ଯୀଶୁଙ୍କୁ ନିଜର ବ୍ୟକ୍ତିଗତ ଉଦ୍ଧାରକର୍ତ୍ତାରୂପେ ଗ୍ରହଣ କରିବାର ଅର୍ଥ କଅଣ?


ପ୍ରଶ୍ନ: ଯୀଶୁଙ୍କୁ ନିଜର ବ୍ୟକ୍ତିଗତ ଉଦ୍ଧାରକର୍ତ୍ତାରୂପେ ଗ୍ରହଣ କରିବାର ଅର୍ଥ କଅଣ?

ଉତ୍ତର:
ତୁମେ ଯୀଶୁ ଖ୍ରୀଷ୍ଟଙ୍କୁ ନିଜର ବ୍ୟକ୍ତିଗତ ଉଦ୍ଧାରକର୍ତ୍ତାରୂପେ ଗ୍ରହଣ କରିଅଛ କି? ଏହି ପ୍ରଶ୍ନଟିକୁ ଉଚିତ୍ ରୂପେ ବୁଝିବା ପାଇଁ, ନିମ୍ନ ଶବ୍ଦଗୁଡିକ ବୁଝିବା ଆବଶ୍ୟକ ଯଥା: - “ଯୀଶୁ ଖ୍ରୀଷ୍ଟ”, “ବ୍ୟକ୍ତିଗତ”, ଏବଂ “ଉଦ୍ଧାରକର୍ତ୍ତା” ।

ଯୀଶୁ ଖ୍ରୀଷ୍ଟ କିଏ? ଅନେକ ଲୋକ ଯୀଶୁ ଖ୍ରୀଷ୍ଟଙ୍କୁ ଏକ ଉତ୍ତମ ବ୍ୟକ୍ତି, ଉତ୍ତମ ଶିକ୍ଷକ ଅବା ଈଶ୍ବରଙ୍କ ଭାବବାଦୀ ବୋଲି ସ୍ବୀକାର କରନ୍ତି । ନିଶ୍ଚିତରୂପେ ଏହି ସବୁ ବିଷୟ ଯୀଶୁଙ୍କ ସମ୍ପର୍କରେ ସତ୍ୟ ଅଟେ, କିନ୍ତୁ ଏହି ସବୁ ତଥ୍ୟ ଯୀଶୁ ପ୍ରକୃତରେ କିଏ ସେ ବିଷୟରେ ସମ୍ପୁର୍ଣ୍ଣ ବର୍ଣ୍ଣନା କରେ ନାହିଁ । ବାଇବଲ ଆମକୁ ଶିକ୍ଷା ଦିଏ ଯେ, ଯୀଶୁ ସ୍ବୟଂ ଈଶ୍ବର ହୋଇ ସୁଦ୍ଧା ଜଗତରେ ଦେହବନ୍ତ ହେଲେ, ଈଶ୍ବର ମାନବ ରୁପ ଧାରଣ କରିଥିଲେ (ଯୋହନ ୧:୧,୧୪) । ଆମକୁ ଶିକ୍ଷା ଦେବା ପାଇଁ, ସୁସ୍ଥ କରିବା ପାଇଁ, ସୁଧାରିବା ପାଇଁ, କ୍ଷମା ଦେବା ପାଇଁ ଏବଂ ଆମ ନିମନ୍ତେ ମୃତ୍ୟୁଭୋଗ କରିବା ପାଇଁ ଈଶ୍ବର ଜଗତକୁ ଆସିଥିଲେ । ଯୀଶୁ ଖ୍ରୀଷ୍ଟ ହେଉଛନ୍ତି ଈଶ୍ବର, ସୃଷ୍ଟିକର୍ତ୍ତା ଓ ସାର୍ବଭୌମିକ ସଦାପ୍ରଭୁ । ତୁମେ ଏହି ଯୀଶୁଙ୍କୁ ଗ୍ରହଣ କରିଅଛ କି?

ଉଦ୍ଧାରକର୍ତ୍ତା କିଏ ଓ ଆମେ ଉଦ୍ଧାରକାରୀଙ୍କୁ କାହିଁକି ଆବଶ୍ୟକ କରୁ? ବାଇବଲ ଶିକ୍ଷା ଦିଆ ଯେ, ଆମେ ସମସ୍ତେ ପାପ କରିଅଛୁ (ରୋମୀୟ ୩:୧୦-୧୮) । ଆମ ପାପର ପ୍ରତିଫଳ ସ୍ବରୁପେ, ଆମେ ପରମେଶ୍ବରଙ୍କ କ୍ରୋଧ ଓ ବିଚାରର ପାତ୍ର ଅଟୁ । ସୀମାହୀନ ଓ ଅନନ୍ତକାଳୀନ ଈଶ୍ବରଙ୍କ ବିରୋଧରେ ପାପର ଦଣ୍ଡ ହେଉଛି ଅସୀମ ଦଣ୍ଡ (ରୋମୀୟ ୬:୩; ପ୍ରକାଶିତ ୨୦:୧୧-୧୫) । ସେଥିପାଇଁ ଆମେଏକ ଉଦ୍ଧାରକର୍ତ୍ତାର ଆବଶ୍ୟକ କରୁ ।

ଯୀଶୁ ଖ୍ରୀଷ୍ଟ ଏହି ଜଗତକୁ ଆସିଲେ ଓ ଆମ ସ୍ଥାନରେ ମୃତ୍ୟୁଭୋଗ କଲେ । ଯୀଶୁଙ୍କ ମୃତ୍ୟୁ ଆମ ପାପ ପାଇଁ ଅସୀମ ମୂଲ୍ୟ ପରିଶୋଧ ଥିଲା (୨ କରିନ୍ଥୀୟ ୫:୨୧) । ଯୀଶୁ ଖ୍ରୀଷ୍ଟ ଆମ ପାପର ମୂଲ୍ୟ ପରିଶୋଧ କରିବା ପାଇଁ ମୃତ୍ୟୁବରଣ କଲେ (ରୋମୀୟ ୫:୮) । ଯେପରି ଆମକୁ ମୂଲ୍ୟ ପରିଶୋଧ କରିବାକୁ ନ ପଡେ, ଏଣୁ ଯୀଶୁ ମୂଲ୍ୟ ପରିଶୋଧ କଲେ । ଯୀଶୁ ଖ୍ରୀଷ୍ଟଙ୍କ ମୃତ୍ୟୁରୁ ପୁନରୁଥାନ ପ୍ରମାଣ କରେ ଯେ, ଆମର ପାପର ମୂଲ୍ୟ ପରିଶୋଧ କରିବା ପାଇଁ ତାହାଙ୍କ ମୃତ୍ୟୁ ଯଥେଷ୍ଟ ଥିଲା । ସେଥି ସକାଶୁ, ଯୀଶୁ ହିଁ ଏକମାତ୍ର ଓ କେବଳ ଉଦ୍ଧାରକାରୀ ଅଟନ୍ତି ! (ଯୋହନ ୧୪:୬; ପ୍ରେରିତ ୪:୧୨) ତୁମେ ଯୀଶୁ ଖ୍ରୀଷ୍ଟଙ୍କୁ ନିଜର ଉଦ୍ଧାରକର୍ତ୍ତାରୂପେ ଭରସା କରୁଅଛ କି?

ଯୀଶୁ ତୁମର “ବ୍ୟକ୍ତିଗତ” ଉଦ୍ଧାରକର୍ତ୍ତା ଅଟନ୍ତି କି? ଅନେକ ଲୋକ ଖ୍ରୀଷ୍ଟିଆନ ଧର୍ମ ବିଷୟରେ ଏହି ପ୍ରକାର ବିଚାର ମତପୋଷଣ କରିଥାନ୍ତି ଯଥା:- ଗୀର୍ଜା ଉପାସନାରେ ଯୋଗଦାନ କରିବା, ନାନା ବିଧି ପାଳନ କରିବା, କେତେକ ନିର୍ଦ୍ଧିଷ୍ଟ ପାପ ନ କରିବା, କିନ୍ତୁ ତାହା ପ୍ରକୃତ ଖ୍ରୀଷ୍ଟିଆନ ଧର୍ମ ନୁହେଁ; ପ୍ରକୃତ ଖ୍ରୀଷ୍ଟିଆନ ଧର୍ମ ହେଉଛି, ଯୀଶୁ ଖ୍ରୀଷ୍ଟଙ୍କ ସହ ବ୍ୟକ୍ତିଗତ ସମ୍ପର୍କ ରଖିବା, ଯୀଶୁଙ୍କୁ ନିଜର ବ୍ୟକ୍ତିଗତ ଉଦ୍ଧାରକର୍ତ୍ତାରୁପେ ଗ୍ରହଣ କରିବାର ଅର୍ଥ ହେଉଛି, ତୁମ ନିଜର ବ୍ୟକ୍ତିଗତ ବିଶ୍ବାସ ଏବଂ ଭରସା ତାହାଙ୍କଠାରେ ରଖିବା । ଅନ୍ୟମାନଙ୍କ ବିଶ୍ବାସ ଦ୍ବାରା କେହି ଉଦ୍ଧାର ପାଏ ନାହିଁ । ସାମାନ୍ୟ ଉତ୍ତମ କର୍ମ କରିବା ଦ୍ବାରା କାହାକୁପାପ କ୍ଷମା ମିଳେ ନାହିଁ । ଉଦ୍ଧାର ପାଇବା ପାଇଁ ଏକମାତ୍ର ପଥ ହେଉଛି ଯୀଶୁ ଖ୍ରୀଷ୍ଟଙ୍କୁ ନିଜର ଉଦ୍ଧାରକର୍ତ୍ତାରୁପେ ଗ୍ରହଣ କରିବା, ତୁମ ପାପର ପରିଶୋଧ ନିମନ୍ତେ ତାହାଙ୍କର ମୃତ୍ୟୁରେ ବିଶ୍ବାସ କରି ଏବଂ ତାହାଙ୍କ ପୁନରୁଥାନ ତୁମ ଅନନ୍ତଜୀବନର ପ୍ରତିଶ୍ରୁତି ବୋଲି ବିଶ୍ବାସ କରିବା ହିଁ ତୁମକୁ ପରିତ୍ରାଣ ପ୍ରଦାନ କରିବ (ଯୋହନ ୩:୧୬) । ଯୀଶୁ ତୁମର ବ୍ୟକ୍ତିଗତ ଉଦ୍ଧାରକର୍ତ୍ତା ଅଟନ୍ତି କି?

ଯଦି ତୁମେ ଯୀଶୁ ଖ୍ରୀଷ୍ଟଙ୍କୁ ନିଜର ବ୍ୟକ୍ତିଗତ ଉଦ୍ଧାରକର୍ତ୍ତାରୁପେ ଗ୍ରହଣ କରିବାକୁ ଚାହୁଁଛ, ତେବେ ନିମ୍ନରେ ଏକ ସରଳ ପ୍ରାର୍ଥନା ଦିଆଯାଇଅଛି । ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ବାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ତୁମକୁ ଉଦ୍ଧାର ଦେଇପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଂକ ଠାରେ ବିଶ୍ବାସ କଲେ ତୁମେ ପାପରୁ ଉଦ୍ଧାର ପାଇପାରିବ । ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ତୁମେ ଏହା ଦ୍ବାରା ଈଶ୍ବରଙ୍କ ଠାରେ ତୁମର ବିଶ୍ବାସକୁ ପ୍ରକାଶ କରି ପାରିବ ଓ ତୁମର ପରିତ୍ରାଣ ନିମନ୍ତେ ଈଶ୍ବର ଯାହା ସାଧନ କରିଅଛନ୍ତି ସେଥି ସକାଶେ ତାହାଙ୍କୁ ଧନ୍ୟବାଦ ଦେଇ ପାରିବ । ପ୍ରାର୍ଥନା - “ହେ ଈଶ୍ବର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ । କିନ୍ତୁ ମୁଁ ବିଶ୍ବାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି । ତାହାଙ୍କ ଠାରେ ବିଶ୍ବାସ କରିବା ଦ୍ବାରା ମୋର ପାପକ୍ଷମା ହୋଇପାରିବ । ପରିତ୍ରାଣ ପାଇବା ପାଇଁ ମୁଁ ତୁମ ଠାରେ ବିଶ୍ବାସ କରୁଅଛି । ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ ।

ଏଠାରେ ଆପଣ ଯାହା ପଢିଲେ ସେହି କାରଣରୁ ଆପଣ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି? ଦୟାକରି ନିମ୍ନରେ ଥିବା "ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି" ବୋତାମକୁ କ୍ଲିକ୍ କରନ୍ତୁ



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଯୀଶୁଙ୍କୁ ନିଜର ବ୍ୟକ୍ତିଗତ ଉଦ୍ଧାରକର୍ତ୍ତାରୂପେ ଗ୍ରହଣ କରିବାର ଅର୍ଥ କଅଣ?