ଖ୍ରୀଷ୍ଟଙ୍କ ବିଚାରାସନ କ'ଣ?



ପ୍ରଶ୍ନ: ଖ୍ରୀଷ୍ଟଙ୍କ ବିଚାରାସନ କ'ଣ?

ଉତ୍ତର:
ରୋମୀୟ ୧୪:୧୦-୧୨ କୁହେ, " କିନ୍ତୁ ତୁମ୍ଭେ କାହିଁକି ଆପଣା ଭାଇର ବିଚାର କରୁଅଛ? କିମ୍ବା ତୁମ୍ଭେ କାହିଁକି ଆପଣା ଭାଇକୁ ତୁଛ କରୁଅଛ? ଆମ୍ଭେମାନେ ସମସ୍ତେ ତ ଈଶ୍ବରଙ୍କ ବିଚାରାସନ ଛାମୁରେ ଠିଆ ହେବା | ଯେଣୁ ଲେଖା ଅଛି, "ପ୍ରଭୁ କହନ୍ତି, ଆମ୍ଭେ ଜୀବିତ ଥିବା ପ୍ରମାଣେ, ପ୍ରତ୍ୟେକ ଜାନୁ ଆମ୍ଭ ଛାମୁରେ ନତ ହେବ, ଆଉ ପ୍ରତ୍ୟେକ ଜିହ୍ବା ଈଶ୍ବରଙ୍କ ପ୍ରଶଂସା କରିବ | ଅତଏବ, ଆମ୍ଭମାନଙ୍କର ପ୍ରତ୍ୟେକ ଜଣକୁ ଈଶ୍ବରଙ୍କ ଛାମୁରେ ନିଜର ହିସାବ ଦେବାକୁ ହେବ |" ଦ୍ବିତୀୟ କରିନ୍ଥୀୟ ୫:୧୦ ଆମ୍ଭମାନଙ୍କୁ କୁହେ, "କାରଣ ଭଲ ହେଉ ବା ମନ୍ଦ ହେଉ, ପ୍ରତ୍ୟେକ ଜଣ ଆପଣା ଶରୀର ଦ୍ବାରା କୃତ କର୍ମାନୁସାରେ ଫଳ ପାଇବା ନିମନ୍ତେ ଖ୍ରୀଷ୍ଟଙ୍କ ବିଚାରାସନ ଛାମୁରେ ଆମ୍ଭ ସମସ୍ତଙ୍କୁ ପ୍ରକାଶିତ ହେବାକୁ ହେବ |" ପ୍ରସଙ୍ଗରେ, ଏହା ସ୍ବଷ୍ଟ ଯେ, ଉଭୟ ଶାସ୍ତ୍ର ଅବିଶ୍ବାସୀମାନଙ୍କ ବିଷୟରେ ଉଲ୍ଲେଖ ନ କରି ଖ୍ରୀଷ୍ଟିୟାନମାନଙ୍କ ବିଷୟରେ ଉଲ୍ଲେଖ କରେ | ଅତଏବ, ଖ୍ରୀଷ୍ଟଙ୍କ ବିଚାରାସନ ଖ୍ରୀଷ୍ଟଙ୍କୁ ଜୀବନର ହିସାବ ଦେଉଥିବା ବିଶ୍ବାସୀମାନଙ୍କ ସହ ସଂପୃକ୍ତ | ଖ୍ରୀଷ୍ଟଙ୍କ ବିଚାରାସନ ପରିତ୍ରାଣ ନିର୍ଦ୍ଧାରଣ କରେନାହିଁ; ତାହା ଆମ୍ଭମାନଙ୍କ ପକ୍ଷରୁ ଖ୍ରୀଷ୍ଟଙ୍କ ବଳିଦାନ ଦ୍ବାରା (୧ଯୋହନ ୨:୨) ଏବଂ ତାଙ୍କଠାରେ ଆମର ବିଶ୍ବାସ (ଯୋହନ ୩:୧୬) ଦ୍ବାରା ନିର୍ଦ୍ଧାରିତ | ଆମ୍ଭମାନଙ୍କର ସମସ୍ତ ପାପ କ୍ଷମାପ୍ରାପ୍ତ ହୋଇଛି, ଏବଂ ସେଗୁଡିକ ପାଇଁ ଆମେ କେବେ ବି ଦୋଷୀ ସାବ୍ୟସ୍ତ ହେବାନାହିଁ (ରୋମୀୟ ୮:୧) | ଖ୍ରୀଷ୍ଟଙ୍କ ବିଚାରାସନକୁ - ଈଶ୍ବର ଆମ୍ଭମାନଙ୍କର ପାପର ବିଚାର କରିବା ଭାବେ ଦେଖିବା ଉଚିତ୍ ନୁହେଁ, ବରଂ ଆମ୍ଭମାନଙ୍କ ଜୀବନ ନିମନ୍ତେ ଈଶ୍ବର ଯେ ଆମ୍ଭମାନଙ୍କୁ ପୁରସ୍କୃତ କରୁଅଛନ୍ତି ତାହାକୁ ସେପରି ଦେଖିବା ଉଚିତ୍ | ହଁ, ବାଇବଲ ଯେପରି କୁହେ, ଆମେ ଆମ ନିଜ ନିଜର ହିସାବ ଦେବାକୁ ପଡିବ | ଏହାର କିଛି ଅଂଶ ନିଶ୍ଚିତ ଆମେ କରିଥିବା ପାପଗୁଡିକୁ ଉତ୍ତର ଦେବା ଅଟେ | ଅଥଚ, ତାହା ଖ୍ରୀଷ୍ଟଙ୍କ ବିଚାରାସନର ମୌଳିକ କେନ୍ଦ୍ରୀଭବନ ନୁହେଁ |

ଖ୍ରୀଷ୍ଟଙ୍କ ବିଚାରାସନରେ, ବିଶ୍ବାସୀମାନେ କେତେ ବିଶ୍ବସ୍ତ ଭାବରେ ଖ୍ରୀଷ୍ଟଙ୍କୁ ସେବା କରିଅଛନ୍ତି (୧କରିନ୍ଥୀୟ ୯:୪-୨୭; ୨ତିମଥି ୨:୫) ଉପରେ ଆଧାରିତ ଅଟେ | ଆମେ ଯେଉଁ କିଛି ବିଷୟ ଉପରେ ବିଚାରିତ ହେବୁ ସେଥିମଧ୍ୟରୁ ଆମେ କେତେ ଉତ୍ତମ ଭାବେ ମହାନ୍ ଆଦେଶକୁ ପାଳନ କରିଛୁ (ମାଥିଉ ୨୮:୧୮-୨୦), ଆମେ ପାପ ଉପରେ କେତେ ଜୟକାରୀ ହୋଇଥିଲୁ (ରୋମୀୟ ୬:୧-୪), ଏବଂ ଆମେ ଆମର ଜିହ୍ବାକୁ କେତେ ଉତ୍ତମ ଭାବେ ନିୟନ୍ତ୍ରଣ କରିଥିଲୁ (ଯାକୁବ ୩:୧-୯) ଅଟେ | ବିଶ୍ବାସୀମାନେ କେତେ ବିଶ୍ବସ୍ତ ଭାବରେ ଖ୍ରୀଷ୍ଟଙ୍କର ସେବା କରିଛନ୍ତି (୧କରିନ୍ଥୀୟ ୯:୪-୨୭; ୨ତିମଥି ୨:୫) ସେଥିର ଆଧାରରେ ସେମାନେ ବିଭିନ୍ନ ବିଷୟ ପାଇଁ ମୁକୁଟ ପ୍ରାପ୍ତ ହେବା ବିଷୟରେ ବାଇବଲ ପ୍ରକାଶ କରେ | ବିଭିନ୍ନ ପ୍ରକାର ମୁକୁଟ ୨ତିମଥି ୨:୫; ୪:୮; ଯାକୁବ ୧:୧୨; ୧ପିତର ୫:୪ ଏବଂ ପ୍ରକାଶିତ ୨:୧୦ରେ ଦେଖାଯାଏ | ଖ୍ରୀଷ୍ଟଙ୍କ ବିଚାରାସନକୁ ଆମେ କିପରି ଭାବିବା ଉଚିତ୍ ତାହାର ଏକ ଉତ୍ତମ ସାରାଂଶ ହେଉଛି ଯାକୁବ ୧:୧୨ : "ଯେଉଁ ଲୋକ ପରୀକ୍ଷା ସହ୍ୟ କରେ, ସେ ଧନ୍ୟ, କାରଣ ପ୍ରଭୁ ଆପଣା ଲୋକମାନଙ୍କୁ ଯେଉଁ ଜୀବନରୂପ ମୁକୁଟ ଦେବାକୁ ପ୍ରତିଜ୍ଞା କରିଅଛନ୍ତି, ପରୀକ୍ଷାସିଦ୍ଧ ହେଲା ଉତ୍ତାରେ ସେହି ଲୋକ ସେହି ମୁକୁଟ ପ୍ରାପ୍ତ ହେବ |"



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଖ୍ରୀଷ୍ଟଙ୍କ ବିଚାରାସନ କ'ଣ?