یسوع کے نام سے دعا کرنے کے کیا معنے ہیں؟



سوال: یسوع کے نام سے دعا کرنے کے کیا معنے ہیں؟

جواب:
یسوع کے نام سے دعا کرنے کے لئے۔یوحنا14- 14:13 میں ہمیں سکھایا گیا ہے جہاں اس طرح کہا گیا ہے کہ "اور جو کچھ تم میرے نام چاہوگے میں وہی کرونگا تاکہ باپ بیٹے میں جلال پائے۔ ا گر میرے نام سے مجھ سے کچھ چاہوگے تو میں وہی کرونگا"۔ کچھ لوگ اس آیت کا غلط استعمال کرتے ہیں یہ سوچتے ہوہئے کہ دعا کر آخر میں "یسوع کے نام سے" کہنا خدا کو مجبور کریگا کہ جو کچھ مانگا گیا وہ ہمیشہ مل جائیگا۔ مگر ایسا نہیں ہے۔ جو ایسا کرتے ہیں ان کے لئے یہ الفاظ "یسوع کے نام سے" ایک جادوئی نسخہ بطور ناجائز خاطر ہے۔ یہ سراسر بائیبل کے اصول کے خلاف ہے۔

یسوع کے نام سے دعا کرنے کا مطلب ہے اس اختیار سے دعا کرنا اور خدا باپ سے مانگنا کہ ہماری دعاؤں کو عملی جامہ پہنائے کیونکہ ہم اس کے بیٹے یسوع کے نام سے حاضر ہوتے ہیں۔ یسوع کے نام سے دعا کرنا وہی بات ہے جیسے خدا کی مرضی کے مطابق دعا کرنا۔ "جیسے کلام میں لکھا ہے کہ " ہمیں جو اس کے سامنے دلیری ہے اس کا سبب یہ ہے کہ اگر اس کی مرضی کےموافق کچھ مانگتے ہیں تو وہ ہماری سنتا ہے۔ اور جب ہم جانتے ہیں کہ جو کچھ ہم مانگتے ہیں تو وہ ہماری سنتا ہے تو یہ بھی جانتے ہیں کہ جو کچھ ہم نے اس سے مانگا ہے وہ پایاہے" 1 یوحنا15- 5:14)۔ یسوع کے نام سے دعا کرنا مانو ان چیزوں کے لئے دعا کرنا جس سے یسوع کے نام کو عزت اور جلال ملے۔

دعا کے آخر میں "یسوع کے نام سے" کہنا یہ کوئی جادوئی نسخہ نہیں ہے۔ جو چیز ہم مانگتے ہیں یا دعا میں کہتے ہیں اگر وہ خدا کی مرضی کے مطابق، خدا کو جلال دینے کے لئے نہ ہوتو "یسوع کے نام سے" کہنا بے معنی ثابت ہوگا۔ سچ مچ یسوع کے نام سے اس کے نام کے جلال کے لئے دعا کرنا ہی ایک اہم بات ہے نہ کہ کچھ الفاظ اس میں جوڑ دینا۔ دعا میں جو الفاظ بولے جاتے ہیں وہ اتنا معنی نہیں رکھتا جتنا کہ دعا کے پیچھے اس کا مصقد ہوتا ہے۔ ان باتوں کے لئے دعا کرنا جو خدا کی مرضی کے ساتھ منظور رہے وہی یسوع کے نام سے دعا کرنے کا جوہر یا ماھیت رکھتا ہے۔



اردو ہوم پیج میں واپسی



یسوع کے نام سے دعا کرنے کے کیا معنے ہیں؟