سرافیم کیا ہیں؟ کیا سرافیم فرشتے ہیں؟


سوال: سرافیم کیا ہیں؟ کیا سرافیم فرشتے ہیں؟

جواب:
سرافیم (شعلہ فشاں، جلنے والے) خُدا کی ہیکل میں یسعیاہ بنی کی اُس رویا سے منسلک فرشتے ہیں جب خُدا نے اُسے خدمت کے لئے بُلایا (یسعیاہ 7-1:6)۔ یسعیاہ 4-2:6 بیان کرتی ہے، "اُس کے آس پاس سرافیم کھڑے تھے جن میں سے ہر ایک کے چھ بازوتھے اور ہر ایک دو سے اپنا مُنہ ڈھانپے تھا ور دو سے پاؤں اور دو سے اُڑتا تھا۔ اور ایک نے دُوسرے کو پُکارا اور کہا قدوس قدوس قدوس رب الافواج ہے۔ ساری زمین اُس کے جلال سے معمور ہے۔ اور پُکارنے والے کی آواز کے زور سے آستانوں کی بُنیادیں ہِل گئیں اور مکان دُھوئیں سے بھر گیا"۔ سرافیم وہ فرشتے ہیں جو مسلسل خُدا کی پرستش کرتے رہتے ہیں۔

یسعیاہ باب 6بائبل مقدس میں واحد جگہ ہے جہاں سرافیم کا ذکر ملتا ہے۔ ہر ایک کے چھ پر ہیں۔ دو سے وہ اُڑتے ہیں، دو سے اپنے پاؤں ڈھانپتے ہیں، اور دو سے اپنے چہرے ڈھانپتے ہیں (یسعیاہ 2:6)۔ سرافیم اُس تخت کے پاس اُڑتے ہیں جس پر خُدا تخت نشین ہے، جونہی وہ خُدا کی خاص عظمت اور شان و شوکت پر غور کرتے ہیں تو اُس کی بزرگی بیان کرتے ہیں۔ جب یسعیاہ نے اپنی خدمت کا آغاز کیا تو اِن مخلوقات نے اُس کی پاکیزگی کے ایجنٹ کے طور پر ظاہری طور پر خدمت کی۔ ایک نے جلتا ہوا کوئلہ یسعیاہ کے ہونٹوں پر یہ کہتے ہوئے رکھا کہ "دیکھ اِس نے تیرے لبوں کو چھُوا۔ پس تیری بدکرداری دُور ہوئی اور تیرے گناہ کا کفارہ ہو گیا" (یسعیاہ 7:6)۔ مقدس فرشتوں کی دوسری اقسام کی طرح سرافیم بھی مکمل طور پر خُدا کے فرمانبردار ہیں۔ کرُوبیوں کی طرح سرافیم بھی خاص طور پر خُدا کی پرستش پر توجہ مرکوز کرتے ہیں۔

English
اردو ہوم پیج میں واپسی
سرافیم کیا ہیں؟ کیا سرافیم فرشتے ہیں؟