ଅନନ୍ତଜୀବନ ପାଇଛ କି?


ପ୍ରଶ୍ନ: ଅନନ୍ତଜୀବନ ପାଇଛ କି?

ଉତ୍ତର:
ଅନନ୍ତଜୀବନ ପାଇବା ପାଇଁ ବାଇବଲ ଏକ ସ୍ପଷ୍ଟ ପଥ ଉପସ୍ଥାପନା କରେ | ପ୍ରଥମତଃ, ଆମକୁ ସ୍ଵୀକାର କରିବାକୁ ପଡ଼ିବ ଯେ, ଆମେ ଇଶ୍ଵରଙ୍କ ବିରୁଦ୍ଧରେ ପାପ କରିଅଛୁ: “ସମସ୍ତେ ତ ପାପ କରିଅଛନ୍ତି, ପୁଣି ଇଶ୍ଵରଙ୍କ ଗୌରବରୁ ରହିତ ହୋଇଅଛନ୍ତି” (ରୋମୀୟ ୩:୨୩) | ଆମେ ସମସ୍ତେ ଇଶ୍ଵରଙ୍କ ଅସନ୍ତୋଷ ଜନକ କାର୍ଯ୍ୟ କରିଅଛୁ, ଯେଉଁଥି ପାଇଁ ଆମେ ଦଣ୍ଡ ପାଇବାର ଯୋଗ୍ୟ ଅଟୁ | ଯେହେତୁ ଆମ ସମସ୍ତଙ୍କ ପାପ, ଅନନ୍ତକାଳୀନ ଇଶ୍ଵରଙ୍କ ବିରୁଦ୍ଧରେ ଅଟେ, କେବଳ ଅନନ୍ତ କାଳୀନ ଦଣ୍ଡ ହିଁ ଏହାକୁ ପୂରଣ କରିପାରେ | “କାରଣ ପାପର ବେତନ ମୃତ୍ୟୁ” (ରୋମୀୟ ୬:୨୩) |

ଯାହା ହେଉ, ଯୀଶୁ ଖ୍ରୀଷ୍ଟ, ଯିଏ ପାପଶୂନ୍ୟ (୧ ପିତର ୨:୨୨), ଅନନ୍ତକାଳୀନ ଇଶ୍ଵରଙ୍କ ପୁତ୍ର ଅଟନ୍ତି, ଯେ ମନୁଷ୍ୟ ରୂପ ଧାରଣ କଲେ (ଯୋହନ ୧:୧,୧୪) ଏବଂ ଆମ ପାପର ମୂଲ୍ୟ ପରିଶୋଧ ପାଇଁ ମୃତ୍ୟୁଭୋଗ କଲେ | “କିନ୍ତୁ ଆମ୍ଭେମାନେ ପାପୀ ଥିବା ସମୟରେ ସୁଦ୍ଧା ଖ୍ରୀଷ୍ଟ ଯେ ଆମ୍ଭମାନଙ୍କ ନିମନ୍ତେ ମୃତ୍ୟୁଭୋଗ କଲେ, ସେଥିରେ ଇଶ୍ଵର ଆମ୍ଭମାନଙ୍କ ପ୍ରତି ଆପଣା ପ୍ରେମ ସପ୍ରମାଣ କରୁଅଛନ୍ତି” (ରୋମୀୟ ୫:୮) | ଯୀଶୁ ଖ୍ରୀଷ୍ଟ କୃଶ ଉପରେ ମୃତ୍ୟୁ ଭୋଗ କଲେ (ଯୋହନ ୧୯:୩୧-୪୨) ଯେଉଁ ପାପର ଦଣ୍ଡ ଆମେ ପାଇବାକୁ ଯୋଗ୍ୟ ଥିଲୁ ତାହା ସେ ନିଜ ଉପରେ ନେଲେ (୨ କରିନ୍ଥୀୟ ୫:୨୧) । ପାପ ଓ ମୃତ୍ୟୁ ଉପରେ ବିଜୟ ହାସଲର ପ୍ରମାଣ ଦେଇ, ତୃତୀୟ ଦିବସରେ ଉତଥିତ ହେଲେ । ଆପଣାର ମହା ଦୟାରେ ଯୀଶୁ ଖ୍ରୀଷ୍ଟଙ୍କ ପୁରରୁତଥାନ ଦ୍ଵାରା ଜୀବନ ଦାୟକ ଭରସା ପ୍ରାପ୍ତି ନିମନ୍ତେ ସେ ଆମ୍ଭମାନଙ୍କୁ ନୂତନ ଜୀବନ ଦେଇ ଅଛନ୍ତି (୧ ପିତର ୧:୩) |

ବିଶ୍ଵାସ ଦ୍ଵାରା ଆମ ଧାରଣାକୁ ଖ୍ରୀଷ୍ଟଙ୍କ ବିଷୟରେ ଆମକୁ ପରିବର୍ତ୍ତନ କରିବା ଆବଶ୍ଵକ ଯଥା- ସେ କିଏ, ସେ କଅଣ କଲେ, ଏବଂ କାହିଁକି କଲେ - (ପ୍ରେରିତ ୩:୧୯) | ଆମ ପାପର ମୁଲ୍ୟ ପରିଶୋଧ ପାଇଁ, ତାହାଙ୍କ କୃଶୀୟ ମୃତ୍ୟୁକୁ ଭରସା କରି ଆମେ ଯଦି ତାହାଙ୍କଠାରେ ବିଶ୍ଵାସ ରଖୁ, ତେବେ ଆମେ କ୍ଷମା ପାଇବା ଓ ସ୍ଵର୍ଗୀୟ ଅନନ୍ତ ଜୀବନର ପ୍ରତିଜ୍ଞା ପ୍ରାପ୍ତ ହେବା । “କାରଣ ଇଶ୍ଵର ଜଗତକୁ ଏଡ଼େ ପ୍ରେମ କଲେ ଯେ ସେ ଆପଣା ଏକମାତ୍ର ପୁତ୍ରଙ୍କୁ ଦାନ କଲେ, ଯେପରି ଯେ କେହି ତାହାଙ୍କଠାରେ ବିଶ୍ଵାସ କରେ, ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ” (ଯୋହନ ୩:୧୬) | “ଯେଣୁ ଯଦି ତୁମେ ମୁଖରେ ଯୀଶୁଙ୍କୁ ପ୍ରଭୁ ବୋଲି ସ୍ଵୀକାର କରିବା, ଆଉ ଇଶ୍ଵର ତାହାଙ୍କୁ ମୃତମାନଙ୍କ ମଧ୍ୟରୁ ଉଠାଇଅଛନ୍ତି ବୋଲି ହୃଦୟରେ ବିଶ୍ଵାସ କରିଵ, ତେବେ ପରିତ୍ରାଣ ପ୍ରାପ୍ତ ହେବ ” (ରୋମୀୟ ୧୦:୯) | କୃଶ ଉପରେ ଖ୍ରୀଷ୍ଟ ସମାପ୍ତ କରିଥିବା କାର୍ଯ୍ୟ ଉପରେ ବିଶ୍ଵାସ କରିବା ହିଁ ଅନନ୍ତଜୀବନର ସତ୍ୟ ପଥ ଅଟେ ! “କାରଣ ଅନୁଗ୍ରହରେ ବିଶ୍ଵାସ ଦ୍ଵାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜଠାରୁ ହୋଇ ନାହିଁ, ତାହା ଇଶ୍ଵରଙ୍କ ଦାନ” (ଏଫିସୀୟ ୨:୮,୯) |

ଯଦି ତୁମେ ଯୀଶୁ ଖ୍ରୀଷ୍ଟଙ୍କୁ ଉଦ୍ଧାରକର୍ତ୍ତା ରୂପେ ଗ୍ରହଣ କରିବାକୁ ଚାହଁ, ତେବେ ନିମ୍ନରେ ପ୍ରାର୍ଥନାର ଏକ ନମୁନା ଦିଆଯାଇଅଛି | ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ଵାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ଆପଣଙ୍କୁ ଉଦ୍ଧାର କରି ପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଙ୍କ ଠାରେ ବିଶ୍ଵାସ କରିବା ଦ୍ଵାରା ହିଁ ପାପରୁ ଉଦ୍ଧାର ପାଇପାରିବେ |

ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ଇଶ୍ଵରଙ୍କଠାରେ ନିଜ ବିଶ୍ଵାକୁ ପ୍ରକାଶ କରିବ। ଓ ସେ ତୁମ ପାଇଁ ପରିତ୍ରାଣ ଯୋଗାଇ ଥିବାରୁ ତାହାଙ୍କ ପ୍ରତି ଧନ୍ୟବାଦୀ ହେବ| । ପ୍ରାର୍ଥନା - “ହେ ଇଶ୍ଵର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ | କିନ୍ତୁ ମୁଁ ବିଶ୍ଵାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋ ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି | ତାହାଙ୍କ ଠାରେ ବିଶ୍ଵାସ କରିବା ଦ୍ଵାରା ମୋହର ପାପ କ୍ଷମା ହୋଇପାରିବ | ପରିତ୍ରାଣ ପାଇବା ପାଇଁ ମୁଁ ତୁମ୍ଭଠାରେ ବିଶ୍ଵାସ କରୁଅଛି | ତୁମ ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ |

ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ ଟିକ୍ କରନ୍ତୁ



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଅନନ୍ତଜୀବନ ପାଇଛ କି?