ଯୀଶୁ ତାଙ୍କ ମୃତ୍ୟୁ ଓ ପୁନଃଉତ୍ଥାନ ମଧ୍ୟରେ ଥିବା ତିନି ଦିନ କେଉଁଠି ଥିଲେ?



ପ୍ରଶ୍ନ: ଯୀଶୁ ତାଙ୍କ ମୃତ୍ୟୁ ଓ ପୁନଃଉତ୍ଥାନ ମଧ୍ୟରେ ଥିବା ତିନି ଦିନ କେଉଁଠି ଥିଲେ?

ଉତ୍ତର:
୧ପିତର ୩:୧୮-୧୯ ଦର୍ଶାଏ, "ଯେଣୁ ଆମ୍ଭମାନଙ୍କୁ ଈଶ୍ବରଙ୍କ ନିକଟକୁ ଆଣିବା ପାଇଁ ଖ୍ରୀଷ୍ଟ ମଧ୍ୟ ଧାର୍ମିକ ହୋଇ ଅଧାର୍ମିକମାନଙ୍କ ନିମନ୍ତେ ପାପ ହେତୁ ଥରେ ମୃତ୍ୟୁଭୋଗ କଲେ | ସେ ଶରୀରରେ ମୃତ୍ୟୁଭୋଗ କଲେ ସତ, କିନ୍ତୁ ଆତ୍ମାରେ ଜୀବିତ ହେଲେ; ସେଥିରେ ମଧ୍ୟ ସେ ବନ୍ଦୀ ଆତ୍ମାମାନଙ୍କ ନିକଟଙ୍କୁ ଯାଇ ପ୍ରଚାର କଲେ |" ୧୮ ପଦରେ "ଆତ୍ମାରେ" ଖଣ୍ଡବାକ୍ୟଟି "ଶରୀରରେ" ଶବ୍ଦ ପରି ଗୋଟିଏ ଗଠନ ରହିଛି | ତେଣୁ "ଶରୀର" ପରି "ଆତ୍ମା" ଶବ୍ଦର ମଧ୍ୟ ସେହି ଗୋଟିଏ ସ୍ଥାନକୁ ବୁଝାଉଛି | ଶରୀର ଏବଂ ଆତ୍ମା ହେଉଛି ଖ୍ରୀଷ୍ଟଙ୍କ ଶରୀର ଏବଂ ଆତ୍ମା | "ଆତ୍ମାରେ (ମଧ୍ୟରେ ବା ଦ୍ବାରା) ଜୀବିତ ହେଲେ" ଖ୍ରୀଷ୍ଟଙ୍କ ପାପ ବହନ ଏବଂ ମୃତ୍ୟୁ ପିତାଙ୍କଠାରୁ ତାଙ୍କ ମାନବ ଶରୀର ପୃଥକୀକୃତ କରାଇଲା (ମାଥିଉ ୨୭:୪୬) | ମାଥିଉ ୨୭:୪୬ ଏବଂ ରୋମୀୟ ୧:୩-୪ ପରି ଖ୍ରୀଷ୍ଟଙ୍କ ଶରୀର ଏବଂ ପବିତ୍ରଆତ୍ମା ମଧ୍ୟରେ ବୈଷମ୍ୟ ନାହିଁ କିନ୍ତୁ ଏହା ଶରୀର ଏବଂ ଆତ୍ମା ମଧ୍ୟରେ | ଯେତେବେଳେ ପାପ ନିମନ୍ତେ ଖ୍ରୀଷ୍ଟଙ୍କ ପ୍ରାୟଶ୍ଚିତ ସମ୍ପୂର୍ଣ୍ଣ ହେଲା, ତାଙ୍କ ଆତ୍ମା ଭାଙ୍ଗି ଯାଇଥିବା ସହଭାଗୀତାକୁ ପୁନଃସ୍ଥାପନ କଲା |

ପ୍ରଥମ ପିତର ୩:୧୮-୨୨ ଖ୍ରୀଷ୍ଟଙ୍କ ଦୁଃଖଭୋଗ (୧୮ ପଦ) ଏବଂ ତାଙ୍କ ଗୌରବାନ୍ମିତ (ପଦ ୨୨) ମଧ୍ୟରେ ଏକ ଆବଶ୍ୟକୀୟ ସମ୍ପର୍କ ବିଷୟକୁ ବର୍ଣ୍ଣନା କରେ | ଏହି ଦୁଇଗୋଟି ଘଟନାରେ କେଉଁ ବିଷୟ ଘଟିଲା ସେ ବିଷୟରେ କେବଳ ପିତର ହିଁ ନିର୍ଦ୍ଧିଷ୍ଟ ସୂଚନା ଦିଅନ୍ତି | ୧୯ ପଦରେ ଥିବା "ପ୍ରଚାର କଲେ" ଶବ୍ଦଦ୍ବୟ ସୁସମାଚାର ପ୍ରଚାର କରିବାର ବର୍ଣ୍ଣନା କରିବା ନିମନ୍ତେ ନୂତନ ନିୟମର ସାଧାରଣ ଶବ୍ଦ ନୁହେଁ | ଏହା ଆକ୍ଷରିକ ଭାବେ ଏକ ବାର୍ତ୍ତାକୁ ଅଗ୍ରଗାମୀ କରାଇବା | ଯୀଶୁ ଦୁଃଖଭୋଗ କଲେ ଏବଂ କ୍ରୁଶରେ ମୃତ୍ୟୁଭୋଗ କଲେ, ତାଙ୍କ ଶରୀର ମୃତ ହେଲା ଏବଂ ତାଙ୍କ ଆତ୍ମା ମୃତ ହେଲା ଯେତେବେଳେ ସେ ପାପ ସ୍ବରୂପ ହେଲେ | କିନ୍ତୁ ତାଙ୍କ ଆତ୍ମାରେ ସେ ଜୀବିତ ହେଲେ ଏବଂ ସେ ଏହାକୁ ପିତାଙ୍କ ନିକଟରେ ସମର୍ପି ଦେଲେ | ପିତରଙ୍କ ଅନୁଯାୟୀ, ଯୀଶୁ ତାଙ୍କ ମୃତ୍ୟୁ ଏବଂ ପୁନରୁତ୍ଥାନ ମଧ୍ୟରେ "ବନ୍ଦୀ ଆତ୍ମାଗଣଙ୍କ" ମଧ୍ୟରେ ଏକ ସ୍ବତନ୍ତ୍ର ଘୋଷଣା କଲେ |

ଆରମ୍ଭରେ ଏହା କୁହାଯାଇପାରେ ଯେ, ପିତର ଲୋକମାନଙ୍କୁ "ଆତ୍ମା" ଭାବରେ ଅଭିହିତ ନ କରି "ପ୍ରାଣୀ" ଭାବରେ ଅଭିହିତ କଲେ (୩:୨୦) | ନୂତନ ନିୟମରେ, "ଆତ୍ମାଗୁଡିକ" ଶବ୍ଦଟି ମାନବ ସମାଜ ଭାବେ ବ୍ୟବହୃତ ନ ହୋଇ ଦୂତଗଣ କିମ୍ବା ଭୂତଗଣଙ୍କୁ ବର୍ଣ୍ଣନା କରିବା ନିମନ୍ତେ ବ୍ୟବହାର କରାଯାଇଛି, ଏବଂ ୨୨ ଅଧ୍ୟାୟଟି ଏହି ଅର୍ଥ ଧାରଣ କଲାପରି ପ୍ରତୀୟମାନ ହେଉଛି | ପୁଣି ବାଇବଲର କୌଣସିଠାରେ ମଧ୍ୟ ଯୀଶୁ ନରକ ପରିଦର୍ଶନ କରିଥିଲେ ବୋଲି ଆମେ ଦେଖୁ | ପ୍ରେରିତ ୨:୩୧ କୁହେ ଯେ ସେ "ହେଦସ୍" କୁ ଗଲେ (New American Standard Bible), କିନ୍ତୁ "ହେଦସ୍" ନରକ ନୁହେଁ | "ହେଦସ୍" ଶବ୍ଦଟି ମୃତମାନଙ୍କର ସ୍ଥଳୀକୁ ବୁଝାଏ ଯାହା ଏକ ଅସ୍ଥାୟୀ ସ୍ଥାନ ଏବଂ ଯେଉଁଠି ସେମାନେ ପୁନରୁତ୍ଥାନକୁ ଅପେକ୍ଷା କରିଥାନ୍ତି | NASB କିମ୍ବା New International Versionରେ ପ୍ରକାଶିତ ୨୦:୧୧-୧୫ ଏହି ଦୁଇଟି ମଧ୍ୟରେ ଥିବା ସ୍ବଷ୍ଟ ଭିନ୍ନତା ପ୍ରଦାନ କରେ | ବିନାଶପ୍ରାପ୍ତମାନଙ୍କ ପାଇଁ ନରକ ହେଉଛି ଚିରସ୍ଥାୟୀ ଏବଂ ବିଚାର ନିମନ୍ତେ ଶେଷ ସ୍ଥାନ ଅଟେ | ହେଦସ୍ ଏକ କ୍ଷଣସ୍ଥାୟୀ ସ୍ଥାନ ଅଟେ |

ଆମ୍ଭମାନଙ୍କ ପ୍ରଭୁ ତାଙ୍କ ଆତ୍ମାଙ୍କୁ ପିତାଙ୍କ ନିକଟରେ ସମର୍ପି ଦେଇଥିଲେ, ମୃତ୍ୟୁଭୋଗ କଲେ ଏବଂ ତାଙ୍କ ମୃତ୍ୟୁ ଏବଂ ପୁନରୁତ୍ଥାନ ମଧ୍ୟରେ ଥିବା କିଛି ସମୟ ସେ ମୃତମାନଙ୍କ ରାଜ୍ୟକୁ ଯାଇଥିଲେ ଯେଉଁଠି ସେ ଆତ୍ମାଗୁଡିକୁ ଏକ ବାର୍ତ୍ତା ପ୍ରଦାନ କରିଥିଲେ (ବୋଧହୁଏ, ପତିତ ଦୂତମାନେ; ଯିହୂଦା ୬) ଯେଉଁମାନେ କି ନୋହଙ୍କ ସମୟର ଜଳପ୍ଳାବନ ପୂର୍ବରେ ଥିବା ସମୟ ସହ ସମ୍ପର୍କିତ | ୨୦ ପଦ ଏହାକୁ ସ୍ବଷ୍ଟ କରେ | ଏହି ବନ୍ଦୀ ଦୂତମାନଙ୍କ ନିକଟରେ ସେ କ'ଣ ପ୍ରଚାର କରିଥିଲେ ତାହା ପିତର କୁହନ୍ତି ନାହିଁ, କିନ୍ତୁ ଏହା ମୁକ୍ତିର ବାର୍ତ୍ତା ନୁହେଁ ଯେହେତୁ ଦୂତମାନେ ଉଦ୍ଧାରପ୍ରାପ୍ତ ହୋଇପାରିବେନାହିଁ (ଏବ୍ରୀ ୨:୧୬) | ଏହା ବୋଧହୁଏ ଶୟତାନ ଏବଂ ତାଙ୍କ ଦୂତଗଣଙ୍କ ଉପରେ କରିଥିବା ତାଙ୍କ ବିଜୟର ଘୋଷଣା (୧ପିତର ୩:୨୨; କଲସୀୟ ୨:୧୫) | ଏଫିସୀୟ ୪:୮-୧୦ ମଧ୍ୟ ଖ୍ରୀଷ୍ଟ "ପାରଦୀଶ"କୁ ଯିବାର ଦର୍ଶାଇଥିବା ପରି ଜଣାଯାଏ (ଲୂକ ୧୬: ୨୨; ୨୩:୪୩) ଏବଂ ତାଙ୍କ ମୃତ୍ୟୁ ପୂର୍ବରୁ ଯେଉଁମାନେ ତାଙ୍କଠାରେ ବିଶ୍ବାସ କରିଥିଲେ ସେମାନଙ୍କୁ ସ୍ବର୍ଗକୁ ଘେନିଗଲେ | ସେ ବିଷୟରେ କ'ଣ ଘଟିଲା ବାଇବଲ ତାହା ଅଧିକ ବିସ୍ତୃତ ଭାବରେ କୁହେନାହିଁ, କିନ୍ତୁ "ବନ୍ଦୀମାନଙ୍କୁ ବନ୍ଦୀ କରି ନେଇଗଲେ" ରୁ ଏହା ସେପରି ବୁଝାଯାଏ ବୋଲି ଅଧିକାଂଶ ବାଇବଲ ପଣ୍ଡିତଗଣ ସହମତ ହୁଅନ୍ତି |

ତେଣୁ, ଏହି ସମସ୍ତ କହିବାକୁ ଗଲେ ଖ୍ରୀଷ୍ଟ ତାଙ୍କ ମୃତ୍ୟୁ ଏବଂ ପୁନରୁତ୍ଥାନ ମଧ୍ୟରେ ସଠିକ୍ ଭାବେ କ'ଣ କଲେ ସେ ବିଷୟରେ ବାଇବଲ ସାମଗ୍ରିକ ଭାବେ ସ୍ବଷ୍ଟ ନୁହେଁ | ଅଥଚ, ଜଣାଯାଏ ଯେ ପତିତ ଦୂତମାନଙ୍କ ଏବଂ /କିମ୍ବା ଅବିଶ୍ବାସୀମାନଙ୍କ ଉପରେ ଜୟଲାଭର ପ୍ରଚାର କରୁଥିଲେ | ବାଇବଲ ଆମ୍ଭମାନଙ୍କୁ କୁହେ ଯେ, ମୃତ୍ୟୁ ପରେ ଆମେ ବିଚାରର ସମ୍ମୁଖୀନ ହେବା (ଏବ୍ରୀ ୯:୨୭), ଆଉ ଦ୍ବିତୀୟ ସୁଯୋଗ ନାହିଁ | ଯୀଶୁ ତାଙ୍କ ମୃତ୍ୟୁ ଏବଂ ପୁନରୁତ୍ଥାନ ମଧ୍ୟରେ ବାସ୍ତବରେ କ'ଣ କରୁଥିଲେ ସେ ବିଷୟରେ ନିଶ୍ଚିତ ଏବଂ ସ୍ବଷ୍ଟ ଉତ୍ତରନାହିଁ | ଆମେ ଗୌରବରେ ପ୍ରବେଶ ଥରେ ପ୍ରବେଶ କରି ସାରିବା ପରେ ଆମେ ଯେଉଁ ସମସ୍ତ ରହସ୍ୟ ବୁଝିପାରିବା ବୋଧହୁଏ ଏହା ସେହି ସମସ୍ତ ରହସ୍ୟମଧ୍ୟରୁ ଗୋଟିଏ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଯୀଶୁ ତାଙ୍କ ମୃତ୍ୟୁ ଓ ପୁନଃଉତ୍ଥାନ ମଧ୍ୟରେ ଥିବା ତିନି ଦିନ କେଉଁଠି ଥିଲେ?