صبر کے بارے میں بائبل کیا فرماتی ہے؟


سوال: صبر کے بارے میں بائبل کیا فرماتی ہے؟

جواب:
جب سب کچھ ہمارے طریقے سے چل رہا ہو، تو صبر کا مظاہرہ کرنا آسان ہے۔ صبر کا حقیقی امتحان اُس وقت ہوتا ہے جب ہمارے حقوق کو نقصان پہنچایا جاتا ہے، جب کوئی کار ہمیں ٹریفک میں پھنسا دیتی ہے، جب ہمارے ساتھ ناروا سلوک کیا جاتا ہے، جب ہمارے ساتھ کام کرنے والا ہمارے ایمان کا تمسخر اُڑاتا ہے۔ کچھ لوگ سوچتے ہیں کہ طیش اور مصائب کی صورت میں اُنہیں پریشان ہونے کا حق ہے۔ بے صبری مقدس غصے جیسی محسوس ہوتی ہے۔ تاہم بائبل صبر کی تعریف روح کے پھل کے طور پر کرتی ہے (گلتیوں باب 5 آیت 22) جو مسیح کے تمام پیروکاروں کو پیدا کرنے چاہیے (پہلا تھِسلُنیکیوں باب 5 آیت 14)۔ صبر خُدا کے وقت، کامل قدرت، اور محبت پر ہمارے ایمان کو ظاہر کرتا ہے۔

اگرچہ زیادہ تر لوگ صبر کے مجہول مُنتظر یا عالی رواداری ہونے پر غور کرتے ہیں، لیکن نئے عہد نامہ میں لفظ "صبر" کے لئے بہت سے یونانی الفاظ موثر، اور مضبوط الفاظ ہیں۔ مثال کے طور پر عبرانیوں باب 12 پہلی آیت پر غور کریں، "پس جب کہ گواہوں کا ایسا بڑا بادل ہمیں گھیرے ہوئے ہے تو آؤ ہم بھی ہر ایک بوجھ اور اُس گناہ کو جو ہمیں آسانی سے اُلجھا لیتا ہے دُور کر کے اُس دوڑ میں صبر سے دوڑیں جو ہمیں درپیش ہے"۔ کیا کوئی شخص مجہول انتظار سے پُرانے خیالوں یا شرافت سے تکلیف دہ دھوکوں کے لئے دوڑ دوڑ تا ہے ؟ بالکل نہیں!اِس آیت میں جِس لفظ کا ترجمہ "صبر" کیا گیا ہے اُس کے معنی "برداشت کرنے" کے ہیں۔ایک شخص مشکلات سےبچتے ہوئے صبر کے ساتھ دوڑ دوڑتا ہے۔ بائبل میں صبر منزل ، مستقل مقابلوں، یا اُمیدورانہ انتظار کے وعدے کے پورے ہونے کے لئے ثابت قدمی ہے۔

صبر راتوں رات پیدا نہیں ہوتا۔ صبر کے فروغ کے لئے خُدا کی قدرت اور بھلائی نہایت اہم ہیں۔ کُلسیوں پہلا باب آیت 11 ہمیں بتاتی ہے کہ ہمیں "عظیم صبر اور تحمل" کے لئے خُدا کی طرف سے قوت سے قوی کیا جاتا ہے، جبکہ یعقوب پہلا باب آیات 3تا 4 حوصلہ افزائی کرتی ہیں کہ آزمائشیں ہمارے صبر کو کامل کرنے کے لئے خُدا کا ایک طریقہ ہے۔ ہمارا صبر خُدا کی کامل مرضی اور وقت پر بھروسہ کرنے سے مزید فروغ اور قوت پاتا ہے، یہاں تک کہ بُرے آدمیوں کا مقابلہ کرتے ہوئے بھی جو "اپنی راہ میں کامیاب ہوتا اور بُرے منصوبوں کو انجام دیتا ہے " (زبور 37 آیت 7)۔ ہمارے صبر کا اجر آخر پر دیا جاتا ہے "کیونکہ خُداوند کی آمد نزدیک ہے" (یعقوب باب 5 آیات 7تا 8)۔ "خُداوند اُس پر مہربان ہے جو اُس کے مُنتظر ہیں۔ اُس جان پر جو اُس کی طالب ہے" (نوحہ باب 3 آیت 25)۔

ہم بائبل میں اُن لوگوں کی بہت سی مثالیں دیکھتے ہیں جن کے صبر کی خصوصیت اُن کے خُدا کے ساتھ چلنے سے بیان کی گئی ہے۔ یعقوب نبیوں کو "دُکھ اُٹھانے اور صبر کرنے کے نمونہ "کے طور پر پیش کرتا ہے (یعقوب باب 5 آیت 10)۔ وہ ایوب کا بھی حوالہ دیتا ہے جس کی ثابت قدمی کا اجر "خُداوند کی طرف سے کئے گئے انجام" کے طور پر دیا جاتا ہے (یعقوب باب 5آیت 11)۔ ابرہام نے بھی صبر سے انتطار کیا اور "وعدہ کی ہوئی چیز کو حاصل کیا" (عبرانیوں باب 6 آیت 15)۔ یسوع تمام باتوں میں ہمارے لئے نمونہ ہے، اُس نے صبر اور برداشت کا مظاہرہ کیا: "جِس نے اُس خوشی کے لئے جو اُس کی نظروں کے سامنے تھی شرمندگی کی پروا نہ کر کے صلیب کا دُکھ سہا اور خُدا کے تخت کی دہنی طرف جا بیٹھا" (عبرانیوں باب 12 آیت 2)۔

ہم مسیح کی خصوصیت پر صبر کا مظاہرہ کیسے کرتے ہیں؟ سب سے پہلے ہم خُدا کا شکر ادا کرتے ہیں۔ عام طور پر کسی شخص کا پہلاردِعمل ہوتا ہے، "صرف میں ہی کیوں؟"، لیکن بائبل خُدا کی مرضی میں خوش ہونے کی تعلیم دیتی ہے (فلپیوں باب 4 آیت 4؛ پہلا پطرس پہلا باب آیت 6)۔ دوسری بات، ہم اُس کے مقاصد کی تلاش کرتے ہیں۔ بعض اوقات خُدا ہمیں مشکل حالات میں رکھتا ہے تاکہ ہم گواہ بن سکیں۔ بعض اوقات وہ ہمارے کردار کی تقدیس کے لئے مصیبت کو ہم پر آنے دیتا ہے۔ یاد رکھیں کہ ہماری ترقی اور اُس کے جلال کے لئے اُس کا مقصد مصیبت میں ہماری مدد کرے گا۔ تیسری بات، ہم رومیوں باب 8 آیت 28 جیسے خُدا کے وعدوں کو یاد رکھتے ہیں، جو ہمیں بتاتے ہیں کہ"سب چیزیں مل کر خُدا سے محبت رکھنے والوں کے لئے بھلائی پیدا کرتی ہیں یعنی اُن کے لئے جو خُدا کے اِرادہ کے موافق بُلائے گئے ہیں"۔ سب چیزوں میں وہ چیزیں بھی شامل ہیں جو ہمارے صبر کو آزماتی ہیں۔

اگلی دفعہ جب آپ ٹریفک میں پھنس جائیں، آپ کو دوست دھوکہ دے، یا آپ کی گواہی کی وجہ سے آپ کا تمسخر اُڑایا جائے، آپ کا ردِعمل کیا ہو گا؟ فطرتی ردِ عمل بے صبری ہے جِس سے کشیدگی، غصہ، اور مایوسی آتی ہے۔ خُدا کی تعریف ہو کہ مسیحیوں کے طور پر ہم "فطرتی ردِعمل" کے غلام نہیں رہے کیونکہ ہم مسیح میں نیا مخلوق ہیں (دوسرا کرنتھیوں باب 5 آیت 17)۔ اِس کے علاوہ، صبر سے جواب دینے کے لئے ہم خُدواند یسوع کی قوت اور خُدا باپ کی قدرت اور مقصد پر کامل بھروسہ رکھتے ہیں۔ "جو نیکوکاری میں ثابت قدم رہ کر جلال اور عزت اور بقا کے طالب ہوتے ہیں اُن کو ہمیشہ کی زندگی دے گا" (رومیوں باب 2 آیت 7)۔

English
اردو ہوم پیج میں واپسی
صبر کے بارے میں بائبل کیا فرماتی ہے؟