا توں اظہار کرݨ دا جو تہاݙا ایمان اوندے اُتے ھے اتے اوندا شکریہ ادا کرو جو اوں نے تہاکوں نجات بخشی ۔ "خداوند" ، میں ڄاݨداں جو میں تیݙے خلاف گناہ کیتا اتے میں سزا دا مستحق ہاں ۔ لیکن جیں سزا دا میں مستحق ہم ، یسوع مسیح نے او سزا اپݨے اُتے گھن گھدی بس اوندے اُتے ایمان گھن آوݨ نال میں معافی پا گھدی ۔ میں اپݨے گناہاں توں کنارہ کشی اختیار کرینداں اتے اپݨا ایمان تیݙے اُتے رکھینداں اپݨی نجات واسطے ، میں شکریہ ادا کرینداں تہاݙے حیرت انگیز فضل اتے بخشش دا جو ابدی زندگی دا تحفہ ھے آمین " ۔

تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں

English



واپس سراییکی / ملتانی زبان دے پہلے صفے تے

کیا موت دے بعد زندگی ھے؟
Facebook icon Twitter icon Pinterest icon Email icon
© Copyright Got Questions Ministries