بپتسمہ دینے کا اصل طریقہ کار کیا ہے؟



سوال: بپتسمہ دینے کا اصل طریقہ کار کیا ہے؟

جواب:
اِس سوال کا سب سے آسان جواب لفظ "بپتسمہ" کے معنی سے ہی مل جاتا ہے۔ یہ یونانی لفظ سے ماخوذ ہے جِس کے معانی "پانی میں ڈُوب جانا" کے ہیں۔ اِس لئے چھڑکاؤ یا انڈیلنے کا بپتسمہ متضاد الفاظ کا مجموعہ (oxymoron) ہےاور بعض اوقات خود متضاذ ہے۔ چھڑکاؤ کے بپتسمہ کا مطلب ہو گا "کسی شخص پرپانی چھڑک کر اُسے پانی میں ڈبو دینا"۔ بپتسمہ اپنی معقول تعریف کی وجہ سے، پانی میں مکمل طور پر ڈوبنے کا عمل ہونا چاہیے۔

بپتسمہ ایماندار کے لئے مسیح کی موت ، تدفین، اور جی اُٹھنے میں شامل ہونے کی تصویر پیش کرتاہے۔ "کیا تم نہیں جانتے کہ ہم جتنوں نے مسیح یسوع میں شامل ہونے کا بپتسمہ لیا تو اُس کی موت میں شامل ہونے کا بپتسمہ لیا؟ پس موت میں شامل ہونے کے بپتسمہ کے وسیلہ سے ہم اُس کے ساتھ دفن ہوئے تاکہ جس طرح مسیح باپ کے جلال کے وسیلہ سے مُردوں میں سے جلایا گیا اُسی طرح ہم بھی نئی زندگی میں چلیں" (رومیوں4-3:6)۔ پانی میں مکمل ڈُوبنے کا عمل مسیح کے ساتھ مرنے اور دفن ہونے کی تصویر ہے۔ پانی سے باہر آنے کا عمل یسوع مسیح کے ساتھ جی اُٹھنے کی تصویر ہے۔ نتیجہ کے طور پر ڈُبکی کا بپتسمہ ہی صرف ایسا طریقہ کار ہے جو یسوع کے ساتھ دفن ہونے اور جی اُٹھنے کی مشابہت پیش کر سکتا ہے۔ چھڑکاؤ کا بپتسمہ یا انڈیلنے کا بپتسمہ بچوں کے بپتسمہ کے غیر بائبلی عمل کے نتیجہ میں وجود میں آئے ہیں۔

ڈُبکی کا بپتسمہ، اگرچہ مسیح کے ساتھ مشابہت پیدا کرنے کا بائبلی طریقہ کار ہے، لیکن یہ نجات حاصل کرنے کے لئے لازمی شرط نہیں ہے۔ بلکہ فرمانبرداری کا ایک عمل ، اور یسوع مسیح کے ساتھ مشابہت پیدا کرنے اور اُس پر ایمان لانے کا اعلانیہ اظہار ہے۔ بپتسمہ پُرانی زندگی کو چھوڑنے اور نئے مخلوق بننے کی تصویر ہے (2کرنتھیوں17:5)۔ڈُبکی کا بپتسمہ ہی واحد طریقہ ہے جو اِس بنیادی تبدیلی کی مکمل تصویر پیش کرتا ہے۔

English



اردو ہوم پیج میں واپسی



بپتسمہ دینے کا اصل طریقہ کار کیا ہے؟