ଜୁଆଖେଳ କ’ଣ ଏକ ପାପ ନୁହେଁ? ଜୁଆଖେଳ ବିଷୟରେ ବାଇବଲ କ’ଣ କୁହେ?


ପ୍ରଶ୍ନ: ଜୁଆଖେଳ କ’ଣ ଏକ ପାପ ନୁହେଁ? ଜୁଆଖେଳ ବିଷୟରେ ବାଇବଲ କ’ଣ କୁହେ?

ଉତ୍ତର:
ବାଇବଲ ନିର୍ଦ୍ଧିଷ୍ଟ ଭାବରେ ଜୁଆଖେଳ, ବେଟିଂ କିମ୍ବା ଲଟେରୀ ଖେଳିବା ବିଷୟକୁ ନିନ୍ଦା କରେନାହିଁ । ଅଥଚ, ବାଇବଲ ଆମ୍ଭମାନଙ୍କୁ ଅର୍ଥଲୋଭରୁ ଦୂରେଇ ରହିବା ନିମନ୍ତେ କହିଛି (1ତିମଥି 6:10; ଏବ୍ରୀ 13:5) । ଆମ୍ଭେମାନେ “ଅତିଶୀଘ୍ର ଧନ ପାଇବା”ର ପ୍ରଚେଷ୍ଟା (ହିତୋ 13:11; 23:5; ଉପ 5:10)ରୁ ମଧ୍ୟ ଦୂରେଇ ରହିବା ନିମନ୍ତେ କହିଛି । ଜୁଆ ଖେଳିବା ନିଶ୍ଚିତ ଭାବରେ ଅର୍ଥଲୋଭ ଉପରେ କେନ୍ଦ୍ରୀଭୂତ ଅଟେ ଏବଂ ନିଃସନ୍ଦେହରେ ଲୋକମାନଙ୍କୁ ଅତିଶୀଘ୍ର ଓ ସହଜରେ ଧନ ପାଇବାର ପ୍ରତିଜ୍ଞା କରିଥାଏ ।

ଜୁଆ ଖେଳିଲେ ଅସୁବିଧା ରହିଲା କେଉଁଠି? ଜୁଆଖେଳ ହେଉଛି ଏକ କଷ୍ଟକର ଆଲୋଚନାର ବିଷୟ କାରଣ ଯଦି ଏହାକୁ ନିୟନ୍ତ୍ରଣରେ ଓ କେବଳ ପର୍ବପର୍ବାଣୀରେ ଖେଳାଯାଏ, ତେବେ ଏହା ଅର୍ଥ ନଷ୍ଟ କରିବ, କିନ୍ତୁ ଏହା ନିହାତି ମନ୍ଦ ବୋଲି ବୁଝାଏ ନାହିଁ । ଲୋକମାନେ ସମସ୍ତ ପ୍ରକାର କାର୍ଯ୍ୟ କରି ଅର୍ଥ ନଷ୍ଟ କରିଥାନ୍ତି । ଏକ ଚଳଚ୍ଚିତ୍ର ଦେଖିବା (ଅନେକ କ୍ଷେତ୍ରରେ) କିମ୍ବା ଅତି ଦାମର ଅନାବଶ୍ୟକୀୟ ଭୋଜନ କରିବା କିମ୍ବା ଏକ ଅଯୋଗ୍ୟ ବିଷୟ କିଣିବା ଅପେକ୍ଷା ଏହା ଅଧିକ ଅର୍ଥ ନଷ୍ଟ କରିବା ନୁହେଁ । ସେହି ଏକ ସମୟରେ, ଅନ୍ୟ ବିଷୟରେ ଅର୍ଥ ନଷ୍ଟ କରିବା ଜୁଆଖେଳର ଯଥାର୍ଥତାକୁ ଦେଖାଏ ନାହିଁ । ଅର୍ଥ ନଷ୍ଟ କରାଯିବା କଥା ନୁହେଁ । ପ୍ରଭୁଙ୍କ କାର୍ଯ୍ୟ ନିମନ୍ତେ ଯଥେଷ୍ଟ ଅର୍ଥ ରଖାଯିବା କଥା କିନ୍ତୁ ଏହାକୁ ଜୁଆଖେଳି ଉଡାଇଦିଆଯିବା କଥା ନୁହେଁ ।

ବାଇବଲ ଜୁଆଖେଳ ଖେଳିବା ବିଷୟରେ ସ୍ବଷ୍ଟ ଭାବରେ କିଛି କହୁନଥିବା ସ୍ଥଳେ, ଏହା “ଭାଗ୍ୟ” ବା “ସୁଯୋଗ” ବିଷୟରେ କହିଥାଏ । ଏକ ଉଦାହରଣ ଭାବରେ ବଳିର ଛାଗ ଓ ତ୍ୟାଗର ଛାଗ ମଧ୍ୟରେ ମନୋନୟନ କରିବାକୁ ଲେବୀୟ ପୁସ୍ତକରେ ଗୁଲିବାଣ୍ଟ ବ୍ୟବହାର କରାଯାଇଛି । ଇଶ୍ରାୟେଲର ବିଭିନ୍ନ ଗୋଷ୍ଠୀକୁ ଭୂମି ବଣ୍ଟନ ନିର୍ଦ୍ଧାରଣ କରିବା ସମୟରେ ଯିହୋଶୂୟ ଗୁଲିବାଣ୍ଟ କରିଥିଲେ । ଯିରୁଶାଲମର ପ୍ରାଚୀର ମଧ୍ୟରେ କେଉଁମାନେ ବାସ କରିବେ ତାହା ନିର୍ଦ୍ଧାରଣ କରିବା ନିମନ୍ତେ ନିହିମିୟା ଗୁଲିବାଣ୍ଟ କରିଥିଲେ । ଶିଷ୍ୟମାନେ ଯିହୂଦାଙ୍କ ସ୍ଥାନରେ ଆଉ କାହାକୁ ନେବେ, ସେଥିନିମନ୍ତେ ଗୁଲିବାଣ୍ଟ କରିଥିଲେ । ହିତୋ 16:33ରେ ଲେଖାଯାଏ “ଗୁଲିବାଣ୍ଟ କୋଳରେ ପକାଯାଏ, କିନ୍ତୁ ଜୟ ସଦାପ୍ରଭୁଙ୍କଠାରୁ ହୁଅଇ ।”

ଜୁଆଖେଳ ଓ ଲଟେରୀ ବିଷୟରେ ବାଇବଲ କ’ଣ କୁହେ? ସମସ୍ତ ପ୍ରକାର ମାର୍କେଟିଂ ସ୍କିମ୍‍‍ଗୁଡିକ ଦ୍ବାରା ଜୁଆଡିମାନଙ୍କୁ ଅଧିକରୁ ଅଧିକ ଅର୍ଥ ପାଇବାର ପ୍ରଲୋଭନ ଦେଖାଇ ପରେ ସେଗୁଡିକୁ ହରାଇବାର ଯୋଜନା କରାଯାଇଥାଏ । ସେମାନେ ଅନେକ ସମୟରେ ଅତି ଦାମିକା ଏପରିକି ଶୁଃଳ୍କ ବିହୀନ ମଦ୍ୟ ଯୋଗାଇଥାନ୍ତି, ଯାହା ମଦୁଆ ହେବାକୁ ଉତ୍ସାହିତ କରିଥାଏ ଏବଂ ସେଥିଯୋଗୁଁ ସେମାନଙ୍କଠାରେ ବୁଦ୍ଧିପୂର୍ବକ ନିଷ୍ପତ୍ତି ନେବାର ସକ୍ଷମତା ହ୍ରାସ ପାଇଯାଇଥାଏ । ଜୁଆଖେଳରେ ଅତି ଅଧିକ ପରିମାଣରେ ଅର୍ଥ ଲଗାଣ କରିବାର ଯୋଜନା କରାଯାଇଥାଏ, କିନ୍ତୁ ତା’ ପ୍ରତିବଦଳରେ ଜୁଆଡିମାନେ ଅଳ୍ପକ୍ଷଣ ଓ ଶୂନ୍ୟ ସୁଖ ଛଡା କିଛି ପାଆନ୍ତି ନାହିଁ । ଲଟେରୀଗୁଡିକ ନିଜେ ଶିକ୍ଷା କିମ୍ବା/ଏବଂ ସାମାଜିକ କାର୍ଯ୍ୟକ୍ରମଗୁଡିକ ହାତକୁ ନେବାର ଦେଖାଇବାର ପ୍ରଚେଷ୍ଟା କରିଥାନ୍ତି । ଅଥଚ, ଅଧ୍ୟୟନରୁ ଜଣାପଡିଛି ଯେ ଯେଉଁମାନେ ଲଟେରୀରେ ଭାଗ ନିଅନ୍ତି ସେମାନେ ଲଟେରୀ ଟିକେଟ କିଣିବାକୁ ମଧ୍ୟ ସକ୍ଷମ ହୋଇନଥାନ୍ତି । ଯେଉଁମାନେ ହତାଶରେ ଥାଆନ୍ତି ସେମାନଙ୍କୁ “ଅତିଶୀଘ୍ର ଧନୀ ହୋଇଯିବା”ର ନିଶା ଘାରିଥାଏ । ଲଟେରୀ ଜିଣିବାର ସମ୍ଭାବନା ଅତି କମ୍‍ ହୋଇଥାଏ, ଯଦ୍ଦ୍ବାରା ଅନେକ ଲୋକଙ୍କର ଜୀବନ ଛାରଖାର ହୋଇଯାଇଥାଏ ।

କ’ଣ ଲଟୋ/ଲଟେରୀରୁ ଆସୁଥିବା ଅର୍ଥ ଯୋଗୁଁ ଈଶ୍ବର ସନ୍ତୋଷ ପାଇବେ? ଅନେକ ଲୋକ ମଣ୍ଡଳୀକୁ କିମ୍ବା ଅନ୍ୟ କିଛି ଉତ୍ତମ କାର୍ଯ୍ୟ ପାଇଁ ଦେବା ନିମନ୍ତେ ଲଟେରୀ ଖେଳୁଥିବାର କୁହନ୍ତି । ଏହା ଏକ ମହତ୍‍ ଉଦ୍ଦେଶ୍ୟ ହୋଇପାରେ, କିନ୍ତୁ ଅତି ଅଳ୍ପ ଜଣ ଜୁଆଖେଳରେ ଜିଣିଲେ ତାହା ଈଶ୍ବରୀୟ ଉଦ୍ଦେଶ୍ୟରେ ଲଗାଇଥାନ୍ତି । ଅଧ୍ୟୟନ କରି ଜଣାଯାଇଛି ଯେ ଯେଉଁମାନେ ଲଟେରୀ ଜିଣନ୍ତି ସେମାନଙ୍କ ମଧ୍ୟରୁ ଅଧିକାଂଶ କିଛି ବର୍ଷ ପରେ ଏପରି ଦେବାଳିଆ ହୋଇଯାଆନ୍ତି ଯେ ତାହା ସେମାନଙ୍କ ପୂର୍ବ ଅବସ୍ଥାଠାରୁ ଆହୁରି ଦୟନୀୟ ହୋଇଯାଇଥାଏ । ଯଦି କେହି ଦିଅନ୍ତି, ତେବେ ଅଳ୍ପଜଣ ହିଁ ଉତ୍ତମ ଉଦ୍ଦେଶ୍ୟରେ ଦେଇଥାନ୍ତି । ଅଧିକନ୍ତୁ, ଜଗତରେ ଈଶ୍ବରଙ୍କ ସେବାକାର୍ଯ୍ୟକୁ ଅର୍ଥ ଯୋଗାଇବା ପାଇଁ ଈଶ୍ବର ଆମ୍ଭମାନଙ୍କର ଅର୍ଥ ଅର୍ଥାତ୍‍ ଅସତ୍‍ ଉପାୟରେ ଅର୍ଜିତ ଧନ ଚାହାନ୍ତି ନାହିଁ । ହିତୋ 13:11ରେ ଲେଖାଯାଏ “ମିଥ୍ୟାରେ ପ୍ରାପ୍ତ ଧନ କ୍ଷୟ ପାଇବ, ମାତ୍ର ହସ୍ତରେ ଅର୍ଜିତ ଧନ ବଢିଯିବ ।” ଈଶ୍ବର ସାର୍ବଭୌମ ଅଟନ୍ତି ଏବଂ ସେ ସଚ୍ଚୋଟ ଉପାୟରେ ତାଙ୍କ ମଣ୍ଡଳୀର ଆର୍ଥିକ ଆବଶ୍ୟକତାକୁ ପୂର୍ଣ୍ଣ କରିବେ । ଡ୍ରଗ୍ସରୁ ଆସୁଥିବା ଅର୍ଥ ବା ଏକ ବ୍ୟାଙ୍କ ଡକାୟତରୁ ଆସିଥିବା ଅର୍ଥକୁ ଈଶ୍ବର ପାଇବା ଦ୍ବାରା ଗୌରବାନ୍ମିତ ହେବେକି? ବାସ୍ତବରେ ନୁହେଁ । ସେହିପରି ଜଗତର ଧନ ପାଇବା ପାଇଁ ଗରିବମାନଙ୍କଠାରୁ “ଚୋରି” ହୋଇ ଆସୁଥିବା ଅର୍ଥକୁ ଈଶ୍ବର ଚାହଁବେ ନାହିଁ ।

ପ୍ରଥମ ତିମଥି 6:10 ଆମ୍ଭମାନଙ୍କୁ କୁହେ “କାରଣ ଧନଲୋଭ ସମସ୍ତ ଅନିଷ୍ଟର ମୂଳ । କେହି କେହି ସେଥିରେ ଆସକ୍ତ ହୋଇ ବିଶ୍ବାସ ତ୍ୟାଗ କରି ପଥଭ୍ରଷ୍ଟ ହୋଇଅଛନ୍ତି ଏବଂ ବହୁ କଷ୍ଟରେ ଆପଣା ଆପଣା ହୃଦୟ ବିଦୀର୍ଣ୍ଣ କରିଅଛନ୍ତି ।” ଏବ୍ରୀ 13:5ରେ ଲେଖାଯାଏ “ଆଚାର ବ୍ୟବହାରରେ ଧନଲୋଭଶୂନ୍ୟ ହୁଅ, ତୁମ୍ଭମାନଙ୍କର ଯାହାକିଛି ଅଛି, ସେଥିରେ ସନ୍ତୁଷ୍ଟ ଥାଅ, କାରଣ ସେ ନିଜେ କହିଅଛନ୍ତି, ଆମ୍ଭେ ତୁମ୍ଭକୁ କେବେହେଁ ଛାଡିବା ନାହିଁ, ଆମ୍ଭେ ତୁମ୍ଭକୁ କେବେ ପରିତ୍ୟାଗ କରିବା ନାହିଁ ।” ମାଥିଉ 6:24 କୁହେ “କୌଣସି ଲୋକ ଦୁଇ ପ୍ରଭୁଙ୍କର ଦାସ ହୋଇପାରେନାହିଁ; କାରଣ ସେ ଜଣଙ୍କୁ ଘୃଣା କରିବ ଓ ଅନ୍ୟ ଜଣଙ୍କୁ ପ୍ରେମ କରିବ, ଅଥବା ଜଣଙ୍କ ପ୍ରତି ଅନୁରକ୍ତ ହେବ ଓ ଅନ୍ୟ ଜଣଙ୍କୁ ଅବଜ୍ଞା କରିବ । ତୁମ୍ଭେମାନେ ଈଶ୍ବର ଓ ଧନ, ଉଭୟର ଦାସ ହୋଇପାର ନାହିଁ ।”



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଜୁଆଖେଳ କ’ଣ ଏକ ପାପ ନୁହେଁ? ଜୁଆଖେଳ ବିଷୟରେ ବାଇବଲ କ’ଣ କୁହେ?