यीशु मसीहा कु’न ऐ ?




सुआल : यीशु मसीहा कु’न ऐ ?

जबाब :
उस्सै सुआल आह्ला लेखा “क्या ईश्वर दा बजूद ऐ ?” बड़े घट्ट लोक सुआल करदे न क्या यीशु मसीहा ऐ। एह् ते आमतौरै पर स्वीकार कीता गेदा ऐ जे यीशु इक सच्चा ते साफदिल इंसान हा जेह्ड़ा अज्ज शा 2000 साल पैह्लें इजाराइल च पैदा होआ हा। एह् चर्चा अदूं शुरू होई ही जदूं यीशु दे पूरे अस्तित्व बारै गल्लबात होन लगी। लगभग हर धर्म इ’यै सखांदा ऐ जे यीशु इक शांति दा दूत, इक अध्यात्मक गुरु ते ईश्वरीय शान रखने आह्ला माह्नू हा। पर परेशानी एह् ऐ जे बाईबल असेंगी एह् दसदी ऐ जे यीशु शांति दे दूत, अध्यात्मक गुरु ते ईश्वरीय ग्यान रक्खने आह्ले माह्नू दे लावा बी किश होर बी हा।

सी.एस.लीयूस अपनी कताब ‘सिर्फ ईसायत’ च लिखदे न “अ’ऊं इत्थें सिर्फ इ’यै किश आखने शा रोकने दी कोशश करै करना, जो किश ओह् मूर्खतापूर्ण ओह्दे बारे च आखदे न। अ’ऊं यीशु गी इक अध्यात्मक गुरू दे रूप च स्वीकार करनां पर, अ’ऊं ओह्दे ईश्वर होने आह्ले दावे दा खंडन बी करना, इ’यै इक गल्ल ऐ जेह्ड़ी असेंगी नेईं आखनी चाहिदी। इक आम इंसान होइयै जेह्ड़ियां गल्लां यीशु आखदा ऐ ओह् इक सुलझे दे गुरु गी नेईं आखनी चाह्दियां नं। जां ते ओह् पागल होई सकदा ऐ जेह्ड़ा अपने आप गी पानी च उबले अंडे आह्गंर गला, जां ओह् नरक दा शतान होई सकदा ऐ। एह् तुंदा अपना बचार ऐ, एह् माह्नू आम इंसान होई सकदा ऐ, जां परम पिता परमेश्वर दा पुत्तर, जां कोई पागल, जां इस शा बी बद्ध। इस आस्तै तुस ओह्दी अलोचना करी सकदे ओ, तुस ओह्दे पर थुक्कदे होई शतान आह्गंर ओह्दा खात्मा बी करी सकदे ओ, जां तुस ओह्दे कदमें च डिगदे होई उसी ईश्वर रूप च स्वीकार बी करी सकदे ओ, पर असेंगी ओह्दे अध्यात्मक गुरु आह्ले रूप गी मता म्हत्व नेईं देना चाहिदा, ओह् असेंगी एह् सब किश मन्नने पर मजबूर नेईं करी सकदा।

सो, यीशु अपने-आप गी केह् मनदा ऐ ? बाईबल अनुसार ओह् कु’न ऐ “पैह्ले अस यीशु दे इनें शब्दे गी लैन्ने आं (जान 10:30) अ’ऊं ते ओह् परम पिता परमेश्वर पिता इक गै रूप आं” पैह्ली नजर च ते एह् ईश्वर होने दा दावा पेश नेईं करदा, पर अस इस ब्यान दे बाद यहूदियें दे व्यवहार गी दिक्खी सकनेआं, अस तुगी इ’नें गल्लें आस्तै पत्थर नेईं मारै करदे, यहूदी परता दिंदे न, बल्के तूं इक आम माह्नू होइयै ईश्वर दी निंदा कीती ऐ। तूं इक आम माह्नू होइयै, अपने-आप गी ईश्वर मिथै करना ऐं (जान 10:33) यहूदियें ओह्दे कथन गी अपने-आप गी ईश्वर गलाने दे संदर्भ च लेई लैता। उ’न्न यहूदियें गी गलांदे होई इ’नें पक्तियें च अपने कथन गी स्हेई नेईं कीता अ’ऊं अपने आप गी ईश्वर नेईं मन्नां करना” एह् सच्चें गै साबत करदा ऐ जे ओह् अपने आप गी ईश्वर घोशत करै करदा ऐ अ’ऊं ते ओह् परम पिता परमेश्वर इक गै रूप ऐ”। (जान 10:30) जान 8:58 च इक उदाहरण दिंदा ऐ “अ’ऊं तुसेंगी सच्च दस्सना यीशु जबाब दिंदा ऐ।” अब्रहम शा पैह्लें मेरा जन्म होआ हा, इस ब्यान बाद उ’नें फ्ही पत्थर चुक्की ले यीशु गी मारने आस्तै (जान 8:59) जदूं ओह्दा एह् ब्यान उंदे पूर्व विधान कन्नै टकरांदा ऐ। यहूदी उसी मारने आस्तै पत्थर की चुकदे न । अगर उनेंगी लगदा जे उ’न्न साढ़े ईश्वर दी निंदा नेईं कीती ऐ ते नां गै ईश्वर होना कबूल कीता ऐ।

जान 1:1 गलांदा ऐ “ओह् शब्द ईश्वर हा” जान 1:41 गलांदा ऐ ओह् शब्द बास्तवक ईश्वर दा रूप बनी गेआ” एह् सिद्धे तौर उप्पर शारा करदा ऐ जे ओह् बास्तवक रूप च ईश्वर ऐ। ओह्दा शिश्य थामस घोशना करदा ऐ” यीशु बी इस कथन गी गलत नेईं मनदा ऐ, पोस्टल पाल ने ओह्दे बारे च लिखे दा ” साढ़ा ईश्वर ते तारनहार यीशु गै ऐ” ( टीट्स 1:1) पोस्टल पीटर बी इ’यै गल्ल आखदा ऐ “साढ़ा ईश्वर ते तारनहार यीशु गै ऐ।” (रपीटर 1:1) परम पिता परमेश्वर यीशु दी पहचान कन्नै पूरी चाल्ली बाकफ ऐ, पर अपने पुत्तर बारै गलांदा ऐ” हे ईश्वर, तुं’दा एह् राजसिहंसन सदा आस्तै बनेआ र’वै, ते तुं’दे राज च नेकी म्हेशां असेंगी दंड शा बचांदी र’वै ।

पूर्व-विधान च यीशु दे देवी-देवता होने बारै भविक्ख-वाणी ही, साढ़े आस्तै इक जागत जन्म लैग, साढ़े आस्तै ईश्वर अपना पुत्तर भेजग, पूरी दुनिया गी चलाने दी जिम्मेवारी जेह्दे मुंढे उप्पर होग, जेह्ड़ा इक कुशल सलाहकार ते मार्गदर्शक होग, जेह्दी मैह्मा सारी दुनिया याद रक्खग, जिसी विश्व च शांति बनाने आस्तै शांति दूत दे रूप च मन्नेआ जाह्ग। (इसाह् 9:6)

इस आस्तै जि’यां सी.एस. लीयूस तर्क करदा ऐ- यीशु गी सिर्फ एक अध्यात्मक गुरु दे रूप च मन्नना गै हल नेईं ऐ उ’न्न सिद्धे ते साफ शब्दे च ईश्वर दा रूप होना स्वीकार कीते दा ऐ, अगर ओह् ईश्वर नेईं ऐ तां ओह् पैगंबर नेईं होंदे हई झूठा ते मक्कार ऐ। इस गुत्थी गी सुलझांदे होई आधुनक स्कालर गलांदे न, भूतकाल च यीशु ने ऐसियां केईं गल्लां नेईं हियां आक्खियां जेह्ड़ियां बाईबल ओह्दे बारे च दसदी ऐ। अस इस बारे च तर्क करने आह्ले कु’न आं जे यीशु ने केह् कीता ते केह् आक्खेआ ? इक स्कालर दो ज्हार साल शा चलदी आवा करदी बचारधारा शा बद्ध कि’यां सोची सकदा ऐ जे उ’न्न केह् कीता ते केह् आक्खेआ हा, ओह् ओह्दे बारे च उं’दे शा मता कि’यां जानी सकदा ऐ जेह्ड़े ओह्दे कन्नै रेह् न, उ’नें ओह्दी सेवा कीती ऐ ते जिं’दा यीशु ने आपूं उं’दा मार्गदर्शन कीता हा। (जान 14:26)

यीशु दी पहचान बारे एह् सुआल जरूरी की न? एह्दा केह् अर्थ ऐ जे यीशु ईश्वर ऐ जां नेईं? यीशु दा ईश्वर हाने दा सारे शा बड्डा प्रमाण ऐ जे अगर ओह् ईश्वर नेईं होंदा ओह्दी मृतु साढ़े ते पूरी दुनिया दे पापें दा मुल्ल चकाने आस्तै काफी नेईं होंदी (1 जान 2:2) इन्नी बड्डी कुर्बानी ईश्वर गै देई सकदा ऐ (रोमन 5:8;2 कोरिनथेनस 5:21) यीशु ईश्वर हा कीजे उ’न्न साढ़े पापें दा कर्ज चुकाना हा। ओह् माह्नू रूप च इस आस्तै हा जे उ’न्न मृतु गी प्राप्त करना हा। मोक्ष सिर्फ यीशु च विश्वास ते शरधा बनाइयै गै हासल कीता जाई सकदा ऐ। मोक्ष प्राप्त करने दा एक इ’यै रस्ता ऐ। यीशु ने देवी देवता दे रूप च होने बारे घोशना करदे होई आखदा ऐ “अ’ऊं गै जीवन दा सार ते सच्च आं, कोई बी उस परम पिता परमेश्वर कोल मेरे बगैर नेईं जाई सकदा, उसी पाने दा जरिया इक मात्तर अ’ऊं गै आं” (जान 14:6)



डोगरी दे मुक्ख पन्ने पर बापस जाओ



यीशु मसीहा कु’न ऐ ?