روح میں چلنے کا کیا مطلب ہے؟



سوال: روح میں چلنے کا کیا مطلب ہے؟

جواب:
مسیح کا روح ایمانداروں کے اندر جلال کی اُمید ہے (کُلسیوں۲۷:۱)۔ جو لوگ روح میں چلتے ہیں وہ روزانہ، لمحہ بہ لمحہ اِس کا اظہار کرتےہیں۔ اِس کا اظہار دانستہ طور پر رو ح القدس پر ایمان لانے، بھروسہ کرنے سے ہوتا ہے کہ وہ ہمارے خیالوں، الفاظ، اور اعمال میں رہمنائی کرے (رومیوں۱۱:۶۔۱۴)۔ روح القدس کی رہمنائی پر بھروسہ کرنے میں ناکامی کا نتیجہ ایک ایماندار کی زندگی میں نجات کے فراہم کردہ رُتبہ اور بُلاہٹ کی توقعات پر پورا نہ اُترنا ہو گا (افسیوں۱:۴؛فلپیوں۲۷:۱؛۱۔یوحنا۳:۳)۔ اگر ہمارے زندگیوں میں سے روح کے پھل محبت، خوشی، اطمینان، تحمل، مہربانی، نیکی، ایمانداری، حلم اور پرہیزگاری ظاہر ہو رہے ہیں، تو ہم جان سکتے ہیں کہ ہم روح میں چل رہے ہیں (گلتیوں۲۲:۵۔۲۳)۔ روح القدس سے معمور ہونا (روح میں چلنا)ایسے ہی ہے جیسے مسیح کے کلام (بائبل) کو کثرت سے اپنے دلوں میں بسنے کی اجازت دینا (کُلسیوں۱۶:۳)۔

نتیجہ شکرگزاری، گیت مزامیر اور روحانی غزلیں گانا ، اور خوشی ہے (افسیوں۱۸:۵۔۲۰؛کُلسیوں۱۶:۳)۔ خُدا کے فرزندوں کی رہنمائی خُدا کا روح کرے گا (رومیوں۱۴:۸)۔ جب مسیحی روح میں نہیں چلتے اور گناہ کرکے روح کو رنجیدہ کرتے ہیں، تو بحالی صرف گناہ کے اعتراف اور توبہ سے ہی آتی ہے (افسیوں۳۰:۴؛۱۔یوحنا۹:۱)۔ "روح میں چلنا" روح القدس کی رہنمائی کی پیروی کرنا ہے۔ روح میں چلنا، روح القدس کو دعوت دینا ہے کہ وہ آپ کے قدموں کی رہنمائی کرے اور آپ کے ذہن مضبوط کرے۔ خلاصہ یہ ہے کہ جیسے ہم نے ایمان سے مسیح کو حاصل کیا ہے، وہ بھی ایمان سے مطالبہ کرتا ہے کہ ہم اُس کے ساتھ چلیں، جب تک ہم آسمان پر نہیں جاتے اور اپنے آقا کو یہ کہتے نہیں سُنتے "شاباش، بہت خوب" ہمیں اُس کے ساتھ چلتے رہنا چاہیے۔ (کُلسیوں۵:۲؛متی۲۳:۲۵)۔

English



اردو ہوم پیج میں واپسی



روح میں چلنے کا کیا مطلب ہے؟