ଈଶ୍ବର କାହିଁକି ଉତ୍ତମ ଲୋକମାନଙ୍କୁ ମନ୍ଦ ବିଷୟ ଘଟିବାକୁ ଦିଅନ୍ତି?


ପ୍ରଶ୍ନ: ଈଶ୍ବର କାହିଁକି ଉତ୍ତମ ଲୋକମାନଙ୍କୁ ମନ୍ଦ ବିଷୟ ଘଟିବାକୁ ଦିଅନ୍ତି?

ଉତ୍ତର:
ସମସ୍ତ ଈଶ୍ବରତତ୍ତ୍ବ (ଥିଓଲୋଜି) ମଧ୍ୟରେ ଏହା ସବୁଠାରୁ ଅଧିକ କଷ୍ଟକର ପ୍ରଶ୍ନ । ଈଶ୍ବର ଅନନ୍ତ, ଅସୀମ, ସର୍ବଜ୍ଞ, ସର୍ବବ୍ୟାପୀ ଓ ସର୍ବଶକ୍ତିଶାଳୀ ଅଟନ୍ତି । ମନୁଷ୍ୟ (ଯିଏ ଅନନ୍ତ, ଅସୀମ, ସର୍ବଜ୍ଞ, ସର୍ବବ୍ୟାପୀ ଓ ସର୍ବଶକ୍ତିଶାଳୀ ନୁହେଁ) କାହିଁକି ଈଶ୍ବରଙ୍କ ପଥକୁ ସମ୍ପୂର୍ଣ୍ଣରୂପେ ବୁଝିବାକୁ ସକ୍ଷମ ନୁହେଁ ? ଆୟୁବ ପୁସ୍ତକରେ ଏ ବିଷୟରେ ଆଲୋଚନା କରାଯାଇଛି । ଆୟୁବଙ୍କୁ ଜୀବନରେ ମାରିବା ବ୍ୟତୀତ ଶୟତାନ ଯାହା ଚାହିଁଲା ତାହା କରିବା ନିମନ୍ତେ ଈଶ୍ବର ତାକୁ ଅନୁମତି ଦେଲେ । ଆୟୁବଙ୍କ ପ୍ରତିକ୍ରିୟା କ’ଣ ଥିଲା? “ସେ ମୋତେ ବଧ କଲେ ହେଁ ମୁଁ ତାହାଙ୍କଠାରେ ଅପେକ୍ଷା କରିବି” (ଆୟୁବ13:15) । “ସଦାପ୍ରଭୁ ଦେଲେ; ସଦାପ୍ରଭୁ ନେଇଅଛନ୍ତି । ସଦାପ୍ରଭୁଙ୍କ ନାମ ଧନ୍ୟ ହେଉ” (ଆୟୁବ 1:21) । ଏହି ସମସ୍ତ ବିଷୟ ଈଶ୍ବର କାହିଁକି ଘଟିବାକୁ ଦେଲେ ତାହା ଆୟୁବ ଜାଣିପାରିଲେ ନାହିଁ, କିନ୍ତୁ ସେ ଜାଣିଥିଲେ ଯେ ଈଶ୍ବର ଭଲ ଅଟନ୍ତି ଓ ସେଥିଯୋଗୁଁ ସେ ତାହାଙ୍କଠାରେ ଭରସା କରିଚାଲିଲେ । ଅନ୍ତିମ ଭାବରେ କହିବାକୁ ଗଲେ ତାହା ମଧ୍ୟ ଆମ୍ଭମାନଙ୍କର ପ୍ରତିକ୍ରିୟା ହେବା ଉଚିତ ।

ଭଲ ଲୋକମାନଙ୍କୁ କାହିଁକି ମନ୍ଦ ବିଷୟ ଘଟିଥାଏ? ଏହାର ବାଇବଲ ଉତ୍ତର ହେଉଛି କୌଣସି “ଭଲ” ଲୋକ ନାହାନ୍ତି । ବାଇବଲ ଅତି ସ୍ବଷ୍ଟ ଭାବରେ କହିଛି ଯେ ଆମ୍ଭେମାନେ ପାପ ଦ୍ବାରା ଦୂଷିତ ଓ ସଂକ୍ରମିତ ହୋଇଛୁ (କଲସୀୟ 7:20; ରୋମୀୟ 6:23; 1ଯୋହନ 1:8) । “ଭଲ” ଲୋକମାନେ ନ ଥିବା ବିଷୟରେ ରୋମୀୟ 3:10-18 ଅପେକ୍ଷା ଆଉ କୌଣସି ପଦ ଅତି ସ୍ବଷ୍ଟ କରେନାହିଁ । “ଧାର୍ମିକ କେହି ନାହିଁ, ନା, ଜଣେ ସୁଦ୍ଧା ନାହିଁ; ଯେ ବୁଝେ , ଏପରି କେହି ନାହିଁ; ଯେ ଈଶ୍ବରଙ୍କ ଅନ୍ବେଷଣ କରେ, ଏପରି ଜଣେ ନାହିଁ; ସେମାନେ ସମସ୍ତେ ବିପଥରେ ଯାଇଅଛନ୍ତି, ଏକ ସାଙ୍ଗରେ ଅକର୍ମଣ୍ୟ ହୋଇଅଛନ୍ତି; ଯେ ସତ୍‍‍କର୍ମ କରେ, ଏପରି କେହି ନାହିଁ, ନା, ଏପରି ଜଣେ ହେଲେ ନାହିଁ । ସେମାନଙ୍କ କଣ୍ଠ ଉନ୍ଜୁକ୍ତ ସମାଧି, ସେମାନେ ଆପଣା ଆପଣା ଜିହ୍ବାରେ ଛଳନା କରିଅଛନ୍ତି, ସେମାନଙ୍କ ଓଷ୍ଠ ତଳେ କାଳସର୍ପର ବିଷ ଅଛି । ସେମାନଙ୍କ ମୁଖ ଅଭିଶାପ ଓ କଟୁତାରେ ପୂର୍ଣ୍ଣ; ସେମାନଙ୍କ ପାଦ ରକ୍ତପାତ କରିବାକୁ ଦ୍ରୁତଗାମୀ, ସେମାନଙ୍କ ପଥରେ ବିନାଶ ଓ କ୍ଲେଶ, ପୁଣି ଶାନ୍ତିର ପଥ ସେମାନେ ଜାଣନ୍ତି ନାହିଁ । ଈଶ୍ବରଙ୍କ ଭୟ ସେମାନଙ୍କ ଆଖି ଆଗରେ ନ ଥାଏ ।” ଏହି ଗ୍ରହ (ପୃଥିବୀ)ରେ ଥିବା ସମସ୍ତେ ଏହିକ୍ଷଣି ନରକ ମଧ୍ୟରେ ନିକ୍ଷେପ ହେବାର ଯୋଗ୍ୟ ଅଟନ୍ତି । ଆମେ କେବଳ ଈଶ୍ବରଙ୍କ ଅନୁଗ୍ରହ ଓ ଦୟାରୁ ପ୍ରତି ସେକେଣ୍ଡ୍‍ ବଞ୍ଚିରହିଛୁ । ଆମେ ଅଗ୍ନିମୟ ହ୍ରଦରେ ଯେଉଁ ଅନନ୍ତ ନରକ ଦଣ୍ଡ ପାଇବାର ଯୋଗ୍ୟ ସେଥିର ତୁଳନାରେ ଏହି ପୃଥିବୀରେ ଆମ ପ୍ରତି ଘଟିଥିବା ସବୁଠାରୁ ଭୟଙ୍କର ବିପଦ ବା ଦୁଃଖ ମଧ୍ୟ ଆମ୍ଭମାନଙ୍କ ପ୍ରତି ଦୟା ଥିବା କାରଣରୁ ଘଟିଥାଏ ।

ସବୁଠାରୁ ଅଧିକ ଭଲ ପ୍ରଶ୍ନ ଏପରି ହେବ “ଈଶ୍ବର କାହିଁକି ମନ୍ଦ ଲୋକମାନଙ୍କୁ ଭଲ ବିଷୟ ଘଟିବାକୁ ଦିଅନ୍ତି?” ରୋମୀୟ 5:8ରେ ଲେଖାଯାଏ “କିନ୍ତୁ ଆମ୍ଭେମାନେ ପାପୀ ଥିବା ସମୟରେ ସୁଦ୍ଧା ଖ୍ରୀଷ୍ଟ ଯେ ଆମ୍ଭମାନଙ୍କ ନିମନ୍ତେ ମୃତ୍ୟୁଭୋଗ କଲେ, ସେଥିରେ ଈଶ୍ବର ଆମ୍ଭମାନଙ୍କ ପ୍ରତି ଆପଣା ପ୍ରେମ ସପ୍ରମାଣ କରୁଅଛନ୍ତି ।” ଏହି ଜଗତରେ ଥିବା ଲୋକମାନଙ୍କର ମନ୍ଦ, ଦୁଷ୍ଟ ଓ ପାପପୂର୍ଣ୍ଣ ସ୍ବଭାବ ସତ୍ତ୍ବେ ଈଶ୍ବର ଆମ୍ଭମାନଙ୍କୁ ପ୍ରେମ କରନ୍ତି । ସେ ଆମ୍ଭମାନଙ୍କୁ ଏପରି ପ୍ରେମ କଲେ ଯେ ସେ ଆମ୍ଭମାନଙ୍କର ପାପର ପାଉଣାକୁ ନେବା ପାଇଁ ମରି ଆମ୍ଭମାନଙ୍କୁ ପ୍ରେମ କଲେ (ରୋମୀୟ 6:23) । ଯଦି ଆମେ ଯୀଶୁଖ୍ରୀଷ୍ଟଙ୍କୁ ଆମ୍ଭମାନଙ୍କର ଉଦ୍ଧାରକର୍ତ୍ତା ଭାବରେ ଗ୍ରହଣ କରୁ (ଯୋହନ 3:16; ରୋମୀୟ 10:9), ତେବେ ଆମ୍ଭମାନଙ୍କୁ କ୍ଷମା ଦିଆଯିବ ଓ ଆମ୍ଭମାନଙ୍କୁ ସ୍ବର୍ଗରେ ଏକ ଅନନ୍ତକାଳୀନ ଘର ଦିଆଯିବା ନିମନ୍ତେ ପ୍ରତିଜ୍ଞା କରାଯାଇଛି (ରୋମୀୟ 8:1) । ଆମ୍ଭେମାନେ ଯାହା ପାଇବାର ଯୋଗ୍ୟ ଅଟୁ, ତାହା ହେଉଛି ନରକ । ଯଦି ଆମେ ବିଶ୍ବାସରେ ଖ୍ରୀଷ୍ଟଙ୍କ ପାଖକୁ ଆସୁ, ତେବେ ଆମ୍ଭମାନଙ୍କୁ ସ୍ବର୍ଗରେ ଅନନ୍ତ ଜୀବନ ଦିଆଯିବ ।

ହଁ, ବେଳେବେଳେ କିଛି ଲୋକଙ୍କୁ ଏପରି ବିଷୟଗୁଡିକ ଘଟିଥାଏ, ଯାହା ସେମାନେ ପାଇବାର ଯୋଗ୍ୟ ପରି ଜଣାଯାଇନଥାଏ । କିନ୍ତୁ ଆମେ ତାହା ବୁଝୁ କିମ୍ବା ନ ବୁଝିଥିଲେ ସୁଦ୍ଧା ଈଶ୍ବର ତାହାଙ୍କ ଉଦ୍ଦେଶ୍ୟ ନିମନ୍ତେ ସେଗୁଡିକ ଘଟିବାକୁ ଦେଇଥାନ୍ତି । ଏ ସମସ୍ତ ଉପରେ, ଆମେ ନିହାତି ମନେ ରଖିବାକୁ ପଡିବ ଯେ ଈଶ୍ବର ଭଲ, ନ୍ୟାୟବାନ୍‍, ପ୍ରେମମୟ ଓ ଦୟାମୟ ଅଟନ୍ତି । ବେଳେବେଳେ ଆମ୍ଭମାନଙ୍କୁ ଏପରି ବିଷୟଗୁଡିକ ଘଟିଥାଏ, ଯାହା ଆମେ ସରଳ ଭାବରେ ବୁଝିପାରିନଥାଉ । ଅଥଚ, ଈଶ୍ବରଙ୍କ ଉତ୍ତମତା ବିଷୟରେ ସନ୍ଦେହ କରିବା ପରିବର୍ତ୍ତେ, ଆମ୍ଭେମାନେ ତାହାଙ୍କଠାରେ ଭରସା ରଖିବାକୁ ପଡିବ । “ତୁମ୍ଭେ ସର୍ବାନ୍ତକରଣ ସହିତ ସଦାପ୍ରଭୁଙ୍କଠାରେ ବିଶ୍ବାସ କର ଓ ନିଜ ସୁବିବେଚନାରେ ଆଉଜି ପଡନାହିଁ । ଆପଣାର ସବୁ ଗତିରେ ତାହାଙ୍କୁ ସ୍ବୀକାର କର; ତହିଁରେ ସେ ତୁମ୍ଭର ପଥସବୁ ସରଳ କରିବେ” (ହିତୋପଦେଶ 3:5-6) ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର କାହିଁକି ଉତ୍ତମ ଲୋକମାନଙ୍କୁ ମନ୍ଦ ବିଷୟ ଘଟିବାକୁ ଦିଅନ୍ତି?