ଛାଡପତ୍ର ଏବଂ ପୁନଃବିବାହ ବିଷୟରେ ବାଇବଲ କ'ଣ କୁହେ?



ପ୍ରଶ୍ନ: ଛାଡପତ୍ର ଏବଂ ପୁନଃବିବାହ ବିଷୟରେ ବାଇବଲ କ'ଣ କୁହେ?

ଉତ୍ତର:
ସର୍ବ ପ୍ରଥମ, ଛାଡପତ୍ର ବିଷୟରେ ଜଣେ ଯେକୌଣସି ବିଷୟ ନେଉ ନା କାହିଁକି, ମଲାଖି ୨:୧୬ ସ୍ମରଣ କରିବା ଗୁରୁତ୍ବପୂର୍ଣ୍ଣ ଅଟେ: "କାରଣ ଆମ୍ଭେ ସ୍ତ୍ରୀ ତ୍ୟାଗ ଘୃଣା କରୁ ଏହା ସଦାପ୍ରଭୁ ଇଶ୍ରାୟେଲର ପରମେଶ୍ବର କୁହନ୍ତି" | ବାଇବଲ ଅନୁଯାୟୀ ବିବାହ ଏକ ଜୀବନ ବ୍ୟାପୀ ପ୍ରତିଶ୍ରୁତିବଦ୍ଧତା ଅଟେ | "ଏଣୁ ସେମାନେ ଆଉ ଦୁଇ ନୁହନ୍ତି, କିନ୍ତୁ ଏକାଙ୍ଗ ଅଟନ୍ତି | ଅତଏବ, ଈଶ୍ବର ଯାହା ସଂଯୁକ୍ତ କରିଅଛନ୍ତି, ମନୁଷ୍ୟ ତାହା ବିଭିନ୍ନ ନ କରୁ" (ମାଥିଉ ୧୯:୬) | ଯଦିଓ ଈଶ୍ବର ହୃଦୟଙ୍ଗମ କରନ୍ତି ଯେ, ବିବାହ ଦୁଇଗୋଟି ପାପପୂର୍ଣ୍ଣ ମାନବକୁ ସଂପୃକ୍ତି କରେ, ଛାଡପତ୍ର ଦେଖାଦିଏ | ପୁରାତନ ନିୟମରେ, ସେ ଛାଡପତ୍ର ପାଉଥିବା ବ୍ୟକ୍ତିଙ୍କୁ, ବିଶେଷତଃ ନାରୀମାନଙ୍କର ଅଧିକାରର ସୁରକ୍ଷା ଦେବା ନିମନ୍ତେ କେତେକ ନିୟମ ରଖିଅଛନ୍ତି (ଦ୍ବିତୀୟ ବିବରଣ ୨୪:୧-୪) | ଯୀଶୁ ଦର୍ଶାଇଲେ ଯେ, ଏହି ସମସ୍ତ ନିୟମ ଈଶ୍ବରଙ୍କ ଇଛା ଯୋଗୁଁ ଦିଆଯାଇଥିବାର କାରଣ ନୁହେଁ କିନ୍ତୁ ଏହା ଲୋକମାନଙ୍କର ହୃଦୟର କଠିନତା ଯୋଗୁଁ ଦିଆଯାଇଥିଲା (ମାଥିଉ ୧୯:୮) |

ଛାଡପତ୍ର ଏବଂ ପୁନଃବିବାହ ବାଇବଲ ଅନୁଯାୟୀ ଅନୁମତିପ୍ରାପ୍ତ ନା ନାହିଁ ସେ ବିଷୟକ ବିବାଦ ବିଶେଷତଃ ମାଥିଉ ୫:୩୨ ଏବଂ ୧୯:୯ରେ ଥିବା ଯୀଶୁଙ୍କ ବାକ୍ୟସକଳ କେନ୍ଦ୍ର ଭାବରେ ରହିଥିବା ଯୋଗୁଁ ଉଠିଥାଏ | "ବ୍ୟଭିଚାର ବିନା" ବାକ୍ୟାଂଶଟି ବୋଧହୁଏ ଶାସ୍ତ୍ରରେ ଥିବା ଏକମାତ୍ର ବିଷୟ ଯାହା ଛାଡପତ୍ର ଏବଂ ପୁନଃବିବାହ କରିବା ନିମନ୍ତେ ଈଶ୍ବରଙ୍କ ଅନୁମତି ପ୍ରଦାନ କରିଥାଏ | ଅନେକ ଭାବାର୍ଥକାରୀ ଏହି ବ୍ୟତିକ୍ରମଣ ଖଣ୍ଡବାକ୍ୟକୁ "ନିର୍ବନ୍ଧ" ସମୟରେ "ବ୍ୟଭିଚାର" କୁ ଦର୍ଶାନ୍ତି | ଯିହୂଦୀ ପରମ୍ପରାରେ, ଜଣେ ପୁରୁଷ ଓ ଜଣେ ନାରୀ ଏପରିକି ସେମାନନେ ବିବାହ ନିମନ୍ତେ ପ୍ରତିଶ୍ରୁତିବଦ୍ଧ ଥିବା ସମୟରେ ବା "ନିର୍ବନ୍ଧ" ସମୟରେ ସୁଦ୍ଧା ବିବାହିତ ଭାବରେ ବିବେଚିତ ହେଉଥିଲେ | ଏହି ଦୃଷ୍ଟିକୋଣରୁ, ଏହି "ନିର୍ବନ୍ଧ" ସମୟରେ ଅନୈତିକତା କେବଳ ଛାଡପତ୍ର ନିମନ୍ତେ ଏକ ବୈଧ କାରଣ ହେବ |

ଅଥଚ, "ବ୍ୟଭିଚାର" ନିମନ୍ତେ ଗ୍ରୀକ୍ ଶବ୍ଦ ଯେକୌଣସି ପ୍ରକାର ଯୌନ ଅନୈତିକତାକୁ ବୁଝାଏ | ଏହା ବିବାହ ପୂର୍ବର ଯୌନ ସମ୍ପର୍କ, ବେଶ୍ୟାଗମନ, ବ୍ୟଭିଚାର ଇତ୍ୟାଦି ବୁଝାଇପାରେ | ଯୀଶୁ ସମ୍ଭବତଃ କହୁଛନ୍ତି ଯେ ଯୌନ ଅନୈତିକତା ହେଲେ ଛାଡପତ୍ର ଅନୁମତି ହୋଇପାରେ | ବୈବାହିକ ବନ୍ଧନରେ ଯୌନ ସମ୍ପର୍କ ଏକ ଅବିଚ୍ଛିନ୍ନ ଅଂଶ ଅଟେ: "ସେମାନେ ଦୁଇ ଏକାଙ୍ଗ ହେବେ" (ଆଦି ୨:୨୪; ମାଥିଉ ୧୯:୫; ଏଫିସୀୟ ୫:୩୧) | ଅତଏବ, ବିବାହ ପୂର୍ବରୁ ଯୌନ ସମ୍ପର୍କ ଦ୍ବାରା ସେହି ବନ୍ଧନକୁ ଯେକୌଣସି ଭଙ୍ଗ କଲେ ତାହା ଛାଡପତ୍ର ନିମନ୍ତେ ଅନୁମତିର ଏକ କାରଣ ହେବ | ଯଦି ସେପରି ହୁଏ, ଏହି ଶାସ୍ତ୍ରାଂଶରେ ଯୀଶୁ ପୁନଃବିବାହ କଥାକୁ ମଧ୍ୟ ମନରେ ରଖିଛନ୍ତି | "ଏବଂ ଅନ୍ୟକୁ ବିବାହ କରେ" (ମାଥିଉ ୧୯:୯) ବାକ୍ୟାଂଶଟି ଦର୍ଶାଏ ଯେ, ଛାଡପତ୍ରକୁ ଯେକୌଣସି ପ୍ରକାରେ ଭାବାର୍ଥ କରାଯାଇଛି ବୋଲି କୁହାଯାଉ ପଛକେ ବ୍ୟତିକ୍ରମଣ ଖଣ୍ଡବାକ୍ୟର ଏକ ଘଟନାରେ ଛାଡପତ୍ର ଏବଂ ପୁନଃବିବାହ ଅନୁମତିପ୍ରାପ୍ତ ଅଟେ | ଯଦିଓ ସେହି ବାକ୍ୟରେ ଦର୍ଶାଯାଇନାହିଁ, ଛାଡପତ୍ର ପରେ ପୁନଃବିବାହ କରିବାର ଅନୁମତି ହେଉଛି ଈଶ୍ବରଙ୍କ ଦୟା ଯାହା ଯୌନ ଅନୈତିକତା ପାପ କରିଥିବା ବ୍ୟକ୍ତି ପ୍ରତି ନିମନ୍ତେ ନୁହେଁ କିନ୍ତୁ ଯେଉଁ ବ୍ୟକ୍ତି ବିରୁଦ୍ଧରେ ଏହି ଯୌନ ଅନୈତିକତାର ପାପ କରାଯାଇଛି | "ଦୋଷୀ ପକ୍ଷ" ପୁନଃବିବାହ କରିବା ନିମନ୍ତେ ଅନୁମତିପ୍ରାପ୍ତ ହେବାର ଘଟନା ଥାଇପାରେ, କିନ୍ତୁ ଏହି ଶାସ୍ତ୍ରରେ ଏହା ଶିକ୍ଷା ଦିଆଯାଇନାହିଁ |

କେତେକ ୧କରିନ୍ଥୀୟ ୭:୧୫କୁ ଏକ "ବ୍ୟତିକ୍ରମଣ" ଭାବେ ବୁଝନ୍ତି, ଯାହା ଯଦି ଏକ ଅବିଶ୍ବାସୀ ସ୍ବାମୀ ବା ସ୍ତ୍ରୀ ଜଣେ ବିଶ୍ବାସୀକୁ ଛାଡପତ୍ର ଦିଏ, ତେବେ ପୁନଃବିବାହ ଅନୁମତିପ୍ରାପ୍ତ ବୋଲି ଉଲ୍ଲେଖ କରେ | ଅଥଚ, ପ୍ରସଙ୍ଗରେ ପୁନଃବିବାହ କଥା ଲେଖାଯାଇନାହିଁ, କିନ୍ତୁ ଯଦି ଜଣେ ଅବିଶ୍ବାସୀ ସ୍ବାମୀ ବା ସ୍ତ୍ରୀ ପରିତ୍ୟାଗ କରିବା ନିମନ୍ତେ ଚାହେଁ ତେବେ ବିବାହ ବନ୍ଧନକୁ ଜାରି ରଖିବା ବାଧ୍ୟତାମୂଳକ ନୁହେଁ | ଅନ୍ୟମାନେ ଦାବୀ କରନ୍ତି ଯେ, ନିର୍ଯ୍ୟାତନା (ସ୍ବାମୀ ସ୍ତ୍ରୀ ସମ୍ବନ୍ଧୀୟ କିମ୍ବା ସନ୍ତାନ ବିଷୟକ) ଛାଡପତ୍ର ନିମନ୍ତେ ଏକ ବୈଧ କାରଣ ଅଟେ ଯଦିଓ ଏହା ବାଇବଲରେ ତାଲିକାଭୁକ୍ତ କରାଯାଇନାହିଁ | ଯେତେବେଳେ ଏହି ଘଟନାଟି ଅତି ଉତ୍ତମ ହୋଇପାରେ, ତଥାପି ଈଶ୍ବରଙ୍କ ବାକ୍ୟର ଦୁରୁପଯୋଗ କରିବା କେବେ ବି ଏକ ବୁଦ୍ଧିମାନର କାର୍ଯ୍ୟନୁହେଁ |

ବେଳେବେଳେ ଏହି ଅତିକ୍ରମଣ ଖଣ୍ଡବାକ୍ୟରେ ବିତର୍କକୁ ହରାଇବା ଏଇଥିଯୋଗୁଁ ହୋଇଥାଏ ଯେ "ବ୍ୟଭିଚାର" ର ଅର୍ଥ ଯାହା ହୋଇଥାଉନା, ଏହା ଏହା ନିମନ୍ତେ ଏକ ଆବଶ୍ୟକତା ନିମନ୍ତେ ନୁହେଁ କିନ୍ତୁ ଛାଡପତ୍ରର ଏକ ଅନୁମତି କେବଳ ଅଟେ | ଏପରି ଯେତେବେଳେ ବ୍ୟଭିଚାର ପାପ କରାଗଲା, ଏକ ଦମ୍ପତ୍ତି ଈଶ୍ବରଙ୍କ ଅନୁଗ୍ରହରେ ପରସ୍ପରକୁ କ୍ଷମା ଦେବା ଏବଂ ସେମାନଙ୍କ ବିବାହକୁ ପୁନଃନିର୍ମାଣ କରିପାରିବେ | ଈଶ୍ବର ଆମ୍ଭମାନଙ୍କୁ ତାହାଠାରୁ ଅତି ଅଧିକ ଗୁଣରେ କ୍ଷମାପ୍ରଦାନ କରିଛନ୍ତି | ନିଶ୍ଚିତରେ ଆମେ ତାଙ୍କ ଉଦାହରଣକୁ ଅନୁକରଣ କରିପାରିବା ଏବଂ ଏପରିକି ବ୍ୟଭିଚାର ପାପରେ ମଧ୍ୟ କ୍ଷମା ପ୍ରଦାନ କରିପାରିବା (ଏଫିସୀୟ ୪:୩୨) | ଅଥଚ, ଅନେକ କ୍ଷେତ୍ରରେ, ଜଣେ ସ୍ବାମୀ ବା ସ୍ତ୍ରୀ ଅନୁତାପବିହୀନ ହୁଏ ଏବଂ ଯୌନ ଅନୈତିକତାରେ ଲାଗିରହିଥାଏ | ଯାହା ସମ୍ଭବତଃ ସେହି କ୍ଷେତ୍ରରେ ମାଥିଉ ୧୯:୯ କୁ ଲାଗୁ କରାଯାଇପାରିବ | ଅନେକ ମଧ୍ୟ ଛାଡପତ୍ର ପରେ ଅତିଶୀଘ୍ର ପୁନଃବିବାହ କରିବା ନିମନ୍ତେ ଚାହିଁ ବସିଥାନ୍ତି ଯେତେବେଳେ କି ଈଶ୍ବର ସେମାନଙ୍କୁ ଏକେଲା ରହିବା ନିମନ୍ତେ ଇଛା କରିଥାଇପାରନ୍ତି | ଈଶ୍ବର ଅନେକ ସମୟରେ ଏକାଲା ରହିବା ନିମନ୍ତେ ଆହ୍ବାନ କରିଥାନ୍ତି ଯେପରିକି ସେମାନଙ୍କର ମନୋନିବେଶ ବିଭାଗ ହେବନାହିଁ (୧କରିନ୍ଥୀୟ ୭:୩୨-୩୫) | କେତେକ କ୍ଷେତ୍ରରେ ଏକ ଛାଡପତ୍ର ପରେ ପୁନଃବିବାହ ଏକ ବିକଳ୍ପ ହୋଇପାରେ କିନ୍ତୁ ତାହା ବୁଝାଏ ନାହିଁ ଯେ, ଏହା ଏକମାତ୍ର ବିକଳ୍ପ |

ଏକ ଦୁଃଖଦାୟକ ଘଟନା ହେଉଛି ଖ୍ରୀଷ୍ଟିୟାନ ଭାବେ ପରିଚିତ ବ୍ୟକ୍ତିମାନଙ୍କ ମଧ୍ୟରେ ଥିବା ଛାଡପତ୍ର ହାର ଅବିଶ୍ବାସୀମାନଙ୍କ ଉଚ୍ଚ ଛାଡପତ୍ର ହାର ସହ ପ୍ରାୟ ସମାନ | ବାଇବଲ ଅତିଶୟ ସ୍ବଷ୍ଟ କରେ ଯେ, ଈଶ୍ବର ସ୍ତ୍ରୀତ୍ୟାଗ ଘୃଣା କରନ୍ତି (ମଲାଖି ୨:୧୬) ଏବଂ ସେହି ପୁନଃମିଳନ ଏବଂ କ୍ଷମାଶୀଳତା ଜଣେ ବିଶ୍ବାସୀଙ୍କ ଜୀବନର ଚିହ୍ନ ହେବା ଉଚିତ୍ (ଲୂକ ୧୧:୪; ଏଫିସୀୟ ୪:୩୨) | ଅଥଚ, ଈଶ୍ବର ଜାଣନ୍ତି ଯେ ଏପରିକି ତାଙ୍କ ସନ୍ତାନମାନଙ୍କ ମଧ୍ୟରେ ସୁଦ୍ଧା ଛାଡପତ୍ର ଘଟିବ | ଏକ ଛାଡପତ୍ରପ୍ରାପ୍ତ କିମ୍ବା/ଏବଂ ବିବାହିତ ବିଶ୍ବାସୀ ତା' ଛାଡପତ୍ର କିମ୍ବା/ଏବଂ ପୁନଃବିବାହ ମାଥିଉ ୧୯:୯ରେ ଥିବା ସାମ୍ଭାବ୍ୟ ବ୍ୟତିକ୍ରମଣ ଖଣ୍ଡବାକ୍ୟରେ ଆସେନାହିଁ ତେବେ ମଧ୍ୟ ଈଶ୍ବର ଯେ ତାକୁ କମ୍ ପ୍ରେମ କରନ୍ତି ତାହା ଭାବିବା ଉଚିତ୍ ନୁହେଁ | ଈଶ୍ବର ଅତି ଉତ୍ତମ କାର୍ଯ୍ୟ ସମ୍ପାଦନ କରିବା ନିମନ୍ତେ ଅନେକ ସମୟରେ ଏପରିକି ଖ୍ରୀଷ୍ଟିୟାନମାନଙ୍କର ପାପପୂର୍ଣ୍ଣ ଅବାଧ୍ୟତାକୁ ବ୍ୟବାହାର କରନ୍ତି |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଛାଡପତ୍ର ଏବଂ ପୁନଃବିବାହ ବିଷୟରେ ବାଇବଲ କ'ଣ କୁହେ?