ପରିତ୍ରାଣ କ'ଣ କେବଳ ବିଶ୍ବାସ ଯୋଗୁଁ କିମ୍ବା ବିଶ୍ବାସ ଓ କାର୍ଯ୍ୟ ଯୋଗୁଁ ହୋଇଥାଏ?



ପ୍ରଶ୍ନ: ପରିତ୍ରାଣ କ'ଣ କେବଳ ବିଶ୍ବାସ ଯୋଗୁଁ କିମ୍ବା ବିଶ୍ବାସ ଓ କାର୍ଯ୍ୟ ଯୋଗୁଁ ହୋଇଥାଏ?

ଉତ୍ତର:
ସମସ୍ତ ଖ୍ରୀଷ୍ଟିୟ ଈଶ୍ବର ତତ୍ତ୍ବରେ ଏହା ବୋଧହୁଏ ସବୁଠାରୁ ଗୁରୁତ୍ବପୂର୍ଣ୍ଣ ପ୍ରଶ୍ନ | ଏହି ପ୍ରଶ୍ନ ସଂସ୍କାର ଅର୍ଥାତ୍ ପ୍ରୋଟେଷ୍ଟାଣ୍ଟ୍ ଓ କ୍ୟାଥୋଲିକ୍ ମଣ୍ଡଳୀର ବିଛିନ୍ନକରଣର କାରଣ | ଏହି ପ୍ରଶ୍ନ ବାଇବଲ ଖ୍ରୀଷ୍ଟିୟ ମତବାଦ ଓ ଅଧିକାଂଶ "ଖ୍ରୀଷ୍ଟିୟ" ମତ ଗୋଷ୍ଠୀ ମଧ୍ୟରେ ଥିବା ଏକ ମୁଖ୍ୟ ଭିନ୍ନତା | ପରିତ୍ରାଣ କ'ଣ କେବଳ ବିଶ୍ବାସ ଯୋଗୁଁ ହୋଇଥାଏ, କିମ୍ବା ବିଶ୍ବାସ ଓ କାର୍ଯ୍ୟ ଯୋଗୁଁ ହୋଇଥାଏ? ମୁଁ କେବଳ ଯୀଶୁଙ୍କୁ ବିଶ୍ବାସ କରିବା ଦ୍ବାରା କ'ଣ ପରିତ୍ରାଣପ୍ରାପ୍ତ ହୋଇଛି କିମ୍ବା ମୁଁ ଯୀଶୁଙ୍କୁ ବିଶ୍ବାସ କରିବି ଓ ଆଉଅ କିଛି ନିର୍ଦ୍ଧିଷ୍ଟ ବିଷୟଗୁଡିକ କରିବାକୁ ପଡିବ?

କିଛି ସମ୍ମତ ହେବାରେ-କଷ୍ଟ ବାଇବଲ ଶାସ୍ତ୍ରାଂଶ କେବଳ ବିଶ୍ବାସ ନା, ବିଶ୍ବାସ ଓ କର୍ମ ପ୍ରଶ୍ନକୁ ଜଟିଳ କରିଦେଇଛି | ରୋମୀୟ ୩:୨୮, ୫:୧ ଓ ଗାଲାତୀୟ ୩:୨୪ ସହ ଯାକୁବ ୨:୨୪କୁ ତୁଳନା କରନ୍ତୁ | କେତେକ ପାଉଲ (କେବଳ ବିଶ୍ବାସ ଦ୍ବାରା ପରିତ୍ରାଣ) ଓ ଯାକୁବ (ବିଶ୍ବାସ ଓ କର୍ମରୁ ପରିତ୍ରାଣ) ମଧ୍ୟରେ ଭିନ୍ନତା ଦେଖନ୍ତୁ | ପାଉଲ ସ୍ବତଃସିଦ୍ଧ ଭାବରେ କୁହନ୍ତି ଯେ କେବଳ ବିଶ୍ବାସ ଦ୍ବାରା ଧାର୍ମିକଗଣିତ (ଏଫିସୀୟ ୨:୮-୯) କହୁଥିଲାବେଳେ ଯାକୁବ ଧାର୍ମିକଗଣନା ନିମନ୍ତେ ବିଶ୍ବାସ ଓ କର୍ମ ବିଷୟରେ କହୁଥିବାପରି ପ୍ରତୀୟମାନ ହୁଏ | ଯାକୁବ ନିର୍ଦ୍ଧିଷ୍ଟ ଭାବେ କେଉଁ ବିଷୟରେ କହୁଛନ୍ତି ତାହାକୁ ପରୀକ୍ଷା କରିବା ଦ୍ବାରା ଏହି ଦୃଶ୍ୟମାନ ସମାସ୍ୟାର ଉତ୍ତର ଦେଇହୁଏ | ଯଦି ଜଣେ ବ୍ୟକ୍ତି ବିଶ୍ବାସୀ ବୋଲି ଦାବୀ କରେ କିନ୍ତୁ ତା' ଜୀବନରେ ଉତ୍ତମକର୍ମ ନାହିଁ, ତେବେ ତା' ଅନ୍ତରରେ ଖ୍ରୀଷ୍ଟଙ୍କଠାରେ ବିଶ୍ବାସ ନାହିଁ (ଯାକୁବ ୨:୧୪, ୧୭, ୨୦, ୨୬) |

ପାଉଲ ଠିକ୍ ସେହି କଥାକୁ ହିଁ ତାଙ୍କ ଲେଖାଗୁଡିକରେ କୁହନ୍ତି | ଗାଲାତୀୟ ୫:୨୨-୨୩ରେ ବିଶ୍ବାସୀମାନଙ୍କ ଜୀବନରେ ଦେଖାଯିବାକୁ ଥିବା ଉତ୍ତମ ଫଳର ଏକ ତାଲିକା ଦିଏ | ଆମେ ଯେ କାର୍ଯ୍ୟ ଦ୍ବାରା ନୁହେଁ କିନ୍ତୁ ବିଶ୍ବାସ ଦ୍ବାରା ଉଦ୍ଧାରପ୍ରାପ୍ତ (ଏଫିସୀୟ ୨:୮-୯) ହୋଇଛୁ ତାହା କହିବାର ସାଙ୍ଗେ ସାଙ୍ଗେ ପାଉଲ ଆମ୍ଭମାନଙ୍କୁ ଜଣାନ୍ତି ଯେ ଆମ୍ଭେମାନେ ଉତ୍ତମକାର୍ଯ୍ୟ କରିବା ନିମନ୍ତେ ସୃଷ୍ଟି ହୋଇଛୁ (ଏଫିସୀୟ ୨:୧୦) | ଯାକୁବ ଯେପରି ଏକ ପରିବର୍ତ୍ତିତ ଜୀବନଠାରୁ ଆଶା କରନ୍ତି, ଠିକ୍ ସେହିପରି ପାଉଲ ଏକ ପରିବର୍ତ୍ତିତ ଜୀବନଠାରୁ ଆଶା କରନ୍ତି: "ଏଣୁ ଯଦି କେହି ଖ୍ରୀଷ୍ଟଙ୍କଠାରେ ଅଛି, ତେବେ ସେ ନୂତନ ସୃଷ୍ଟି ହୋଇଅଛି; ପୁରାତନ ବିଷୟସବୁ ଲୋପ ପାଇଅଛି, ଦେଖ, ନୂତନ ବିଷୟସବୁ ହୋଇଅଛି" (୨କରିନ୍ଥୀୟ ୫:୧୭) | ଯାକୁବ ଓ ପାଉଲ ପରିତ୍ରାଣ ବିଷୟରେ ସେମାନଙ୍କ ଶିକ୍ଷାରେ ପରସ୍ପର ଅସମ୍ମତ ନୁହଁନ୍ତି | ସେମାନେ ବିଭିନ୍ନ୍ ଅନ୍ତର୍ଦୃଷ୍ଟିରୁ ଗୋଟିଏ ବିଷୟର ନିକଟବର୍ତ୍ତୀ ହୁଅନ୍ତି | ପାଉଲ କେବଳ ଗୁରୁତ୍ବ ଦେଉଛନ୍ତି ଯେ ଧାର୍ମିକଗଣନା କେବଳ ବିଶ୍ବାସ ଦ୍ବାରା ହୁଏ ଯେତେବେଳେ ଯାକୁବ ସେହି ବାସ୍ତବତାକୁ ଗୁରୁତ୍ବ ଦିଅନ୍ତି ଯେ, ଖ୍ରୀଷ୍ଟଙ୍କଠାରେ ଆନ୍ତରିକ ବିଶ୍ବାସ ଉତ୍ତମ ଫଳ ଉତ୍ପନ୍ନ କରେ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ପରିତ୍ରାଣ କ'ଣ କେବଳ ବିଶ୍ବାସ ଯୋଗୁଁ କିମ୍ବା ବିଶ୍ବାସ ଓ କାର୍ଯ୍ୟ ଯୋଗୁଁ ହୋଇଥାଏ?