settings icon
share icon
सुआल

केह़ माफी ह़ासल कित्ती? अऊं किय्‍यां परमेसरे थवां माफी पाई सकना?

जवाब


रसुलें दे कम्‍म 13:38 एलान करदा ऐ के, "इस आस्‍ते, ओ भ़्राओ, तुस जानी लेयो के इस्‍से यीशु दे जरिये पापें दी माफी दी खुशखबरी तुसेंगी दित्ती जंदी ऐ।"

माफी केह़ ऐ ते मिगी इदी लोड़ कीं ऐ?

शब्‍द "माफी" दा मतलब तख्‍ती गी पूंजिये साफ करना, माफ करना, उध्दार गी रद या सतकार नेई दित्ता जाना। जेकर अस कुसे दे खलाफ किश गल्‍त करने आं तां अस उदे कशा माफी मंगने दा जतन करने आं। तांजे साढ़े रिश्‍ते फी बनी जान। माफी तां करी नेई दित्ती जंदी के कोई मानू माफी ह़ासल करने दे काबल ऐ। कोई बी मानू माफी पाने दे काबल नेई ऐ। माफी इरख, दया ते अनुग्रह दा इक कम्‍म ऐ। माफी दूए मानूए दे खलाफ किश बी पकड़ी रखने दे प्रति इक फैसला ऐ, पांए उन्‍ने तुंदे प्रति किश बी कीं नेई कित्ता ह़ोए।

बाइबल असेंगी दसदी ऐ के असें सारें गी परमेसरे शा माफी ह़ासल करने दी लोड़ ऐ। असें सारें पाप कित्ता ऐ। सभोपदेशक 7:20 एलान करदा ऐ के, बेशक ध़रती उप्‍पर कोई नेह़ा ध़रमी मानू नेई ऐ जेका भ़लाई गै करे ते जिदे शा पाप नेई ह़ोदा ह़ोए।" 1यूहन्‍ना 1:8 ग्‍लांदा ऐ, "जेकर अस ग्‍लाचे के साढ़े च कोई पाप नेई, ता अस अपने आप गी धोखा दिन्‍ने, ते साढ़े च सच नेई ऐ।" सारे पाप आखरकर कर परमेसरे दे खलाफ विद्रोह़ दा इक कम्‍म ऐ (भ़जन संहिता 51:4)। नतीजा, असेंगी परमेसरे दी माफी दी लोड़ जरूरत कशा बी जादा ह़ुंदी ऐ। जेकर साढ़े पाप माफ नेई ह़ोए, ता अस म्‍ह़ेशा आस्‍ते अपने पापें दे नतीजें दा दुख भ़ोगदे रौगे। (मत्ती 25:46, यूहन्‍ना 3:36)।

माफी - एह मिगी किय्‍यां थोह़ई सकदी ऐ?

ध़नवाद दी गल्‍ल एह़ ऐ के, परमेसर प्रेमी ते दयालु - असेंगी साढ़े पापें गी माप करने आस्‍ते झ़ट त्‍यार ऐ! 2 पतरस 3:9 असेंगी दसदा ऐ के, "… पर तुंदे आस्‍ते सबर रखदा ऐ, ते नेई चाहंदा के कोई नाश ह़ोए बल्‍कि एह़ के सारें गी मन फेरने दा मौका थोह़ए।" परमेसर असेंगी माफ करने दी इखी रखदा ऐ, इस आस्‍ते उन्‍ने साढ़े आस्‍ते माफी दा इंतजाम कित्ता ऐ।

साढ़े पापें दी सजा ता सिरफ मौत गै ऐ। रोमियो 6:23 दा शुरुआती ह़िस्‍सा दसदा ऐ के, "किजे पाप दी मजदूरी ता मौत ऐ…" म्‍ह़ेशा मौत गै ओह़ ऐ जिसी असें अपने पापें आस्‍ते सौंपे दा ऐ।" परमेसर, अपनी पूरी योजना दे मताबक, मानू, यीशु मसीह (यूहन्‍ना 1:1-14) बनेया। यीशु क्रूस उप्‍पर, उस सजा गी लेंदे ह़ोए मरेया जिदे ह़कदार अस हे यानिके - मौत। 2कुरिन्‍थियों 5:51 असेंगी सखांदा ऐ के, "जेका पापें शा अनजान हा, उसी गै उन्‍ने साढ़े आस्‍ते पापी ठह़राया यानिके अस उदे चा ह़ोईये ध़रमी बनी जाचे।" यीशु क्रूस उप्‍पर उस सजा गी लेंदे ह़ोए मरे जिदे ह़कदार अस हे। परमेसरे दे रूप च, यीशु दी मौत ने सारी दुनिया दे पापें दी माफी दा इंतजाम कित्ता। 1 यूहन्‍ना 2:2 एलान करदा ऐ, "उए साढ़े पापें दी तौबा ऐ, ते सिरफ साढ़े गै नेई, सारी दुनिया दे पापें दा बी।" यीशु मुरदें चा, पाप ते मौत उप्‍पर अपनी जीत दा एलान करदे ह़ोऐ जिंदा ह़ोई गेया (1कुरिन्‍थियों 15:1-28)। परमेसरे दी स्‍तूति ह़ोए, यीशु दी मौत थवां फी जिंदा ह़ोने दे जरिये, रोमियों 6:23 दा दुआ ह़िस्‍सा सच ह़ोई गेया, …"पर परमेसरे दा बरदान साढ़े प्रभु यीशु च अमर जीवन ऐ।"

केह़ तुस अपने पापें दी माफी चाह़ंदे ओ? के तुस जुरम कराने आलें ख्‍यालें कन्‍ने भ़रोचे दे ओ के तुस छुटकारा नेई पाई सकदे? तुंदे पापें दी माफी आस्‍ते माफी दा इंतजाम ऐ जेकर तुस मुक्‍तिदाता दे रूप च प्रभु यीशु मसीह उप्‍पर अपने विश्‍वास गी रखदे ओ। इफसियों 1:7 ग्‍लांदा ऐ के, "असेंगी उदे च उदे लहू कन्‍ने छुटकारा, यानिके पापें दी माफी उदे उस अनुग्रह दी दौलत कन्‍ने थोह़या ऐ।" यीशु ने साढ़े आस्‍ते साढ़ा कर्जा चुकाया, किजे अस माफी पाई सकचे। तुसें बस इन्‍ना गै करना ऐ के तुस परमेसरे शा विश्‍वास करदे ह़ोए एह़ अर्ज करो के ओह़ तुसेंगी यीशु दे जरिये माफी देन किजे यीशु साढ़े पापें दी कीमत चुकाने आस्‍ते मरेया - ते ओह़ तुसेंगी माफ करी ओड़ग! यूहन्‍ना 3:16-17 च एह शैल संदेश थोह़ंदा ऐ के, "परमेसरे दुनिया कन्‍ने इन्‍ना इरख कित्ता के उनें अपना इक्‍कै-इक्‍क पुत्तर भ़ेजी ओड़ेया, तांजे जेका बी उदे उप्‍पर विश्‍वास करे ओह़ गर्क नेई ह़ोए बल्‍कि म्‍ह़ेशा दा जीवन ह़ासल करे। परमेसरे अपने पुत्तरे गी दुनिया च इस आस्‍ते नेई भ़ेज्‍जेया के सजा दा ह़ुकम देयै, बल्‍कि इस आस्‍ते के दुनिया उदे जरिये उध्दार गी ह़ासल करे।"

माफी - केह़ एह़ ह़ासल करना असल च इन्‍ना सौखा ऐ?

ह़ाँ, एह़ इन्‍ना सौखा ऐ! तुस परमेसरे थवां माफी गी कमाई नेई सकदे। तुस परमेसरे दे जरिये दित्ती गेदी माफी दा मुल्‍ल चुकाई नेई सकदे। तुस इसी सिरफ विश्‍वास दे जरिये, परमेसरे दे अनुग्रह ते दया दे जरिये ह़ासल करी सकदे ओ। जेकर तुस यीशु मसीह गी मुक्‍तिदाता दे रूप च अपनाना चांह़दे ओ, तां इत्‍थे इक आसान पराथना दित्ती गेदी ऐ जिसी तुस करी सकदे ओ। इस पराथना या कोई ह़ोर पराथना दा बोलना तुसेंगी बचाई नेई सकदा। सिरफ यीशु च विश्‍वास गै तुसेंगी बचाई सकदा ऐ। एह पराथना उदे अपने विश्‍वास गी दस्‍सने ते अपने आस्‍ते उध्दार दा इंतजाम करने आस्‍ते ध़नवाद करने दा इक तरीका ऐ। "हे, परमेसर, मिगी पता ऐ के मैं तुंदे खलाफ पाप कित्ता ऐ, ते अऊं सजा दा ह़कदार ऐं। पर यीशु मसीह ने उस सजा गी अपने उप्‍पर लेई लेत्ता, जिदा ह़कदार अऊं हा किजे उदे उप्‍पर विश्‍वास करने दे जरिये मिगी माफ करी दित्ता जा। अऊं उध्दार आस्‍ते अपने विश्‍वास गी तुंदे उप्‍पर रखना। तुंदे अनोखे अनुग्रह ते माफी - जेका अमर जीवने दा तोह़फा ऐ, आस्‍ते अऊं तुंदा शुकर करना! आमीन।"

किजे जे किश तुसें इत्‍थे पढ़ेया ऐ उदी बजह़ कन्‍ने केह़ तुसें मसीह दे पिछे चलने दा फैसला लेत्ता ऐ? जेकर इंय्‍यां ऐ तां मेह़रबानी करीये ह़ठ दित्ते दे "मैं अज यीशु गी अपनाई लेत्ता ऐ" आले बटन गी दबाओ।

English



डोगरी दे मुख सफे उप्‍पर बापस जाओ

केह़ माफी ह़ासल कित्ती? अऊं किय्‍यां परमेसरे थवां माफी पाई सकना?
© Copyright Got Questions Ministries