ମଣ୍ଡଳୀର ଉଦ୍ଦେଶ୍ୟ କ'ଣ?



ପ୍ରଶ୍ନ: ମଣ୍ଡଳୀର ଉଦ୍ଦେଶ୍ୟ କ'ଣ?

ଉତ୍ତର:
ପ୍ରେରିତ ୨:୪୨କୁ ମଣ୍ଡଳୀ ନିମନ୍ତେ ଏକ ଉଦ୍ଦେଶ୍ୟ ବକ୍ତବ୍ୟ ଭାବରେ ନିଆଯାଇପାରେ : "ସେମାନେ ପ୍ରେରିତମାନଙ୍କ ଶିକ୍ଷାରେ, ସହଭାଗୀତାରେ, ରୋଟୀ ଭାଙ୍ଗିବାରେ ଓ ପ୍ରାର୍ଥନା କରିବାରେ ନିବିଷ୍ଟ ଚିତ୍ତ ହୋଇ ରହିଲେ |" ଏହି ପଦ ଅନୁସାରେ, ମଣ୍ଡଳୀର ଉଦ୍ଦେଶ୍ୟସକଳ/କାର୍ଯାବଳୀ ନିମ୍ନ ବିଷୟ ହେବା ଉଚିତ୍ ୧) ବାଇବଲ୍ ତତ୍ତ୍ବ ଶିକ୍ଷା ଦେବା, ୨) ବିଶ୍ବାସୀମାନଙ୍କ ନିମନ୍ତେ ନିମନ୍ତେ ସହଭାଗୀତାର ଏକ ସ୍ଥାନ ଯୋଗାଇବା, ୩) ପ୍ରଭୁଭୋଜକୁ ପର୍ଯ୍ୟବେକ୍ଷଣ କରିବା, ଏବଂ ୪) ପ୍ରାର୍ଥନା କରିବା |

ମଣ୍ଡଳୀ ବାଇବଲ ତତ୍ତ୍ବ ଶିକ୍ଷା ଦେବାକୁ ପଡିବ ଯେପରିକି ଆମେ ବିଶ୍ବାସରେ ବଦ୍ଧମୂଳ ହୋଇପାରିବା | ଏଫିସୀୟ ୪:୧୪ ଆମ୍ଭମାନଙ୍କୁ କୁହେ, "ଯେପରି ଆମ୍ଭେମାନେ ଆଉ ଶିଶୁପରି ନ ହୋଇ ମନୁଷ୍ୟମାନଙ୍କ ଶଠତା ଓ ଭ୍ରନ୍ତିଯୁକ୍ତ କଳ୍ପନା ଅନୁସାରେ ଧୂର୍ତ୍ତତା ଦ୍ବାରା ବିଭିନ୍ନ ଶିକ୍ଷାରୂପ ବାୟୁରେ ଇତସ୍ତତଃ ଚାଳିତ ନ ହେଉ," ମଣ୍ଡଳୀ ସହଭାଗୀତାର ଏକ ସ୍ଥାନ ହେବା ଉଚିତ୍, ଯେଉଁଠି ଖ୍ରୀଷ୍ଟିୟାନମାନେ ପରସ୍ପର ପ୍ରତି ବିଶ୍ବସ୍ତ ହେବେ ଏବଂ ପରସ୍ପରକୁ ସମାଦର କରିବେ (ରୋମୀୟ ୧୨:୧୦), ପରସ୍ପରକୁ ଶିକ୍ଷା ଦେବେ (ରୋମୀୟ ୧୫:୧୪), ପରସ୍ପର ପ୍ରତି ସଦୟ ହେବେ ଏବଂ କୋମଳହୃଦୟ ହେବେ (ଏଫିସୀୟ ୪:୩୨), ପରସ୍ପରକୁ ଉତ୍ସାହ ପ୍ରଦାନ କରିବେ (୧ଥେସଲନିକୀୟ ୫:୧୧), ଏବଂ ଅତି ଗୁରୁତ୍ବପୂର୍ଣ୍ଣ ଭାବରେ, ପରସ୍ପରକୁ ପ୍ରେମ କରିବେ (୧ଯୋହନ ୩:୧୧) |

ମଣ୍ଡଳୀ ଏପରି ଏକ ସ୍ଥାନ ହେବାକୁ ପଡିବ ଯେଉଁଠି ଆମ୍ଭମାନଙ୍କ ପ୍ରତିବଦଳରେ ଖ୍ରୀଷ୍ଟଙ୍କ ମୃତ୍ୟୁ ଏବଂ ତାଙ୍କ ରକ୍ତପାତକୁ ସ୍ମରଣ କରି ବିଶ୍ବାସୀମାନେ ପ୍ରଭୁଭୋଜ ପାଳନ କରିପାରିବେ (୧କରିନ୍ଥୀୟ ୧୧:୨୩-୨୬) | "ରୋଟୀ ଭାଙ୍ଗିବା"ର ଧାରଣା (ପ୍ରେରିତ ୨:୪୨) ମଧ୍ୟ ଏକାଠି ଭୋଜନ କରିବାର ଧାରଣାକୁ ଭୋଜନ କରେ | ମଣ୍ଡଳୀ ସହଭାଗୀତାକୁ ପ୍ରୋତ୍ସାହନ ଦେବାର ଏହା ଆଉ ଏକ ଉଦାହରଣ | ପ୍ରେରିତ ୨:୪୨ ଅନୁଯାୟୀ ମଣ୍ଡଳୀର ଚୂଡାନ୍ତ ଉଦ୍ଦେଶ୍ୟ ହେଉଛି ପ୍ରାର୍ଥନା | ମଣ୍ଡଳୀ ଏପରି ଏକ ସ୍ଥାନ ହେବାକୁ ପଡିବ ଯାହା ପ୍ରାର୍ଥନା ପ୍ରୋତ୍ସାହିତ କରେ, ପ୍ରାର୍ଥନା ବିଷୟରେ ଶିକ୍ଷା ଦିଏ ଏବଂ ପ୍ରାର୍ଥନା ଅଭ୍ୟାସ କରେ | ଫିଲିପ୍ପୀୟ ୪:୬-୭ ଆମ୍ଭମାନଙ୍କୁ ନିମ୍ନ ବିଷୟ କହି ଉତ୍ସାହିତ କରେ, "କୌଣସି ବିଷୟରେ ଚିନ୍ତିତ ହୁଅନାହିଁ, କିନ୍ତୁ ସମସ୍ତ ବିଷୟରେ ପ୍ରାର୍ଥନା ଓ ବିନତି ଦ୍ବାରା ଧନ୍ୟବାଦ ସହ ତୁମ୍ଭମାନଙ୍କ ନିବେଦନ ସବୁ ଈଶ୍ବରଙ୍କ ନିକଟରେ ଜଣାଅ | ସେଥିରେ ସମସ୍ତ ବୋଧର ଅଗମ୍ୟ ଯେ ଈଶ୍ବରଙ୍କ ଶାନ୍ତି, ତାହା ତୁମ୍ଭମାନଙ୍କର ହୃଦୟ ଓ ମନକୁ ଖ୍ରୀଷ୍ଟ ଯୀଶୁଙ୍କ ସହଭାଗୀତାରେ ସୁରକ୍ଷା କରି ରଖିବ |"

ମଣ୍ଡଳୀକୁ ଦିଆଯାଇଥିବା ଆଉ ଏକ ଆଦେଶ ହେଉଛି ଯୀଶୁଖ୍ରୀଷ୍ଟଙ୍କ ଦ୍ବାରା ପରିତ୍ରାଣର ସୁସମାଚାର ଘୋଷଣା କରିବା (ମାଥିଉ ୨୮:୧୮-୨୦; ପ୍ରେରିତ ୧:୮) | ମଣ୍ଡଳୀ ବାକ୍ୟ ଓ କାର୍ଯ୍ୟରେ ସୁସମାଚାର ବଣ୍ଟନ କରିବା କାର୍ଯ୍ୟରେ ବିଶ୍ବସ୍ତ ହେବା ନିମନ୍ତେ ଆହ୍ବାନପ୍ରାପ୍ତ ଅଟେ | ମଣ୍ଡଳୀ ଗୋଷ୍ଠୀରେ "ବତୀଘର" ହେବାକୁ ପଡିବ, ଯାହା ଆମ ପ୍ରଭୁ ଏବଂ ଉଦ୍ଧାରକର୍ତ୍ତା ଯୀଶୁଖ୍ରୀଷ୍ଟଙ୍କ ଆଡକୁ ଲୋକମାନଙ୍କୁ ନିର୍ଦ୍ଦେଶ କରୁଛି | ମଣ୍ଡଳୀ ସୁସମାଚାରକୁ ଉଭୟ ପ୍ରୋତ୍ସାହନ ଦେବାକୁ ପଡିବ ଏବଂ ଏହାର ସଭ୍ୟଗଣଙ୍କୁ ସୁସମାଚାର ଘୋଷଣା କରିବା ନିମନ୍ତେ ପ୍ରସ୍ତୁତ କରାଏ (୧ପିତର ୩:୧୫) |

ମଣ୍ଡଳୀର କିଛି ଚୂଡାନ୍ତ ଉଦ୍ଦେଶ୍ୟସକଳକୁ ଯାକୁବ ୧:୨୭ରେ ଦିଆଯାଇଛି: "ଅନାଥ ଓ ବିଧବାମାନଙ୍କୁ ସେମାନଙ୍କ ଦୁଃଖାବସ୍ଥାରେ ସଙ୍ଖୋଳିବା ପୁଣି ସଂସାରରୁ ଆପଣାକୁ ନିଷ୍କଳଙ୍କରୂପେ ରକ୍ଷା କରିବା, ଏହା ଆମ୍ଭମାନଙ୍କ ଈଶ୍ବର ଓ ପିତାଙ୍କ ଛାମୁରେ ବିଶୁଦ୍ଧ ଓ ନିର୍ମଳ ଧର୍ମପରାୟଣତା ଅଟେ |" ଯେଉଁମାନେ ସାହାଯ୍ୟ ପାଇବାର ଯୋଗ୍ୟ ଲୋକମାନଙ୍କୁ ସେବାକରିବାର କାର୍ଯ୍ୟ ମଣ୍ଡଳୀର ରହିବା ଉଚିତ୍ | ଏହା କେବଳ ସୁସମାଚାର ବଣ୍ଟନ କରିବା ନୁହେଁ କିନ୍ତୁ ଶାରିରୀକ ଆବଶ୍ୟକତାଗୁଡିକୁ (ଖାଦ୍ୟ, ବସ୍ତ୍ର, ବାସଗୃହ) ଆବଶ୍ୟକୀୟ ଓ ସଠିକ୍ ଭାବି ସେଗୁଡିକୁ ଯୋଗାଇବା | ପାପ ଉପରେ ଜୟଲାଭ କରି ଜଗତର କଳୁଷିତାରୁ ମୁକ୍ତ ହୋଇପାରିବା ନିମନ୍ତେ ଥିବା ଆବଶ୍ୟକୀୟ ଉପକରଣରେ ମଣ୍ଡଳୀ ଖ୍ରୀଷ୍ଟଙ୍କଠାରେ ଥିବା ବିଶ୍ବାସୀମାନଙ୍କୁ ସଜ୍ଜିତ କରିବାକୁ ପଡିବ | ଏହା ବାଇବଲ ସମ୍ମତ ଶିକ୍ଷା ଏବଂ ଖ୍ରୀଷ୍ଟିୟ ସହଭାଗୀତା ଦ୍ବାରା କରାଯାଏ |

ତେଣୁ, ମଣ୍ଡଳୀର ଉଦ୍ଦେଶ୍ୟ କ'ଣ? ପାଉଲ କରିନ୍ଥରେ ଥିବା ବିଶ୍ବାସୀମାନଙ୍କୁ ଏକ ଉତ୍କୃଷ୍ଟତର ବ୍ୟାଖ୍ୟା ପ୍ରଦାନ କରିଛନ୍ତି | ମଣ୍ଡଳୀ ହେଉଛି ଖ୍ରୀଷ୍ଟଙ୍କ ଶରୀର ଯାହା - ଏହି ଜଗତରେ ଈଶ୍ବରଙ୍କ ହସ୍ତଦ୍ବୟ, ମୁଖ ଏବଂ ପଦଦ୍ବୟ (୧କରିନ୍ଥୀୟ ୧୨:୧୨-୨୭) | ଯୀଶୁଖ୍ରୀଷ୍ଟ ଏହି ପୃଥିବୀରେ ଶାରିରୀକ ଭାବେ ଥିଲାବେଳେ ଯାହା କରିଥାନ୍ତେ ତାହା ଆମେ କରିଥାନ୍ତେ | ମଣ୍ଡଳୀ "ଖ୍ରୀଷ୍ଟିୟାନ", "ଖ୍ରୀଷ୍ଟ-ସମ" ଏବଂ ଖ୍ରୀଷ୍ଟଙ୍କ ଅନୁକରଣ କରିବାକୁ ପଡିବ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମଣ୍ଡଳୀର ଉଦ୍ଦେଶ୍ୟ କ'ଣ?