ମୁଁ କେଉଁ ଆତ୍ମିକ ଦାନ ପାଇଛି ସେ ବିଷୟରେ ମୁଁ କିପରି ଜାଣିପାରିବି?


ପ୍ରଶ୍ନ: ମୁଁ କେଉଁ ଆତ୍ମିକ ଦାନ ପାଇଛି ସେ ବିଷୟରେ ମୁଁ କିପରି ଜାଣିପାରିବି?

ଉତ୍ତର:
ଆମ୍ଭମାନଙ୍କର ଆତ୍ମିକ ଦାନ କ’ଣ ସେ ବିଷୟରେ ଜାଣିବା ନିମନ୍ତେ କୌଣସି ମ୍ୟାଜିକ୍‍ ଫର୍ମୁଲା ନାହିଁ କିମ୍ବା ଏଥିନିମନ୍ତେ କୌଣସି ନିର୍ଦ୍ଧିଷ୍ଟ ପରୀକ୍ଷା ନାହିଁ ଯାହା ଆମ୍ଭମାନଙ୍କର ନିର୍ଦ୍ଧିଷ୍ଟ ଆତ୍ମିକ ଦାନ କ’ଣ ତାହା ଜଣାଇପାରିବ । ପବିତ୍ରଆତ୍ମା ଯେପରି ଭାବେ ନିର୍ଦ୍ଧାରଣ କରନ୍ତି ସେ ସେପରି ଭାବରେ ଦାନଗୁଡିକୁ ବିତରଣ କରନ୍ତି (1କରିନ୍ଥୀୟ 12:7-11) । ଖ୍ରୀଷ୍ଟିୟାନମାନଙ୍କର ଏକ ସାଧାରଣ ସମସ୍ୟା ହେଉଛି ଆତ୍ମିକ ଦାନ ବିଷୟରେ ଆମେ ପ୍ରଲୋଭିତ ହେଉଛୁ, ଅର୍ଥାତ୍‍ ଆମେ ଯେଉଁ ଆତ୍ମିକ ଦାନ ପାଇଛୁ ବୋଲି ଅନୁଭବ କରୁ କେବଳ ସେହି କ୍ଷେତ୍ରରେ ହିଁ ଈଶ୍ବରଙ୍କ ସେବା କରିବାକୁ ଆମେ ଚାହୁଁଛୁ । ଆତ୍ମିକ ଦାନ ସେପରି ଭାବରେ କାର୍ଯ୍ୟ କରେନାହିଁ । ଈଶ୍ବର ଆମ୍ଭମାନଙ୍କୁ ସବୁ ବିଷୟରେ ବାଧ୍ୟତାର ସହ ତାହାଙ୍କର ସେବା କରିବାକୁ ଡାକନ୍ତି । ଈଶ୍ବର ଆମ୍ଭମାନଙ୍କୁ ଯେଉଁ ସେବାକାର୍ଯ୍ୟ ନିମନ୍ତେ ଡାକିଛନ୍ତି ସେହି ସେବାକାର୍ଯ୍ୟରେ ଯେଉଁ ଆତ୍ମିକ ଦାନ ବା ଆତ୍ମିକ ଦାନଗୁଡିକ ଆବଶ୍ୟକ ଅଟେ ଈଶ୍ବର ସେହି ଆତ୍ମିକ ଦାନ ବା ଆତ୍ମିକ ଦାନଗୁଡିକ ଆମ୍ଭମାନଙ୍କୁ ଦେଇ ଉକ୍ତ ସେବାକାର୍ଯ୍ୟ କରିବାରେ ସାହାଯ୍ୟ କରିବେ ।

ଆମ୍ଭେମାନେ ଆତ୍ମିକ ଦାନ ପାଇଛୁ ବୋଲି ଚିହ୍ନିବା କାର୍ଯ୍ୟଟି ଅନେକ ଉପାୟରେ ହୋଇପାରିବ । ଯଦିଓ ଆତ୍ମିକ ଦାନର ପରୀକ୍ଷାଗୁଡିକ ଓ ତାଲିକାଗୁଡିକ ଉପରେ ସମ୍ପୂର୍ଣ୍ଣରୂପେ ଭରସା କରାଯାଇନପାରେ, ତଥାପି ଆମ୍ଭମାନଙ୍କର ଆତ୍ମିକ ଦାନ କେଉଁଠି ରହିଥାଇପାରେ, ତାହା ଜାଣିବାରେ ଏଗୁଡିକ ଆମର ସାହାଯ୍ୟ କରେ । ଅନ୍ୟମାନଙ୍କଠାରୁ ଆମର ଆତ୍ମିକ ଦାନଗୁଡିକ ବିଷୟରେ ମଧ୍ୟ ଆମେ ଦେଖିବାକୁ ପାଇଥାଉ । ଯେଉଁ ଲୋକମାନେ ଆମେ ପ୍ରଭୁଙ୍କ ସେବା କରିବା ଦେଖନ୍ତି ସେମାନେ ଆମର ଆତ୍ମିକ ଦାନ ଅଛି ତାହା ଦେଖିପାରନ୍ତି ଯାହା ଆମେ ଥିବାର ଧରିନେଉ କିମ୍ବା ଚିହ୍ନି ପାରିନଥାଉ । ପ୍ରାର୍ଥନା ମଧ୍ୟ ଆତ୍ମିକ ଦାନ ଜାଣିବା ନିମନ୍ତେ ଗୁରୁତ୍ବପୂର୍ଣ୍ଣ ଅଟେ । ଆମେ କିପରି ଭାବରେ ଆତ୍ମିକ ଦାନ ପାଇଛୁ ସେ ବିଷୟରେ ଜଣେ ମାତ୍ର ବ୍ୟକ୍ତିହିଁ ସଠିକ୍‍ ଭାବରେ ଜାଣିପାରିବେ ଓ ସେ ହେଉଛନ୍ତି ନିଜେ ଦାନଦାତ୍ତା ପବିତ୍ରଆତ୍ମା । ଆମେ ଈଶ୍ବରଙ୍କ ଗୌରବ ନିମନ୍ତେ କିପରି ଆମ୍ଭମାନଙ୍କ ଆତ୍ମିକ ଦାନଗୁଡିକୁ ଅଧିକ ଭଲ ଭାବରେ ବ୍ୟବହାର କରିପାରିବା ସେଥିପାଇଁ ଆମେ କିପରି ଭାବେ ଦାନ ପାଇଛୁ ତାହା ଦେଖାଇବା ନିମନ୍ତେ ଈଶ୍ବରଙ୍କୁ ପ୍ରାର୍ଥନାରେ ମାଗିପାରିବା ।

ହଁ, ଈଶ୍ବର କିଛି ଲୋକଙ୍କୁ ଶିକ୍ଷକ ହେବା ନିମନ୍ତେ ଡାକିଅଛନ୍ତି ଏବଂ ସେମାନଙ୍କୁ ଶିକ୍ଷାର ଦାନ ଦିଅନ୍ତି । ଈଶ୍ବର କିଛି ଲୋକଙ୍କୁ ସେବକ ହେବା ନିମନ୍ତେ ଡାକିଅଛନ୍ତି ଏବଂ ସେମାନଙ୍କୁ ସେ ସାହାଯ୍ୟ କରିବାର ଦାନ ଦେଇ ଆଶୀର୍ବାଦ କରିଅଛନ୍ତି । ଅଥଚ, ନିର୍ଦ୍ଧିଷ୍ଟ ଭାବରେ ଆମର ଆତ୍ମିକ ଦାନ ଜାଣିବା ଦ୍ବାରା ଏହା ଆମ୍ଭେମାନେ ଦାନପ୍ରାପ୍ତ ହୋଇନଥିବା କ୍ଷେତ୍ରରେ କାର୍ଯ୍ୟ କରିବାରେ ବାରଣ କରେନାହିଁ । ଈଶ୍ବର ଆମ୍ଭମାନଙ୍କୁ କେଉଁ ଆତ୍ମିକ ଦାନ(ଗୁଡିକ) ଦେଇଅଛନ୍ତି ତାହା ଜାଣିବା ଉପକାରୀ ଅଟେକି? ବାସ୍ତବରେ ତାହା ଅଟେ । ଆମେ ଆତ୍ମିକ ଦାନ ପାଇଥିବା କ୍ଷେତ୍ର ଉପରେ ଅଧିକ ମନୋନିବେଶ କରିବା ଭୁଲ୍‍ ଅଟେକି ଯଦ୍ଦ୍ବାରା ଆମେ ଈଶ୍ବରଙ୍କୁ ସେବା କରିବାର ଅନ୍ୟ ସୁଯୋଗଗୁଡିକୁ ହାତଛଡା କରିଦେଉଥାଉ? ହଁ । ଯଦି ଆମେ ଈଶ୍ବରଙ୍କ ଦ୍ବାରା ବ୍ୟବହୃତ ହେଉଥିବା ବିଷୟରେ ଉତ୍ସର୍ଗୀକୃତ ଅଟୁ, ତେବେ ଆମେ ଆବଶ୍ୟକ କରୁଥିବା ଆତ୍ମିକ ଦାନଗୁଡିକରେ ସେ ଆମ୍ଭମାନଙ୍କୁ ସଜ୍ଜିତ କରିବେ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କେଉଁ ଆତ୍ମିକ ଦାନ ପାଇଛି ସେ ବିଷୟରେ ମୁଁ କିପରି ଜାଣିପାରିବି?