666 حیوان کی چھاپ کیا ہے؟



سوال: 666 حیوان کی چھاپ کیا ہے؟

جواب:
بائبل میں مذکور اہم حوالہ جو "حیوان کی چھاپ" کا ذکر کرتا ہے مکاشفہ :13 18-15 ہے۔ دیگر حوالہ جات مکاشفہ کی کتاب میں (مکاشفہ ,20:19 ,2:16 ,2:15 ,11 ,9:14 اور 4:20 پائے جاتے ہیں۔ یہ چھاپ مخالفِ مسیح اور جھوٹے نبی (مخالفِ مسیح کے ترجمان) کے پیروکاروں کے لئے ایک مُہر کی حثییت رکھتی ہے۔ جھوٹا بنی (دوسرا حیوان) لوگوں پر چھاپ لگوائے گا۔ چھاپ لفظی طور پرہاتھ یا ماتھے پر لگائی جاتی ہے اور یہ صرف ایک کارڈ نہیں جِسے کوئی اپنے پاس رکھ سکے۔

میڈیکل چِپ نصب کاری اور آر۔ایف۔آئی۔ڈی ٹِیکنالوجی میں جدید پیش قدمی نے مکاشفہ 13باب میں بیان کردہ حیوان کی چھاپ میں دلچسپی بڑھا دی ہے۔ ممکن ہے کہ جو ٹیکنالوجی آج ہم دیکھ رہے ہیں ابتدائی مرحلے کی نمائندگی کرتی ہو جِسے آخر میں حیوان کی چھاپ کے طور پر استعمال کیا جائے۔ یہ احساس کرنے کی ضرورت ہے کہ میڈیکل چِپ کی نصب کاری حیوان کی چھاپ نہیں ہے۔ حیوان کی چھاپ ایسی چیز ہے جو صرف اُن پر لگائی جائے گی جو مخالفِ مسیح کی پرستش کریں گے۔ میڈیکل یا مالی مائیکرو چِپ کو اپنے دہنے ہاتھ یا ماتھے میں نصب کروانا حیوان کی چھاپ نہیں ہے۔ حیوان کی چھاپ آخری دور کی شناخت ہو گی جس کا مطالبہ خرید و فروخت کے لئے مخالفِ مسیح کرے گا، اور یہ صرف اُن لوگوں پر لگائی جائے گی جو مخالفِ مسیح کی پرستش کریں گے۔

مکاشفہ کی کتاب کے بہت سے قابلِ مفسرین حیوان کی چھاپ کی درُست فطرت پر وسیع پیمانے پر اختلاف رکھتے ہیں۔ چِپ کی نصب کاری کے نظریہ کے علاوہ ، دیگر نظریات میں شناختی کارڈ، مائیکروچِپ، بار کوڈ جس کا ٹیٹُو جِلد پر بنوایا جاتا ہے، یا صرف ایک نشان شامل ہیں جو کسی کی شناخت مخالفِ مسیح کے وفادار کے طور پر کرواتے ہیں۔ اِس آخری نظریہ کو کم سے کم قیاس آرائی کی ضرورت ہے، کیونکہ اِس میں بائبل سے بڑھ کر کوئی اور معلومات شامل نہیں ہے۔ دوسرے الفاظ میں اِن چیزوں میں سے کوئی بھی ممکن ہے، لیکن دوسری جانب یہ سب قیاس آرائیاں ہیں۔ ہمیں پوری تفصیلات پر قیاس آرائیاں کرنے کے لئے بہت زیادہ وقت گزارنا نہیں چاہیے۔

666 کے معانی بھی ایک بھید ہی ہے۔ کچھ نے قیاس آرائی کی کہ اِس کا 6جون 2006 (06/06/06)کے ساتھ کوئی تعلق تھا۔ تاہم مکاشفہ 13میں 666ایک شخص کی نشاندہی کرتا ہے، نہ کہ تاریخ کی۔ مکاشفہ 18:13 بتاتی ہے، "حکمت کا یہ موقع ہے۔ جو سمجھ رکھتا ہے وہ اِس حیوان کا عدد گن لے کیونکہ وہ آدمی کا عدد ہے اور اُس کا عدد چھ سو چھیاسٹھ ہے"۔ 666کسی بھی طرح مخالفِ مسیح کی نشاندہی کرے گا۔ بائبل کے مفسرین صدیوں سے 666 کے ساتھ حقیقی شخص کی نشاندہی کرنے کی کوشش کر رہے ہیں۔ کچھ بھی فیصلہ کُن نہیں ہے۔ اِس لئے مکاشفہ 18:13فرماتی ہے کہ عدد جاننے کے لئے حکمت کی ضرورت ہے۔ جب مخالفِ مسیح ظاہر ہو گا (2تھسلُنیکیوں4-3:2)، تو واضح ہو جائے گا کہ وہ کون ہے اور 666عدد کیسے اُس کی نشاندہی کرتا ہے۔

English



اردو ہوم پیج میں واپسی



666 حیوان کی چھاپ کیا ہے؟