ଜଣେ ଖ୍ରୀଷ୍ଟିୟାନ କ’ଣ ଅଟନ୍ତି?



ପ୍ରଶ୍ନ: ଜଣେ ଖ୍ରୀଷ୍ଟିୟାନ କ’ଣ ଅଟନ୍ତି?

ଉତ୍ତର:
ୱେବଷ୍ଟର ଶବ୍ଦକୋଷ ଜଣେ ଖ୍ରୀଷ୍ଟିୟାନକୁ ଏହିପରି ଭାବରେ ବର୍ଣ୍ଣନା କରେ, "ଜଣେ ଲୋକ ଖ୍ରୀଷ୍ଟିୟାନ ଭାବରେ ଯୀଶୁଙ୍କଠାରେ କିମ୍ବା ଧର୍ମ ଉପରେ ଯୀଶୁଙ୍କର ଶିକ୍ଷାକୁ ଭିତ୍ତି କରି ବିଶ୍ବାସ ଦାବି କରେ" | ଅନେକ ପାର୍ଥିବ ବ୍ୟାଖ୍ୟା ପରି, ଜଣେ ଖ୍ରୀଷ୍ଟିୟାନ କ’ଣ ବୁଝିବା ପାଇଁ ଏହା ଏକ ଉତ୍ତମ ଆରମ୍ଭ ହୋଇଥିବା ବେଳେ, ଗୋଟିଏ ଖ୍ରୀଷ୍ଟିୟାନର ଅର୍ଥ କ’ଣ, ବାଇବଲର ଏହି ସତ୍ୟତା ସହିତ ଯୋଗାଯୋଗ କରିବା ସମୟରେ, ଏହା ପ୍ରକୃତରେ ଧରାଶାୟୀ ହୋଇଯାଏ |

ନୂତନ ନିୟମରେ, ଖ୍ରୀଷ୍ଟିୟାନ ଶବ୍ଦ ତିନିଥର ବ୍ଯବହୃତ ହୋଇଛି (ପ୍ରେରିତ ୧୧:୨୬; ପ୍ରେରିତ ୨୬:୨୮; ୧ ପିତର ୪:୧୬) | ଯୀଶୁଖ୍ରୀଷ୍ଟଙ୍କ ଅନୁଚରମାନଙ୍କୁ, ଆନ୍ତିୟଖିଆରେ (ପ୍ରେରିତ ୧୧:୨୬) ପ୍ରଥମେ "ଖ୍ରୀଷ୍ଟିୟାନ" ଭାବରେ ଡକାଯାଉଥିଲା, କାରଣ ସେମାନଙ୍କର ବ୍ୟବହାର, ଚାଲିଚଳନ ଏବଂ କଥାବାର୍ତ୍ତା ଠିକ୍ ଖ୍ରୀଷ୍ଟଙ୍କ ପରି ଥିଲା | ଖ୍ରୀଷ୍ଟିୟାନମାନଙ୍କୁ ଥଟ୍ଟା କରିବା ପାଇଁ, ଏହି ପ୍ରକାରର ଘୃଣାସୂଚକ ନାମ, ମୂଳତଃ ଆନ୍ତିୟଖିଆର ଉଦ୍ଧାର ପାଇ ନଥିବା ଲୋକମାନଙ୍କ ଦ୍ବାରା ବ୍ୟବହାର କରାଯାଉଥିଲା | ଏହାର ସାହିତ୍ୟିକ ଅର୍ଥ ହେଉଛି "ଖ୍ରୀଷ୍ଟଙ୍କ ଦଳ ସହିତ ସମ୍ପର୍କ ଥିବା" କିମ୍ବା "ଖ୍ରୀଷ୍ଟଙ୍କର ଜଣେ ସମର୍ଥକ ବା ଅନୁଗାମୀ" ଅଟେ, ଏହା ୱେବଷ୍ଟର ଶବ୍ଦକୋଷ ବ୍ୟାଖ୍ୟା କରିଥିବା ଅର୍ଥ ସହିତ ସମାନ ଅଟେ |

ଦୁର୍ଭାଗ୍ୟବଶତଃ ସମୟ କ୍ରମେ, "ଖ୍ରୀଷ୍ଟିୟାନ" ଶବ୍ଦଟି ତାହାର ଗୁରୁତ୍ବ ହରାଇ ବସିଲା ଏବଂ ଖ୍ରୀଷ୍ଟଙ୍କର ପ୍ରକୃତ ଅନୁଗାମୀ ପରିବର୍ତ୍ତେ, ବେଳେବେଳେ, କେହି ଜଣେ ଧାର୍ମିକ କିମ୍ବା ଉଚ୍ଚ ନୈତିକ ମୂଲ୍ୟ ଥିବା ଲୋକଙ୍କ ନିମନ୍ତେ ବ୍ୟବହାର କରାଗଲା | ଅନେକ ଲୋକ ଯେଉଁମାନେ ଯୀଶୁଖ୍ରୀଷ୍ଟଙ୍କୁ ବିଶ୍ବାସ କରୁ ନଥିଲେ, ସେମାନେ ନିଜକୁ ନିଜେ ଖ୍ରୀଷ୍ଟିୟାନ ବୋଲି ସମ୍ବୋଧିତ କଲେ କାରଣ ସେମାନେ ମଣ୍ଡଳୀକୁ ଯାଉଥିଲେ କିମ୍ବା ଗୋଟିଏ "ଖ୍ରୀଷ୍ଟିୟାନ" ଦେଶରେ ବାସ କରୁଥିଲେ | କିନ୍ତୁ ମଣ୍ଡଳୀକୁ ଯିବା, ଆପଣଙ୍କଠାରୁ କମ୍ ଭାଗ୍ଯବାନ୍ ଲୋକଙ୍କର ସେବା କରିବା କିମ୍ବା ଜଣେ ଭଲ ଲୋକ ହେବା ଆପଣଙ୍କୁ ଖ୍ରୀଷ୍ଟିୟାନ କରିବ ନାହିଁ | ଯେପରି ଜଣେ ଧର୍ମ ପ୍ରଚାରକ ଥରେ କହିଥିଲେ, "ଗୋଟିଏ ଗ୍ଯାରେଜକୁ ଯାଇ ଗୋଟିଏ ଅଟୋମୋବାଇଲ କରିବା ଅପେକ୍ଷା ମଣ୍ଡଳୀକୁ ଯିବା, ଜଣକୁ ଆଉ ଖ୍ରୀଷ୍ଟିୟାନ କରିବ ନାହିଁ" | ଗୋଟିଏ ମଣ୍ଡଳୀର ସଦସ୍ୟ ହେବା, ନିୟମିତ ଭାବରେ ସେବାରେ ଉପସ୍ଥିତ ହେବା ଏବଂ ମଣ୍ଡଳୀର କାର୍ଯ୍ୟ ସମାପନ କରିବା ଆପଣଙ୍କୁ ଜଣେ ଖ୍ରୀଷ୍ଟିୟାନ କରିପାରିବ ନାହିଁ |

ବାଇବଲ ଆମକୁ ଏହା ଶିକ୍ଷା ଦିଏ ଯେ, ଆମେ ଯେତେ ଭଲ କାମ କଲେ ସୁଦ୍ଧା ଈଶ୍ବରଙ୍କ ଦ୍ବାରା ଆମେ ଗ୍ରହଣଯୋଗ୍ଯ ହୋଇପାରିବା ନାହିଁ | ତୀତସ୍ ୩:୫ ଆମକୁ କୁହେ "ସେତେବେଳେ ସେ ଆମ୍ଭମାନଙ୍କ କୃତ ଧର୍ମକର୍ମ ସକାଶେ ନୁହେଁ, ମାତ୍ର ଆପଣାର ଦୟାନୁସାରେ ପୁନର୍ଜନ୍ମର ପ୍ରକ୍ଷାଳନ ଓ ପବିତ୍ରଆତ୍ମାଙ୍କ ନୂତନୀକରଣ ଦ୍ବାରା ଆମ୍ଭମାନଙ୍କୁ ପରିତ୍ରାଣ କରିଅଛନ୍ତି" | ତେଣୁ, ଜଣେ ଖ୍ରୀଷ୍ଟିୟାନ ହେଉଛନ୍ତି ସେହିଜଣେ ଯିଏ ଈଶ୍ବରଙ୍କ ଦ୍ବାରା ପୁନର୍ଜନ୍ମ ପ୍ରାପ୍ତ ହୋଇଛନ୍ତି (ଯୋହନ ୩:୩; ଯୋହନ ୩:୭; ୧ ପିତର ୧:୨୩) ଏବଂ ଯୀଶୁ ଖ୍ରୀଷ୍ଟଙ୍କଠାରେ ତାହାଙ୍କ ବିଶ୍ବାସ ସ୍ଥାପନ କରିଛନ୍ତି | ଏଫିସୀୟ ୨:୮ ଆମକୁ କୁହେ ଯେ ଏହା ହେଉଛି, "…କାରଣ ଅନୁଗ୍ରହରେ ବିଶ୍ବାସ ଦ୍ବାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜଠାରୁ ହୋଇ ନାହିଁ, ତାହା ଈଶ୍ବରଙ୍କ ଦାନ" | ଜଣେ ପ୍ରକୃତ ଖ୍ରୀଷ୍ଟିୟାନ ହେଉଛନ୍ତି ସେହି ବ୍ଯକ୍ତି ଯିଏ ତାହାଙ୍କ ପାପ ନିମନ୍ତେ ଅନୁତପ୍ତ ହୋଇ କେବଳ ଯୀଶୁଙ୍କଠାରେ ନିଜର ବିଶ୍ବାସ ସ୍ଥାପନ କରିଛନ୍ତି | ତାହାଙ୍କର ବିଶ୍ବାସ, କୌଣସି ଧର୍ମ, ନୈତିକ ନିୟମ କିମ୍ବା କ’ଣ କରିବେ ଓ କ’ଣ କରିବେ ନାହିଁ ର ତାଲିକାକୁ ଅନୁସରଣ କରେ ନାହିଁ |

ଜଣେ ପ୍ରକୃତ ଖ୍ରୀଷ୍ଟିୟାନ ହେଉଛନ୍ତି ସେହି ବ୍ଯକ୍ତି ଯିଏ ନିଜର ବିଶ୍ବାସକୁ ଯୀଶୁ ଖ୍ରୀଷ୍ଟଙ୍କ ବ୍ଯକ୍ତିତ୍ବଠାରେ ସ୍ଥାପିତ କରିଛନ୍ତି ଏବଂ ସତ୍ୟତା ହେଉଛି ଯେ, ଯୀଶୁ ପାପ ପାଇଁ ପାଉଣା ସ୍ବରୂପ କ୍ରୁଶ ଉପରେ ମୃତ୍ୟୁଭୋଗ କରିଥିଲେ ଏବଂ ସେ ତୃତୀୟ ଦିବସରେ ପୁନରୁତ୍ଥିତ ହୋଇ ମୃତ୍ୟୁ ଉପରେ ତାଙ୍କର ବିଜୟ ଦର୍ଶାଇ, ଯେଉଁମାନେ ତାଙ୍କଠାରେ ବିଶ୍ବାସ ସ୍ଥାପନ କରିଥିଲେ, ସେମାନଙ୍କୁ ଅନନ୍ତ ଜୀବନ ଦାନ କରିଥିଲେ | ଯୋହନ ୧:୧୨ ଆମକୁ କୁହେ "ମାତ୍ର ଯେତେ ଲୋକ ତାହାଙ୍କୁ ଗ୍ରହଣ କଲେ, ଅର୍ଥାତ୍ ଯେଉଁମାନେ ତାହାଙ୍କ ନାମରେ ବିଶ୍ବାସ କଲେ, ସେ ସମସ୍ତଙ୍କୁ ସେ ଈଶ୍ବରଙ୍କ ସନ୍ତାନ ହେବା ନିମନ୍ତେ ଅଧିକାର ଦେଲେ" | ଜଣେ ପ୍ରକୃତ ଖ୍ରୀଷ୍ଟିୟାନ ନିଶ୍ଚିତରେ ଈଶ୍ବରଙ୍କ ସନ୍ତାନ, ଈଶ୍ବରଙ୍କ ସତ୍ୟ ପରିବାରର ଜଣେ ସଦସ୍ୟ, ଏବଂ ଜଣେ ବ୍ଯକ୍ତି, ଯାହାଙ୍କୁ ଖ୍ରୀଷ୍ଟଙ୍କଠାରେ ନୂତନ ଜୀବନ ପ୍ରଦାନ କରାଯାଇଛି | ଜଣେ ପ୍ରକୃତ ଖ୍ରୀଷ୍ଟିୟାନର ଚିହ୍ନ ହେଉଛି, ଅନ୍ଯକୁ ପ୍ରେମ କରିବା ଓ ଈଶ୍ବରଙ୍କ ବାକ୍ୟକୁ ଅକ୍ଷରେ ଅକ୍ଷରେ ପାଳନ କରିବା ( ୧ ଯୋହନ ୨:୪; ୧ ଯୋହନ ୨:୧୦) |

ଏଠାରେ ଆପଣ ଯାହା ପଢିଲେ ସେହି କାରଣରୁ ଆପଣ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି ? ଦୟାକରି ନିମ୍ନରେ ଥିବା "ମୁଁ ଆଜି ଖ୍ରୀଷ୍ଟଙ୍କୁ ଗ୍ରହଣ କଲି" ବୋତାମକୁ କ୍ଲିକ୍ କରନ୍ତୁ



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଜଣେ ଖ୍ରୀଷ୍ଟିୟାନ କ’ଣ ଅଟନ୍ତି?