ପରିତ୍ରାଣ କଅଣ କେବଳ ବିଶ୍ବାସ ଦ୍ବାରା ଅବା ଏହା ନିମନ୍ତେ ବିଶ୍ବାସ ସହ କର୍ମ ମଧ୍ୟ ଜରୁରୀ?


ପ୍ରଶ୍ନ: ପରିତ୍ରାଣ କଅଣ କେବଳ ବିଶ୍ବାସ ଦ୍ବାରା ଅବା ଏହା ନିମନ୍ତେ ବିଶ୍ବାସ ସହ କର୍ମ ମଧ୍ୟ ଜରୁରୀ?

ଉତ୍ତର:
ହୁଏତ, ଖ୍ରୀଷ୍ଟିଆନ ଧର୍ମଶିକ୍ଷାରେ ଏହା ସବୁଠାରୁ ଗୁରୁତ୍ବପୂର୍ଣ୍ଣ ପ୍ରଶ୍ନ ଅଟେ । ଖ୍ରୀଷ୍ଟିଆନ ସଂସ୍କାର (ରିଫରମେସନ)ର କାରଣ ହେଉଛି ଏହି ପ୍ରଶ୍ନ- ପ୍ରୋଟେଷ୍ଟାନ୍ଟ ଚର୍ଚ ଓ କାଥୋଲିକ୍ ଚର୍ଚ୍ ମଧ୍ୟରେ ଫାଟକ । ଏହି ପ୍ରଶ୍ନ, ବାଇବଲଭିତ୍ତିକ ଖ୍ରୀଷ୍ଟିଆନ ଧର୍ମ ଓ ଅନେକ “ଖ୍ରୀଷ୍ଟିଆନ” ପଦ୍ଧତିର ପାର୍ଥକ୍ୟ ବୁଝିବା ପାଇଁ ଚାବିକାଠି ଅଟେ । ପରିତ୍ରାଣ କଅଣ କେବଳ ବିଶ୍ବାସ ଦ୍ବାରା ନା ବିଶ୍ବାସ ସହ କର୍ମ ଜରୁରୀ? ମୁଁ ଯୀଶୁଙ୍କୁ ବିଶ୍ବାସ କରିବା ଦ୍ବାରା ଉଦ୍ଧାର ପାଏ ନା ମୋତେ ଯୀଶୁଙ୍କୁ ବିଶ୍ବାସ କରିବା ସହ ଆଉ କିଛି ନିର୍ଦ୍ଧିଷ୍ଟ ବିଷୟ କରିବାକୁ ପଡ଼ିବ?

କେତେକ ବାଇବଲ ଶାସ୍ତ୍ରାଂସ ସକାଶୁ- କେବେଳ ବିଶ୍ବାସ ବା ବିଶ୍ବାସ ସହ କର୍ମର ପ୍ରଶ୍ନ ଜଟିଳ ହୋଇଅଛି । ରୋମୀୟ ୩:୨୮;୫:୧ ଏବଂ ଗାଲାତୀୟ ୩:୨୪ ସହ ଯାକୁବ ୨:୨୪ ତୁଳନା କର । କେତେକ ପାଉଲ (ପରିତ୍ରାଣ କେବଳ ବିଶ୍ବାସ ଦ୍ବାରା) ଓ ଯାକୁବଙ୍କ (ପରିତ୍ରାଣ ନିମନ୍ତେ ବିଶ୍ବାସ ସହ କର୍ମ) ଶିକ୍ଷା ମଧ୍ୟରେ ବିଭେଦତା ପାଅନ୍ତି । ପାଉଲ ଦୃଢ ଭାବରେ ଶିକ୍ଷା ଦିଅନ୍ତି ଯେ କେବେଳ ବିଶ୍ବାସ ଦ୍ବାରା ପରିତ୍ରାଣ ସମ୍ଭବ (ଏଫିସୀୟ ୨:୮-୯), ଯେବେ କି ଯାକୁବଙ୍କ ଶିକ୍ଷାରେ ପରିଲିକ୍ଷିତ ହୁଏ ଯେପରି ଜଣେ ଧାର୍ମିକ ହେବ ପାଇଁ ବିଶ୍ବାସ ସହ କର୍ମ ଆବଶ୍ୟକ କରେ । ଆମେ ଯାକୁବଙ୍କ ବାକ୍ୟକୁ ଯଦି ନିରୀକ୍ଷଣ କରୁ ତେବେ ଏହି ସମସ୍ୟାର ସମାଧାନ ମିଳି ପାରିବ । ଯାକୁବଙ୍କ ଯୁକ୍ତି ହେଉଛି ଯେ ଜଣେ ବ୍ୟକ୍ତି ଉତ୍ତମ କାର୍ଯ୍ୟ ବିନା ବିଶ୍ବାସ କରି ପାରିବ ନାହିଁ (ଯାକୁବ ୨:୧୭-୧୮) । ଯାକୁବ ଗୁରୁତ୍ବଆରୋପ କରନ୍ତି ଯେ ଖ୍ରୀଷ୍ଟଙ୍କଠାରେ ପ୍ରକୃତ ବିଶ୍ବାସ ହିଁ ପରିବର୍ତ୍ତନ ଜୀବନ ଓ ଉତ୍ତମ କାର୍ଯ୍ୟ ସୃଷ୍ଟି କରିପାରିବ (ଯାକୁବ ୨:୨-୨୬) । ଯାକୁବ ଏହା କହୁ ନାହାଁନ୍ତି ଯେ ପରିତ୍ରାଣ ପାଇଁ ବିଶ୍ବାସ ସହ କର୍ମ ଜରୁରୀ, କିନ୍ତୁ ବରଂ ଯେଉଁ ବ୍ୟକ୍ତି ବାସ୍ତବରେ ବିଶ୍ବାସ ଦ୍ବାରା ଧାର୍ମିକ ଗଣିତ ହୋଇଅଛି, ସେ ତାହାଙ୍କ ଜୀବନରେ ଉତ୍ତମ କାର୍ଯ୍ୟ କରିବ । ଯଦି ଜଣେ ବ୍ୟକ୍ତି ନିଜକୁ ବିଶ୍ବାସୀ ବୋଲି ଦାବି କରେ, କିନ୍ତୁ ତାହାଠାରେ କୌଣସି ଉତ୍ତମ କାର୍ଯ୍ୟ ନ ଥାଏ, ତେବେ ତାହାଠାରେ ଖ୍ରୀଷ୍ଟଙ୍କର ପ୍ରକୃତ ବିଶ୍ବାସ ନାହିଁ (ଯାକୁବ ୨:୧୪,୧୭,୨୦,୨୬) ।

ପାଉଲ ଠିକ୍ ସେହି ବିଷୟ ତାହାଙ୍କ ପତ୍ରରେ ଉଲ୍ଲେଖ କରନ୍ତି । ଯେଉଁ ଉତ୍ତମ ଫଳ ବିଶ୍ବାସୀମାନେ ଫଳିବା ଆବଶ୍ୟକ, ତାହା ଗାଲାତୀୟ ୫:୨୨-୨୩ରେ ଉଲ୍ଲେଖ କରଯାଇଅଛି । ଏଫିସୀୟ ୨:୮-୯ରେ କର୍ମ ଦ୍ବାରା ନୁହେଁ, କିନ୍ତୁ ବିଶ୍ବାସ ଦ୍ବାରା ଜଣେ ଉଦ୍ଧାର ପାଏ, ଏହି ଶିକ୍ଷା ଦେବା ଉତ୍ତାରେ, ପାଉଲ ଆମକୁ କହନ୍ତି ଯେ ଆମେ ଉତ୍ତମ କର୍ମ କରିବାକୁ ନିର୍ମିତ ହୋଇଅଛୁ (ଏଫିସୀୟ ୨:୧୦) । ପାଉଲ ମଧ୍ୟ ଯାକୁବଙ୍କ ଭଳି ପରିବର୍ତ୍ତିତ ଜୀବନଠାରୁ ଉତ୍ତମ କର୍ମ ଆଶା କରନ୍ତି: “...ଯଦି କେହି ଖ୍ରୀଷ୍ଟଙ୍କଠାରେ ଅଛି, ତେବେ ସେ ନୂତନ ସୃଷ୍ଟି ହୋଇଅଛି; ପୁରାତନ ବିଷୟ ସବୁ ଲୋପ ପାଇଅଛି, ଦେଖ, ନୂତନ ବିଷୟ ସବୁ ହୋଇଅଛି”(୨ କରନ୍ଥୀୟ ୫:୧୭) । ପାଉଲ ଓ ଯାକୁବ, ସେମାନଙ୍କ ପରିତ୍ରାଣ ଶିକ୍ଷାରେ ଅସମ୍ମତି ହୁଅନ୍ତି ନାହିଁ । ସେମାନେ ଏକ ବିଷୟକୁ ଦୁଇ ଦୃଷ୍ଟି କୋଣରୁ ଦେଖନ୍ତି । ପାଉଲ ଗୁରୁତ୍ବଆରୋପ କରନ୍ତି ଯେ ଖ୍ରୀଷ୍ଟଙ୍କଠାରେ ପ୍ରକୃତ ବିଶ୍ବାସ ଉତ୍ତମ କାର୍ଯ୍ୟକୁ ସୃଷ୍ଟି କରେ ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ପରିତ୍ରାଣ କଅଣ କେବଳ ବିଶ୍ବାସ ଦ୍ବାରା ଅବା ଏହା ନିମନ୍ତେ ବିଶ୍ବାସ ସହ କର୍ମ ମଧ୍ୟ ଜରୁରୀ?