کلیسیا کیا ہے؟



سوال: کلیسیا کیا ہے؟

جواب:
بہت سے لوگ کلیسیا کو ایک عمارت بطور سمجھتے ہیں۔ کلیسیا کے لئے بائبل کی یہ بنیادی سمجھ نہیں ہے "کلیسیا" کا لفظ یونانی زبان کے (اکلیسیا) لفظ سے لیا گیا ہے جس کا مطلب ہے "ایک مجلس یا سبھا" یا پھر "بلائے گئے لوگ"۔ "کلیسیا" کا گہرا مطلب کسی خاص عمارت سے نہیں بلکہ لوگوں کی ایک خاص جماعت سے ہے۔ طنززیہ طور پر جب آپ لوگوں سے پوچھتے ہیں کہ آپ کونسی کلیسیا میں جاتے ہیں تو وہ عام طور سے یاک عمارت کی پہچان بتاتے ہیں۔ رومیوں 16:5 کہتاہے "اور اس کلیسیا سے بھی سلام کہو جو ان کے گھر میں ہے" پولس ایک کلیسیا کا حوالہ دیتا ہے جو فلاں گھر میں تھا۔ نہ کہ کلیسیا کی ایک عمارت بلکہ ایمانداروں کا ایک بدن۔

کلیسیا مسیح کا بدن ہے جس کا وہ سر ہے۔ افسیوں 23 – 1:22 کہتا ہے "اور سب کچھ اس کے پاؤں کے تلے کر دیا اور اس کو سب چیزوں کا سردار بنا کر کلیسیا کو دے دیا۔ یہ اس کا بدن ہے اور اسی کی معموری جو ہر طرح سے سب کا معمور کرنے والا ہے"۔ مسیح کا بدن مسیح یسوع میں پنتکست کے دن سے لے کے تمام ایماندروں کے ذریعہ بنایا گیا ہے (اعمال کی کتاب 2 باب) جب تک کہ مسیح کی دوسری آمد نہ ہو۔ مسیح کابدن دو طرح کے تصورات پر مشتمل ہے:

1) عالمگیر کلیسیا ان تمام لوگوں پر مشتمل ہے جن کا شخصی رشتہ یسوع مسیح کے ساتھ جڑا ہوا ہے۔ "کیونکہ ہم سب نے خواہ یہودی ہوں خواہ یونانی خواہ غلام خواہ آزاد۔ ایک ہی روح کے وسیلہ سے ایک بدن ہونے کے لئے بپتسمہ لیا۔ اور ہم سب کو ایک ہی روح پلایا گیا"(1 کرنتھیوں 12:13)۔ یہ آیت بتاتی ہے کہ کوئی بھی شخص جو مسیح یسوع پرایمان رکھتا ہے وہ مسیح کے بدن سے تعلق رکھتاہے اور ثبوت بطور مسیح کا روح حاصل کیاہے۔ خداکی عالمگیر کلیسیا میں وہ سب لوگ شامل ہیں جنہوں نے یسوع مسیح پرایمان لانے کے وسیلہ سے نجات حاصل کیا ہے۔

2) مقامی کلیسیا کو گلیتوں 2- 1:1 میں بیان کیا گیا ہے: "پولس کی طرف سے ۔۔۔ اور سب بھائیوں کی طرف سے جو میرے ساتھ ہیں گلتیہ کی کلیسیاؤں کو"۔ یہاں ہم دیکھتے ہیں کہ گلتیہ کے صوبہ میں کئی ایک کلیسیائیں ہیں جنہیں ہم مقامی کلیسیائیں کہتے ہیں۔ بیپٹسٹ کلیسیا، لوتھرن کلیسیا۔ کیتھولک کلیسیا وغیرہ وغیرہ۔ یہ وہ کلیسیا نہیں جو عالمگیر کلیسیا ہے بلکہ یہ ایک مقامی کلیسیا ہے، مقامی ایمانداروں کا بدن ہے۔ عالمگیر کلیسیا دنیا کے ان تمام لوگوں پر مشتمل ہے جو مسیح سے تعلق رکھتے اور نجات کے لئے اس پر بھروسہ کئے ہوئے ہیں۔ عالمگیر کلیسیا کے ان ارکان کو ایک رفاقت کی تلاش کرنی ہوتی ہے اور ایک مقامی کلیسیا میں اپنی پہچان بنانی ہوتی ہے۔

مختصر طور سے کلیسیا ایک عمارت نہیں ہے یا ایک فرقہ نہیں ہے۔ بائبل کے مطابق کلیسیا مسیح کا بدن ہے یعنی وہ لوگ جو نجات کے لئے یسوع مسیح پرایمان لائے ہوئے ہیں (یوحنا 3:16؛ 1 کرنتھیوں 12:13)۔ مقامی کلیسیائیں عالم گیر کلیسیا کا ایک حصہ ہے جس میں اس کے کئی ایک ارکان مسیح کے نام سے جمع ہوتے ہیں۔ مقامی کلیسیا وہ مقام ہے جہاں عالم گیر کلیسیا پوری طرح سے 1 کرنتھیوں 12 باب کے "مسیح کا بدن" کے اصولوں کو سر گرمیوں کے ساتھ استعمال کرتے ہیں: جیسے ایک دوسرے کی حوصلہ افزائی کرنا، ایک دوسرے کو سکھانا اور خداوند یسوع مسیح کی علم کی پہچان اور اس کے فضل میں ایک دوسرے کے ساتھ تعمیر ہوتے جانا ہے۔



اردو ہوم پیج میں واپسی



کلیسیا کیا ہے؟