ପାଳିତ ପଶୁ ସ୍ବର୍ଗକୁ ଯାଆନ୍ତି କି? ପାଳିତ ପଶୁମାନଙ୍କ ଆତ୍ମା ଥାଏ କି?


ପ୍ରଶ୍ନ: ପାଳିତ ପଶୁ ସ୍ବର୍ଗକୁ ଯାଆନ୍ତି କି? ପାଳିତ ପଶୁମାନଙ୍କ ଆତ୍ମା ଥାଏ କି?

ଉତ୍ତର:
ବାଇବଲ ନିର୍ଦ୍ଧିଷ୍ଟଭବାରେ ଶିକ୍ଷା ଦିଏ ନାହିଁ ଯେ ପାଳିତ ପଶୁମାନଙ୍କ “ଆତ୍ମା” ଅଛି ବା ନାହିଁ ଏବଂ ସେମାନେ ସ୍ବର୍ଗକୁ ଯିବେ ନା ନାହିଁ । ତଥାପି, ଆମେ ସାଧାରଣ ବାଇବଲଭିତ୍ତିକ ନୀତି ବ୍ୟବହାର କରି ଏହି ବିଷୟ ଉପରେ କିଛି ସ୍ପଷ୍ଟତା ପାଇପାରିବା । ବାଇବଲ କହେ ଯେ ମନୁଷ୍ୟ (ଆଦିପୁସ୍ତକ ୨:୭) ଓ ପଶୁ (ଆଦିପୁସ୍ତକ ୧:୩୦; ୬:୧୭; ୭:୧୫,୨୨) ଦୁହେଁଙ୍କ ପାଖରେ “ପ୍ରାଣବାୟୁ” ରହିଅଛି; ଅର୍ଥାତ୍ ସେମାନେ ଜୀବିତ ପ୍ରାଣୀ ଅଟନ୍ତି । ସେମାନଙ୍କ ମଧ୍ୟରେ ମୌଳିକ ପାର୍ଥକ୍ୟ ହେଉଛି ଯେ ମାନବ ପରମେଶ୍ବରଙ୍କ ପ୍ରତିମୂର୍ତ୍ତିରେ (ଆଦିପୁସ୍ତକ ୧:୨୬-୨୭) ନିର୍ମିତ ହୋଇଥିବା ବେଳେ ପଶୁମାନେ ନୁହଁନ୍ତି । ପରମେଶ୍ବରଙ୍କ ପ୍ରତିମୂର୍ତ୍ତି ଓ ସାଦୃଶ୍ୟରେ ନିର୍ମିତ ହେବାର ଅର୍ଥ ହେଉଛି ମନୁଷ୍ୟ ଈଶ୍ବରଙ୍କ ଭଳି ଆଧ୍ୟାତ୍ମିକ କ୍ଷମତା,ମନ, ଭାବ ଓ ଇଚ୍ଛା ଧାରଣ କରେ ଏବଂ ସେମାନେ ମୃତ୍ୟୁବରଣ କଲା ଉତ୍ତାରେ ସୁଧା ସେମାନଙ୍କ କିଛି ଅଂଶ ଅବସ୍ଥାପିତ ହୋଇ ଅବିରତ ରହେ । ଯଦି ପାଳିତ ପଶୁମାନଙ୍କ “ପ୍ରାଣ” ବା ଶରୀର ବାହାରେ କୌଣସି ଉପାଦାନ ରହିଥାଏ, ଏହା ଅତି ଭିନ୍ନ ଓ କମ୍ “ଗୁଣ”ର ନିଶ୍ଚିତ ହୋଇଥିବ । ଏହି ପାର୍ଥକ୍ୟତାର ଅର୍ଥ ଯେ ପାଳିତ ପଶୁମାନଙ୍କ “ପ୍ରାଣ” ମୃତ୍ୟୁ ଉତ୍ତାରେ ବିଦ୍ୟମାନ ହୁଅନ୍ତି ନାହିଁ ।

ଆଉ ଏକ କାରଣ ଯାହାକୁ ବିଚାରରେ ରଖା ଯାଇପାରିବ, ତାହା ହେଉଛି ଯେ ଆଦିପୁସ୍ତକରେ ପଶୁମାନେ ଈଶ୍ବରଙ୍କ ସୃଷ୍ଟି ପ୍ରକ୍ରିୟାର ଏକ ଅଂଶ । ଈଶ୍ବର ପଶୁମାନଙ୍କୁ ସୃଷ୍ଟି କଲେ ଏବଂ କହିଲେ ତାହା ଉତ୍ତମ (ଆଦିପୁସ୍ତକ ୧:୨୫) । ଏଣୁ, ନୂତନ ପୃଥିବୀରେ ପଶୁମାନେ ନ ରହିବାର କୌଣସି କାରଣ ନାହିଁ (ପ୍ରକାଶିତ ୨୧:୧) । ହଜାରବର୍ଷ ଖ୍ରୀଷ୍ଟଙ୍କ ଶାସନରେ ନିଶ୍ଚିତରୂପେ ପଶୁମାନେ ରହିବେ (ଯିଶାୟ ୧୧:୬; ୬୫:୨୫) । ନିଶ୍ଚିତରୂପେ ଏହା କହିବା ଅସମ୍ଭବ ଯେ ଆମେ ଯେଉଁ ପଶୁମାନଙ୍କୁ ପାଳିତ ଭାବରେ ରଖିଥିଲୁ, ସେମାନେ ନୂତନ ପୃଥିବୀରେ ପାଳିତ ହୋଇରହିଥିବେ । ଆମେ ଜାଣୁ ଯେ ଈଶ୍ବର ନ୍ୟାୟବାନ ଏବଂ ଆମେ ଯେବେ ସ୍ବର୍ଗକୁ ଯିବା, ଏହି ବିଷୟରେ ଯାହା ତାହାଙ୍କ ନିଷ୍ପତି ହେବ ଆମେ ତାହା ସହ ସମ୍ପୂର୍ଣ୍ଣରୂପେ ଏକମତ ହେବା ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ପାଳିତ ପଶୁ ସ୍ବର୍ଗକୁ ଯାଆନ୍ତି କି? ପାଳିତ ପଶୁମାନଙ୍କ ଆତ୍ମା ଥାଏ କି?