چہل قدمی کی دُعا کیا ہے؟ کیا چہل قدمی کی دُعا بائبل کے مطابق ہے؟


سوال: چہل قدمی کی دُعا کیا ہے؟ کیا چہل قدمی کی دُعا بائبل کے مطابق ہے؟

جواب:
چہل قدمی کی دُعا کسی جگہ پر دُعا کرنے کا ایک طریقہ کار ہے، یہ شفاعتی دُعا کی ایک قسم ہے جس میں کسی مخصوص جگہ پر یا اُس کے نزدیک دُعا کرتے چلنا شامل ہے۔ بعض لوگوں کا ایمان ہے کہ کسی جگہ کے قریب ہونے سے اُنہیں "جتنی قریب دُعا اُتنی واضح دُعا " کی اجازت مل جاتی ہے۔ چہل قدمی کی دُعا انفرادی طور پر، گروہوں میں، اور یہاں تک کہ ساری کلیسیاؤں کے طور پر بھی ہو سکتی ہے۔ اُن کا چلنا ایک بلاک تک یا میلوں تک بھی ہو سکتا ہے۔ حواسِ خمسہ دیکھنے، سُننے، سونگنے، چکھنے، اور چھونے کے حواس کے استعمال کا نظریہ شفاعت کُنندہ کی دُعا کی ضرورت کی سمجھ بوجھ کو بڑھانا ہے۔

مثال کے طور پر، اگر آپ اپنے پڑوس سے اُن چیزوں کی تلاش کے لئے چلتے ہیں جن کے بارے میں آپ نے دُعا کرنی ہے، تو شاید آپ ایک گز ہی چلیں جو انتہائی بے ترتیب اور اُلٹ پُلٹ ہو۔ ہو سکتا ہے یہی منظر آپ کو تحریک دے کہ آپ اندر رہنے والوں کی جسمانی اور روحانی صحت کے لئے دُعا کرنا شروع کر دیں۔ سکول کے چوگرد بعض گروہوں کی چہل قدمی کی دُعا اُنہیں آمادہ کر سکتی ہے کہ وہ اندر موجود اساتذہ اور طُلبہ کی محافظت اور سلامتی ، اور سکول میں ابلیس کے منصوبوں کی ناکامی کے لئے دُعا کریں۔ بعض لوگ سمجھتے ہیں کہ وہ اُن لوگوں اور مقامات کے قریب چلتے ہوئے زیادہ موثر طور پر اپنی دُعا کو بہتر بنا سکتے اور اُن پر توجہ مرکوز کر سکتے ہیں جن کے لئے وہ دُعا کر رہے ہیں۔

چہل قدمی کی دُعا نسبتاً ایک نیا عجوبہ ہے جس کی ابتدا واضح نہیں ہے۔ چہل قدمی کی دُعا کے لئے بائبل میں کوئی مثال نہیں ملتی، اگرچہ پیدل چلنا بائبل کے دور میں نقل و حرکت کا ایک اہم طریقہ کار تھا، اِس لئے لوگ چلتے چلتے دُعا کرتے ہوں گے۔ تاہم براہ راست کوئی حکم نہیں تھا کہ چہل قدمی کی دُعا لازمی ہے۔ یہ ایمان رکھنا کتاب مقدس کے مطابق نہیں ہے کہ کسی مخصوص ترتیب یا کسی مخصوص انداز میں دُعا کرنا کسی اور وقت پر یا کسی اور انداز میں دُعا کرنے سے زیادہ موثر ہوتا ہے۔ اِس کے علاوہ، جب ہم یہ سمجھ سکتے ہیں کہ زیادہ واضح دُعا کے لئے ہمیں کسی جگہ کے قریب یا کسی مخصوص حالت میں دُعا کرنا ضروری ہے،ہمیں یہ بھی سمجھنا چاہیے کہ ہمارا آسمانی باپ جو ہر وقت ہر جگہ پر ہے جانتا ہے کہ ہماری ضروریات کیا ہیں اور وہ اپنی کامل مرضی سے درُست وقت پر ہماری دُعاؤں کا جواب دے گا۔ یہ حقیقت کہ وہ ہمیں ہماری دُعاؤں کے وسیلہ سے اپنے منصوبوں کا حصہ بننے کی اجازت دیتا ہےہمارے فائدے کے لئے ہے نہ کہ اُس کے فائدے کے لئے ۔

ہمیں "بلا ناغہ دُعا" کرنے کا حکم دیا گیا ہے (1 تھسلُنیکیوں باب 5 آیت 17)، اور چونکہ چلنا پھرنا ایسی چیز ہے جو ہم روزانہ کرتے ہیں، اِس لئے یقینی طور پر بلاناغہ دُعا کرنے کا حصہ چہل قدمی کی دُعا بھی ہے۔ خُدا وہ تمام دُعائیں سُنتا ہے جو وقت، جگہ، یا انداز کے باوجود بھی مسیح میں کی جاتی ہیں (یوحنا باب 15 آیت 7)۔ اِس کے ساتھ ہی یقینی طور پر ایسا کوئی حکم بھی نہیں ہے جو چہل قدمی کی دُعا کے خلاف ہو، اور جو باتیں ہمیں دُعا کرنے کی تحریک دیتی ہیں اُس کے بارے میں قابلِ غور ہو۔

English
اردو ہوم پیج میں واپسی
چہل قدمی کی دُعا کیا ہے؟ کیا چہل قدمی کی دُعا بائبل کے مطابق ہے؟