Ի՞նչ ասել է «քրիստոնեայ»:



Հարց. Ի՞նչ ասել է «քրիստոնեայ»:

Պատասխան.
«Քրիստոնեայ» բառի բառարանային բացատրութիւնն է՝ «Յիսուսին որպէս Քրիստոս դաւանող կամ Յիսուսի ուսուցման վրայ հիմնուած կրօնի հետեւորդ»: Որպէս մեկնակէտ՝ ճիշտ բնորոշում է, ինպէս բառարանային գրեթէ բոլոր սահմանումները, բայց այս բացատրութիւնը թերի է եւ լիովին չի տալիս աստուածաշնչային ճշմարտութիւնը, թէ ինչ ասել է «քրիստոնեայ»: Այս բառը երեք անգամ է հանդիպում Նոր Կտակարանում (Գործք 11.26; 26.28, Ա Պետր. 4.16): Յիսուս Քրիստոսի հետեւորդները առաջին անգամ «քրիստոնեայ» կոչուեցին Անիտիոքում (Գործք 11.26), որովհետեւ նրանց վարքը, խօսքն ու գործը նման էին Քրիստոսին: «Քրիստոնեայ» բառը բառացի նշանակում է «Քրիստոսի կրօնին պատկանող» կամ «Քրիստոսի հետեւորդ»:

Ժամանակի ընթացքում «քրիստոնեայ» բառը, դժբախտաբար, մեծապէս կորցրել է իր նշանակութիւնը եւ յաճախ գործածւում է մի մարդու համար, ով կրօնասէր է կամ բարոյական բարձր արժէքների տէր է, անկախ նրանից՝ Յիսուս Քրիստոսի ճշմարիտ հետեւորդ է թէ ոչ: Շատ շատերը, որոնք չեն հաւատում Յիսուս Քրիստոսին եւ չեն ապաւինում Նրան, իրենց քրիստոնեայ են համարում սոսկ նրա համար, որ եկեղեցի են գնում կամ «քրիստոնեայ» երկրում են ապրում: Բայց եկեղեցի յաճախելը, քեզնից աւելի վատ վիճակում եղողներին օգնելը կամ բարի մարդ լինելը քեզ քրիստոնեայ չեն դարձնում: Եկեղեցի գնալով քրիստոնեայ չես դառնայ, ինչպէս որ աւտոտնակ մտնելով մեքենայ չես դառնայ»: Եթէ եկեղեցու անդամ ես, պարբերաբար յաճախում ես պաշտամունքներին եւ նիւթապէս օժանդակում ես նրա գործունէութեանը, սա դեռ չի նշանակում, որ քրիստոնեայ ես:

Աստուածաշունչը սովորեցնում է, որ մեր բարի գործերը չեն կարող մեզ ընդունելի անել Աստուծոյ առաջ: Տիտոս 3.5-ը ասում է. «Ոչ թէ արդարութեան գործերից, որ մենք արեցինք, այլ իր ողորմութեան համաձայն փրկեց մեզ՝ կրկին ծնուելու աւազանով եւ Սուրբ Հոգու նորոգութեամբ»: Ուրեմն քրիստոնեան նա է, ով վերստին ծնուած է Աստծուց (Յովհ. 3.3, 7, Ա Պետր. 1.23) եւ իր հաւատն ու վստահութիւնը խարսխում է Յիսուս Քրիստոսի մէջ: Եփեսացիս 2.8-ում ասում է. «Որովհետեւ շնորհով էք փրկուած հաւատքի միջոցով, եւ սա ոչ թէ ձեզնից է, հապա Աստուծոյ պարգեւն է»:

Ճշմարիտ քրիստոնեան նա է, ում հաւատն ու վստահութիւնը Յիսուս Քրիստոսի անձի ու գործերի մէջ է, ներառեալ՝ խաչի վրա Յիսուսի մահը, որպէս հատուցումը մեր մեղքերի, եւ Նրա յարութիւնը մահից յետոյ երրորդ օրը: Յովհաննէս 1.12-ն ասում է. «Բայց ովքեր Նրան ընդունեցին, նրանց, որ հաւատում են Իր մահուանը, իշխանութիւն տուեց Աստուծոյ զաւակներ լինելու»: Ճշմարիտ քրիստոնեայի նշանը սէրն է այլոց հանդէպ եւ հնազանդութիւնն է Աստուծոյ Խօսքին (Ա Յովհ. 2.4, 10): Ճշմարիտ քրիստոնեան յիրաւի Աստուծոյ զաւակ է, անդամը Աստուծոյ ճշմարիտ ընտանիքի, նա, ով նոր կեանք է առել Յիսուս Քրիստոսում:

Քրիստոսին դառնալու վճիռդ այս էջը կարդալու պատճառո՞վ է: Եթէ այո՝ սեղմիր «Այսօր ընդունեցի Քրիստոսին» կոճակը ստորեւ:



Վերադառնալ հայերէն սկզբնաէջ


Ի՞նչ ասել է «քրիստոնեայ»: