ଯେଉଁମାନେ ଯୀଶୁଙ୍କ ବିଷୟରେ ଶୁଣିବା ନିମନ୍ତେ କେବେ ବି ସୁଯୋଗ ପାଇନାହାନ୍ତି ସେହି ଲୋକମାନଙ୍କ ପ୍ରତି କ'ଣ ଘଟେ?



ପ୍ରଶ୍ନ: ଯେଉଁମାନେ ଯୀଶୁଙ୍କ ବିଷୟରେ ଶୁଣିବା ନିମନ୍ତେ କେବେ ବି ସୁଯୋଗ ପାଇନାହାନ୍ତି ସେହି ଲୋକମାନଙ୍କ ପ୍ରତି କ'ଣ ଘଟେ?

ଉତ୍ତର:
"ଈଶ୍ବରଙ୍କ ବିଷୟରେ କେହି ଶୁଣୁ ବା ନ ଶୁଣୁ" ସମସ୍ତ ଲୋକ ଈଶ୍ବରଙ୍କୁ କୈଫୟତ୍ ଦେବାକୁ ପଡିବ | ବାଇବଲ ଆମ୍ଭମାନଙ୍କୁ କୁହେ ଯେ, ଈଶ୍ବର ପ୍ରକୃତିରେ (ରୋମୀୟ ୧:୨୦) ଏବଂ ଲୋକମାନଙ୍କ ହୃଦୟରେ (ଉପଦେଶକ ୩:୧୧)ରେ ନିଜକୁ ପ୍ରକାଶ କରିଅଛନ୍ତି | ସମାସ୍ୟାଟି ହେଉଛି ମାନବଜାତି ପାପପୂର୍ଣ୍ଣ ଅଟନ୍ତି; ଆମେ ସମସ୍ତ ଈଶ୍ବରଙ୍କ ଏହି ଜ୍ଞାନକୁ ପ୍ରତ୍ୟାଖ୍ୟାନ କରୁ ଏବଂ ତାଙ୍କର ବିଦ୍ରୋହୀ ହେଉ (ରୋମୀୟ ୧:୨୧-୨୩) | ଯଦି ଏହା ଈଶ୍ବରଙ୍କ ଅନୁଗ୍ରହ ହୋଇ ନ ଥାନ୍ତା, ଆମ୍ଭମାନଙ୍କର ହୃଦୟର ପାପପୂର୍ଣ୍ଣ ଇଛାରେ ସମର୍ପିତ ହୋଇଥାନ୍ତୁ, ଏବଂ ଏହା ଦ୍ବାରା ତାଙ୍କ ବିନା ଏହି ଜୀବନ କିପରି ବ୍ୟବହାର ଅଯୋଗ୍ୟ ଏବଂ ଦୟନୀୟ ତାହା ଆବିଷ୍କାର କରିପାରିଥାନ୍ତୁ | ଯେଉଁମାନେ ତାଙ୍କୁ ଅବିରତ ପ୍ରତ୍ୟାଖ୍ୟାନ କରିଚାଲିଛନ୍ତି ସେମାନଙ୍କ ପ୍ରତି ସେ ଏହା କରନ୍ତି (ରୋମୀୟ ୧:୨୪-୩୨) |

ପ୍ରକୃତପକ୍ଷେ, କେତେଜଣେ ଯେ ଈଶ୍ବରଙ୍କ ବିଷୟରେ ଶୁଣିନାହାନ୍ତି ସେପରି ନୁହେଁ | ବରଂ, ସେମାନେ ଯାହା ଶୁଣିଅଛନ୍ତି ଏବଂ ପ୍ରକୃତିରେ ଯାହା ଦେଖାଦେଇଛି ସେମାନେ ତାହାକୁ ପ୍ରତ୍ୟାଖ୍ୟାନ କରିଅଛନ୍ତି | ଦ୍ବିତୀୟ ବିବରଣ ୪:୨୯ ଘୋଷଣା କରେ, "ମାତ୍ର ସେହିସ୍ଥାନରୁ ଯେବେ ତୁମ୍ଭେମାନେ ସଦାପ୍ରଭୁ ତୁମ୍ଭ ପରମେଶ୍ବରଙ୍କର ଅନୁଗମନ କରିବ, ତେବେ ଆପଣାର ସମସ୍ତ ଅନ୍ତଃକରଣ ଓ ସମସ୍ତ ପ୍ରାଣ ସହିତ ତାହାଙ୍କର ଅନ୍ବେଷଣ କଲେ, ତାହାଙ୍କର ଉଦ୍ଦେଶ୍ୟ ପାଇବ |" ଏହି ପଦ ଏକ ଗୁରୁତ୍ବପୂର୍ଣ୍ଣ ନୀତି ଶିକ୍ଷା ଦିଏ - ପ୍ରତ୍ୟେକ ବ୍ୟକ୍ତି ଯେଉଁମାନେ ସତ୍ୟରେ ଈଶ୍ବରଙ୍କର ଅନ୍ବେଷଣ କରନ୍ତି ସେମାନେ ତାଙ୍କୁ ପାଇବେ | ଯଦି ଜଣେ ବ୍ୟକ୍ତି ଈଶ୍ବରଙ୍କୁ ଜାଣିବା ନିମନ୍ତେ ସତ୍ୟରେ ଜାଣିବାକୁ ଇଛା କରେ, ଈଶ୍ବର ନିଜକୁ ଜଣାଇବେ |

ସମାସ୍ୟାଟି ହେଉଛି "ଯେ ବୁଝେ, ଏପରି କେହି ନାହିଁ, ଯେ ଈଶ୍ବରଙ୍କ ଅନ୍ହେଷଣ କରେ, ଏପରି କେହିନାହିଁ " (ରୋମୀୟ ୩:୧୧) | ଲୋକମାନେ ପ୍ରକୃତିରେ ଓ ସେମାନଙ୍କ ନିଜ ନିଜ ହୃଦୟରେ ଥିବା ଈଶ୍ବରଙ୍କ ଜ୍ଞାନକୁ ପ୍ରତ୍ୟାଖ୍ୟାନ କରନ୍ତି, ଏବଂ ସେମାନେ ସେମାନଙ୍କ ନିଜ ସୃଷ୍ଟ "ଦେବତା"ଗଣଙ୍କର ସେବା କରିବାକୁ ନିଷ୍ପତ୍ତି ନେଇଅଛନ୍ତି | ଯେଉଁମାନେ କେବେବି ଖ୍ରୀଷ୍ଟଙ୍କ ସୁସମାଚାର ଶୁଣିନାହାନ୍ତି ସେମାନଙ୍କୁ ଈଶ୍ବର ନରକକୁ ପ୍ରେରଣ କରିବା ଅନ୍ୟାୟ ବୋଲି ତର୍କ କରିବା ଏକ ମୂର୍ଖତା ଅଟେ | ଈଶ୍ବର ଲୋକମାନଙ୍କୁ ଯାହା ଯାହା ପ୍ରକାଶ କରିଅଛନ୍ତି ସେହିସମସ୍ତ ବିଷୟରେ ସେମାନେ ଈଶ୍ବରଙ୍କ ନିକଟରେ ଉତ୍ତରଦାୟୀ ଅଟନ୍ତି | ବାଇବଲ କୁହେ ଯେ, ଲୋକମାନେ ଜ୍ଞାନକୁ ପ୍ରତ୍ୟଖ୍ୟାନ କରନ୍ତି ଏବଂ ସେଇଥିଯୋଗୁଁ ଈଶ୍ବର ସେମାନଙ୍କୁ ନରକକୁ ପ୍ରେରଣ କରିବା ନିମନ୍ତେ ଦୋଷୀ କରନ୍ତି |

ଖ୍ରୀଷ୍ଟିୟାନ ଭାବରେ ଯେଉଁମାନେ କେବେ ବି ସୁସମାଚାର ଶୁଣିନାହାନ୍ତି ସେମାନଙ୍କ ଭାଗ୍ୟ ବିଷୟରେ ତର୍କ ନ କରି ଆମେ ଆମର ସର୍ବୋତ୍ତମ ଚେଷ୍ଟା କରିବା ଉଚିତ ଯେପରିକି ସେମାନେ ସୁସମାଚାର ଶୁଣିପାରିବେ | ସମଗ୍ର ଜାତି ନିକଟରେ ସୁସମାଚାର ପ୍ରସାର କରିବା ନିମନ୍ତେ ଆମ୍ଭମାନଙ୍କୁ ଆହ୍ବାନ କରାଯାଇଛି (ମାଥିଉ ୨୮:୧୯-୨୦; ପ୍ରେରିତ ୧:୮) | ଆମେ ଜାଣୁ ଯେ, ପ୍ରକୃତିରେ ପ୍ରକାଶିତ ଈଶ୍ବରଙ୍କ ଜ୍ଞାନକୁ ଲୋକମାନେ ପ୍ରତ୍ୟାଖ୍ୟାନ କରିଅଛନ୍ତି, ଏବଂ ସେଇଥିଯୋଗୁଁ ସେହି ବିଷୟଟି ଯୀଶୁଖ୍ରୀଷ୍ଟଙ୍କ ମାଧ୍ୟମରେ ପରିତ୍ରାଣର ଶୁଭ ସମ୍ବାଦ ଘୋଷଣା କରିବା ନିମନ୍ତେ ଆମ୍ଭମାନଙ୍କୁ ପ୍ରେରଣା ଦେବା ଉଚିତ୍ | ପ୍ରଭୁ ଯୀଶୁଖ୍ରୀଷ୍ଟଙ୍କ ଦ୍ବାରା ଈଶ୍ବରଙ୍କ ଅନୁଗ୍ରହକୁ ଗ୍ରହଣ କରିବା ଦ୍ବାରା ହିଁ ଲୋକମାନେ ସେମାନଙ୍କ ପାପରୁ ରକ୍ଷା ପାଇପାରିବେ ଏବଂ ଈଶ୍ବରଙ୍କଠାରୁ ଅନନ୍ତକାଳୀନ ବିଚ୍ଛେଦରୁ ରକ୍ଷା କରେ |

ଯଦି ଆମେ ମନରେ ଧରିନେଉ ଯେ, ଯେଉଁମାନେ କେବେ ବି ସୁସମାଚାର ଶୁଣି ନାହାନ୍ତି, ସେମାନେ ଈଶ୍ବରଙ୍କ ଦୟା ପାଆନ୍ତି, ଆମେ ଏକ ଭୟଙ୍କର ସମାସ୍ୟା ମଧ୍ୟକୁ ଅନୁଧାବନ କରୁ | କେବେ ବି ସୁସମାଚାର ଶୁଣି ନ ଥିବା ଲୋକେ ଯଦି ଉଦ୍ଧାରପ୍ରାପ୍ତ ହୁଅନ୍ତି, ତେବେ କୌଣସି ବ୍ୟକ୍ତି କେବେ ବି ସୁସମାଚାର ଶୁଣନ୍ତି ନାହିଁ ବୋଲି ନିଶ୍ଚିତ ହେବା ଯୁକ୍ତିଯୁକ୍ତ ହେବ | ଆମେ ସବୁଠାରୁ ଅଧିକ ଦୟନୀୟ କାର୍ଯ୍ୟ କରିବା ଯଦି ଆମେ କୌଣସି ବ୍ୟକ୍ତିଙ୍କ ନିକଟରେ ସୁସମାଚାର ପ୍ରଚାର କରିବା ଏବଂ ସେହି ବ୍ୟକ୍ତି ସେହି ସୁସମାଚାରକୁ ପ୍ରତ୍ୟଖ୍ୟାନ କରିବ | ଯଦି ତାହା ଘଟିଥାନ୍ତା, ତେବେ ସେ ଦୋଷୀ ହୋଇଥାନ୍ତେ | ଯେଉଁ ଲୋକମାନେ ସୁସମାଚାରକୁ ଶ୍ରବଣ କରନ୍ତି ନାହିଁ ସେମାନେ ନିହାତି ଦୋଷୀକୃତ ହେବା ଉଚିତ୍, ନତୁବା ସୁସମାଚାର ପ୍ରଚାରକାର୍ଯ୍ୟ ନିମନ୍ତେ ଆଉ ପ୍ରବର୍ତ୍ତନା ନାହିଁ | ସମ୍ଭବତଃ ସୁସମାଚାର ପ୍ରତ୍ୟଖ୍ୟାନ କରିବା ଲୋକମାନଙ୍କୁ ଆମେ ସୁସମାଚାର ବିତରଣ କରି ସେମାନଙ୍କୁ ନିଜକୁ ନିଜେ ଦୋଷୀ କରାଇଥାଉ କାରଣ ସେମାନେ କେବେ ବି ସୁସମାଚାର ନ ଶୁଣିବା ସମୟରେ ଉଦ୍ଧାରପ୍ରାପ୍ତ ହୋଇଥିଲେ?



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଯେଉଁମାନେ ଯୀଶୁଙ୍କ ବିଷୟରେ ଶୁଣିବା ନିମନ୍ତେ କେବେ ବି ସୁଯୋଗ ପାଇନାହାନ୍ତି ସେହି ଲୋକମାନଙ୍କ ପ୍ରତି କ'ଣ ଘଟେ?