ଜୁଆଖେଳ ପାପ ଅଟେକି? ଜୁଆଖେଳ ବିଷୟରେ ବାଇବଲ କ'ଣ କୁହେ?



ପ୍ରଶ୍ନ: ଜୁଆଖେଳ ପାପ ଅଟେକି? ଜୁଆଖେଳ ବିଷୟରେ ବାଇବଲ କ'ଣ କୁହେ?

ଉତ୍ତର:
ବାଇବଲ ନିର୍ଦ୍ଧିଷ୍ଟ ଭାବେ ଜୁଆଖେଳ, ବାଜି ମାରିବା କିମ୍ବା ଲଟେରୀକୁ ନିନ୍ଦା କରେନାହିଁ | ଅଥଚ, ବାଇବଲ ଆମ୍ଭମାନଙ୍କୁ ଅର୍ଥଲୋଭରୁ ଦୂରେଇ ରହିବା ନିମନ୍ତେ ସତର୍କ କରାଏ (୧ତିମଥି ୬:୧୦; ଏବ୍ରୀ ୧୩:୫) | ଶାସ୍ତ୍ର ମଧ୍ୟ ଆମ୍ଭମାନଙ୍କୁ "ଅତିଶୀଘ୍ର ଧନୀ ହେବା"ର ପ୍ରଚେଷ୍ଟାରୁ ଦୂରେଇ ରହିବା ନିମନ୍ତେ ଉତ୍ସାହିତ କରେ (ହିତୋପଦେଶ ୧୩:୧୧; ୨୩:୫; ଉପଦେଶକ ୫:୧୦) | ଜୁଆଖେଳ ଅତି ନିଶ୍ଚିତ ଭାବେ ଅର୍ଥଲୋଭ ଉପରେ କେନ୍ଦ୍ରୀଭୂତ ଅଟେ ଏବଂ ଅନସ୍ବୀକାର୍ଯ୍ୟ ଭାବେ ଲୋକମାନଙ୍କୁ ଅତିଶୀଘ୍ର ଏବଂ ସହଜ ଉପାୟରେ ଧନୀ ହେବା ନିମନ୍ତେ ଲୋକମାନଙ୍କୁ ପ୍ରଲୋଭିତ କରେ |

ଜୁଆଖେଳରେ ଭୁଲ୍ କେଉଁଠି ରହିଲା? ଜୁଆଖେଳ ଏକ ଭିନ୍ନ ଆଲୋଚ୍ୟ ବିଷୟ କାରଣ ଯଦି ଏହା ଯୁକ୍ତିସଙ୍ଗତ ଭାବେ ନିୟନ୍ତ୍ରିତ ଏବଂ କେବଳ ଏହା ଏକ ବିଶେଷ ଘଟନାରେ ଖେଳାଯାଏ, ତେବେ ଏହା ଅର୍ଥର ଅପଚୟ, କିନ୍ତୁ ଅନିବାର୍ଯ୍ୟ ଭାବେ ଏହା ମନ୍ଦ ନୁହେଁ | ଲୋକେ ସମସ୍ତ ପ୍ରକାର କାର୍ଯ୍ୟରେ ଅର୍ଥ ଅପଚୟ କରନ୍ତି | ଜୁଆଖେଳ ଚଳଚ୍ଚିତ୍ର ଦେଖିବା (ଅନେକ କ୍ଷେତ୍ରରେ), ଏକ ଅନାବଶ୍ୟକ ଅଧିକ ମୂଲ୍ୟର ଭୋଜନ କରିବା, କିମ୍ବା ଏକ ମୂଲ୍ୟହୀନ ବସ୍ତୁ କ୍ରୟ କରିବା ଠାରୁ ଅଧିକ କିମ୍ବା କମ୍ ଅର୍ଥ ଅପଚୟ ନୁହେଁ | ସେହି ଏକା ସମୟରେ, ଘଟନାଟି ହେଉଛି ଯେ ଅନ୍ୟ ବିଷୟଗୁଡିକରେ ଅର୍ଥ ଅପଚୟ କରିବା ଜୁଆଖେଳର ଯଥାର୍ଥତା ପ୍ରତିପାଦନ କରେନାହିଁ | ଅର୍ଥ ଅପଚୟ କରାଯିବା ଉଚିତ୍ ନୁହେଁ | ଅତ୍ୟଧିକ ଅର୍ଥ ଭବିଷ୍ୟତ୍ ଆବଶ୍ୟକତା ନିମନ୍ତେ କିମ୍ବା ପ୍ରଭୁଙ୍କ କାର୍ଯ୍ୟ ନିମନ୍ତେ ଦିଆଯିବା ଉଚିତ୍ କିନ୍ତୁ ଏହାକୁ ଜୁଆଖେଳରେ ଉଡାଇଦିଆଯିବା ଉଚିତ୍ ନୁହେଁ |

ଯେତେବେଳେ ବାଇବଲ ସ୍ବଷ୍ଟ ଭାବେ ଜୁଆଖେଳକୁ ଉଲ୍ଲେଖ କରେନାହିଁ, ଏହା "ଭାଗ୍ୟ" ବା "ଦୈବୀ ଘଟନା" ବିଷୟରେ ଉଲ୍ଲେଖ କରେ | ଏକ ଉଦାହରଣ ଭାବରେ, ବଳିଦାନ ନିମନ୍ତେ ଥିବା ଛାଗ ଏବଂ ମେଷ ମଧ୍ୟରେ ଚୟନ କରିବାକୁ ଲେବୀୟପୁସ୍ତକରେ ବ୍ୟବହୃତ ଗୁଲିବାଣ୍ଟ ପକାଇବା | ଯିହୋଶୂୟ ବିଭିନ୍ନ ବଂଶର ଲୋକମାନଙ୍କ ଭାଗରେ ଭୂମି ବଣ୍ଟନ କରିବା ପାଇଁ ନିର୍ଦ୍ଧାରଣ କରିବା ନିମନ୍ତେ ଗୁଲିବାଣ୍ଟ କଲେ | ଯିରୁଶାଲମ ପ୍ରାଚୀର ଗୁଡିକ ମଧ୍ୟରେ କେଉଁମାନେ ବାସ କରିବେ ତାହା ନିର୍ଦ୍ଧାରଣ କରିବା ନିମନ୍ତେ ଯିହୋଶୂୟ ଗୁଲିବାଣ୍ଟ କଲେ | ଯିହୂଦାଙ୍କ ସ୍ଥାନରେ କିଏ ଶିଷ୍ୟର ସ୍ଥାନ ନେବ ତାହା ନିର୍ଦ୍ଧାରଣ କରିବା ନିମନ୍ତେ ଶିଷ୍ୟମାନେ ଗୁଲିବାଣ୍ଟ କଲେ | ହିତୋପଦେଶ ୧୬:୩୩ କୁହେ, "ଗୁଲିବାଣ୍ଟ କୋଳରେ ପକାଯାଏ, ମାତ୍ର ତହିଁର ନିଷ୍ପତ୍ତି ସଦାପ୍ରଭୁଙ୍କଠାରୁ ହୁଏ|"

ଜୁଆଖେଳ ଓ ଲଟେରୀ ବିଷୟରେ ବାଇବଲ କ'ଣ କୁହେ? ଜୁଆଖେଳ ଜୁଆଡିମାନଙ୍କୁ ଯେତେ ସମ୍ଭବ ସେତେ ଆଶଙ୍କା ଦେଇ ଗତି କରାଇ ସେମାନଙ୍କୁ ପ୍ରଲୋଭିତ କରିବା ନିମନ୍ତେ ସମସ୍ତ ପ୍ରକାରର ମାର୍କେଟିଙ୍ଗ୍ ସ୍କିମ୍ ଗୁଡିକ ବ୍ୟବହାର କରେ | ସେମାନେ ଅନେକ ସମୟରେ କମ୍ ମୂଲ୍ୟର କିମ୍ବା ଏପରିକି ମୁକ୍ତ ଆଲକୋହଲ୍ ଯାଚନ୍ତି ଯାହା ମତ୍ତତା ନିମନ୍ତେ ଉତ୍ସାହିତ କରେ ଏବଂ ସେଥିଯୋଗୁଁ ବୁଦ୍ଧିମାନର ନିଷ୍ପତ୍ତିଗୁଡିକ ନେବାର ସକ୍ଷମତାକୁ ହ୍ରାସ କରିଥାଏ | ଏକ ଜୁଆଖେଳରେ ପ୍ରତାରଣାପୂର୍ଣ୍ଣ ଭାବେ ଅର୍ଥ ନେବାର କୌଶଳ ପ୍ରୟୋଗ କରି ପ୍ରତ୍ୟେକ ବିଷୟ ଅଧିକ ପରିମାଣର ଅର୍ଥ ନେବା ନିମନ୍ତେ ଏବଂ କ୍ଷଣସ୍ଥାୟୀ ଓ ଶୂନ୍ୟ ସୁଖ ଛଡା ତା' ପ୍ରତିବଦଳରେ କିଛି ଦିଏନାହିଁ | ଲଟେରୀଗୁଡିକ ନିଜ ନିଜକୁ ଶିକ୍ଷା କିମ୍ବା/ଏବଂ ସାମାଜିକ କାର୍ଯ୍ୟକ୍ରମଗୁଡିକୁ ଆର୍ଥିକ ସହାୟତା ପ୍ରଦାନ କରୁଥିବାର ଏକ ଉପାୟ ବୋଲି ଦର୍ଶାଇବାର ଚେଷ୍ଟା କରନ୍ତି | ଅଥଚ, ଅଧ୍ୟୟନ କରି ଦେଖାଯାଇଛି ଯେ, ଲଟେରୀରେ ଅଂଶଗ୍ରହଣ କରୁଥିବା ଲୋକମାନେ ଲଟେରୀ ଟିକେଟ୍ କ୍ରୟ କରିବା ନିମନ୍ତେ ମଧ୍ୟ ଅତି ନିମ୍ନ ସକ୍ଷମ ହୋଇଥାନ୍ତି | ଯେଉଁମାନେ ହତାଶ ହୋଇଛନ୍ତି ସେମାନଙ୍କ ନିମନ୍ତେ "ଅତିଶୀଘ୍ର ଧନୀ ହେବା"ର ପ୍ରଲୋଭନକୁ ପ୍ରତିରୋଧ କରିବାର କଷ୍ଟକର ହୋଇଥାଏ | ଲଟେରୀ ଜିଣିବାର ସମ୍ଭାବନା ଅତି କ୍ଷୁଦ୍ର ହୋଇଥାଏ ଯାହାର ଫଳସ୍ବରୂପ ଅନେକ ଲୋକଙ୍କ ଜୀବନ ଛାରଖାର ହୋଇଯାଇଛି |

ଲୋଟୋ ବା ଲଟେରୀରୁ ଲବ୍ଧ ଅର୍ଥ କ'ଣ ଈଶ୍ବରଙ୍କୁ ସନ୍ତୋଷ କରାଇପାରେ? କେତେ ଲୋକ ଦାବୀ କରନ୍ତି ଯେ, ସେମାନେ ମଣ୍ଡଳୀକୁ ବା ଅନ୍ୟକିଛି ଉତ୍ତମ କାର୍ଯ୍ୟ ନିମନ୍ତେ ଅର୍ଥ ଦେବା ନିମନ୍ତେ ଲଟେରୀରେ ଅର୍ଥ ଲଗାଣ କରନ୍ତି ବା ଜୁଆ ଖେଳନ୍ତି | ଯଦିଓ ଏହା ଏହା ଏକ ଉତ୍ତମ ମନୋଭାବ ଅଟେ, ବାସ୍ତବତା ହେଉଛି ଜୁଆଖେଳରୁ ପ୍ରାପ୍ତ ଅର୍ଥ ଉତ୍ତମ ଉଦ୍ଦେଶ୍ୟରେ ଲୋକେ ପ୍ରାୟ ଦେଇ ନ ଥାନ୍ତି | ଅଧ୍ୟୟନରୁ ଜଣାଯାଇଛି ଯେ, ଲଟେରୀ ଜିଣୁଥିବା ଅଧିକାଂଶ ଲୋକେ ଲଟେରୀ ଜିଣିବାର ଅଳ୍ପ କିଛି ବର୍ଷ ପରେ ଏତେ ପରିମାଣର ଆର୍ଥିକ ସଙ୍କଟ ଦେଇ ଗତ କରିଥାନ୍ତି ଯେ, ସେମାନେ ଲଟେରୀ ଜିଣିବା ପୂର୍ବରୁ ଯେପରି ଅବସ୍ଥାରେ ଥିଲେ ବର୍ତ୍ତମାନ ତା'ଠାରୁ ଆହୁରି ଅଧିକ ଦୟନୀୟ ଅବସ୍ଥାରେ ରହନ୍ତି | ଯଦି କେହି ଅଛନ୍ତି, ତେବେ କେବଳ ଅତି ଅଳ୍ପ ଲୋକେ ଲଟେରୀର ଅର୍ଥ ଉତ୍ତମ ଉଦ୍ଦେଶ୍ୟରେ ଦେଇଥାନ୍ତି | ପୁନଶ୍ଚ, ଏହି ପୃଥିବୀରେ ତାଙ୍କ ସେବାକାର୍ଯ୍ୟକୁ ଆର୍ଥିକ ସାହାଯ୍ୟ କରିବା ନିମନ୍ତେ ଆମ୍ଭମାନଙ୍କର ଅର୍ଥ ଚାହାନ୍ତି ନାହିଁ | ହିତୋପଦେଶ ୧୩:୧୧ କୁହେ, "ମିଥ୍ୟାରେ ପ୍ରାପ୍ତ ଧନ କ୍ଷୟ ପାଇବ, ମାତ୍ର ହସ୍ତରେ ଅର୍ଜିତ ଧନ ବଢିଯିବ |" ଈଶ୍ବର ସାର୍ବଭୌମ ଅଟନ୍ତି ଏବଂ ମଣ୍ଡଳୀର ଆବଶ୍ୟକତାକୁ ସେ ସଚ୍ଚୋଟ ଅର୍ଥରୁ ଯୋଗାଇବେ | ଈଶ୍ବର କ'ଣ ଡ୍ରଗ୍ ଅର୍ଥ କିମ୍ବା ଏକ ବ୍ୟାଙ୍କ୍ ରୁ ଚୋରି କରାଯାଇଥିବା ଅର୍ଥ ପାଇ ଗୌରବାନ୍ମିତ ହେବେ? ବାସ୍ତବରେ ନୁହେ | ଈଶ୍ବର ସେହିପରି ଭାବରେ ଆମ୍ଭମାନଙ୍କର ଅର୍ଥକୁ ଚାହାନ୍ତି ନାହିଁ ଯାହା ଧନୀ ହେବା ନିମନ୍ତେ ପ୍ରଲୋଭିତ କରାଯାଇ ଦରିଦ୍ର ଲୋକମାନଙ୍କଠାରୁ "ଚୋରି" କରାଯାଇଛି |

ପ୍ରଥମ ତିମଥି ୬:୧୦ ଆମ୍ଭମାନଙ୍କୁ କୁହେ, "କାରଣ ଧନଲୋଭ ସମସ୍ତ ଅନିଷ୍ଟର ମୂଳ; କେହି କେହି ସେଥିରେ ଆସକ୍ତ ହୋଇ ବିଶ୍ବାସ ତ୍ୟାଗ କରି ପଥଭ୍ରଷ୍ଟ ହୋଇଅଛନ୍ତି, ପୁଣି ବହୁ ଦୁଃଖରେ ଆପଣା ଆପଣା ହୃଦୟ ବିଦୀର୍ଣ୍ଣ କରିଅଛନ୍ତି |" ଏବ୍ରୀ ୧୩:୫ ଦୃଢ ଭାବରେ କୁହେ, "ଆଚାରବ୍ୟବହାରରେ ଧନଲୋଭଶୂନ୍ୟ ହୁଅ, ତୁମ୍ଭମାନଙ୍କର ଯାହାକିଛି ଅଛି, ସେଥିରେ ସନ୍ତୁଷ୍ଟ ଥାଅ, କାରଣ ସେ ନିଜେ କହିଅଛନ୍ତି, "ଆମ୍ଭେ ତୁମ୍ଭକୁ କେବେହେଁ ଛାଡିବା ନାହିଁ, ଆମ୍ଭେ ତୁମ୍ଭକୁ କେବେହେଁ ପରିତ୍ୟାଗ କରିବା ନାହିଁ" | ମାଥିଉ ୬:୨୪ ଘୋଷଣା କରେ, "କୌଣସି ଲୋକ ଦୁଇ ପ୍ରଭୁଙ୍କର ଦାସ ହୋଇପାରେନାହିଁ; କାରଣ ସେ ଜଣଙ୍କୁ ଘୃଣା କରିବ ଓ ଅନ୍ୟ ଜଣଙ୍କୁ ପ୍ରେମ କରିବ, ଅଥବା ଜଣଙ୍କ ପ୍ରତି ଅନୁରକ୍ତ ହେବ ଓ ଅନ୍ୟ ଜଣଙ୍କୁ ଅବଜ୍ଞା କରିବ | ତୁମ୍ଭେମାନେ ଈଶ୍ବର ଓ ଧନ, ଉଭୟର ଦାସ ହୋଇପାର ନାହିଁ |"



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଜୁଆଖେଳ ପାପ ଅଟେକି? ଜୁଆଖେଳ ବିଷୟରେ ବାଇବଲ କ'ଣ କୁହେ?