جواب دہی کی اہمیت پر بائبل کیا فرماتی ہے؟



سوال: جواب دہی کی اہمیت پر بائبل کیا فرماتی ہے؟

جواب:
موجود دُنیا میں پہلے ہی بہت آزمائشیں ہیں، اور شیطان انہیں اور زیادہ کرنے کے لئے اضافی کام کر رہا ہے۔ ایسی آزمائشوں کے سلسلے میں، بہت سے مسیحی "جوابدہ ساتھی " کو تلاش کرتے ہیں تاکہ اُن کے ساتھ دُعا کر سکیں اوراُن کو بوجھ بانٹنے میں مدد مل سکے جو روحانی جنگ لڑنے کی صورت میں حاصل ہوتا ہے۔ جب ہم آزمائش کا سامنا کر رہے ہوتے ہیں تو اُس وقت بہن یا بھائی کا ساتھ ہونا بہتر ہے تاکہ اُن کے ساتھ اپنا دُکھ بانٹ سکیں۔ داؤد بادشاہ اُس شام اکیلا تھا جب شیطان نے اُسے بت سبع کے ساتھ حرامکاری کرنے کے لئے آزمایا (دوسرا سموئیل باب 11)۔ بائبل ہمیں بتاتی ہے کہ ہم ہماری جنگ خون اور گوشت کے ساتھ نہیں ہے، بلکہ روح، اختیار والوں اور روحانی فوجوں سے ہے جو ہمیں خوفزدہ کرتی ہیں (افسیوں باب 6آیت 12)۔

یہ جانتے ہوئے کہ ہم تاریکی کی قوتوں کے خلاف جنگ میں ہیں، ہم اپنے چوگرد جتنی بھی مدد حاصل کر سکتے ہیں ہمیں کرنی چاہیے، اور اِس میں اپنے آپ کو دوسرے ایماندا کے لئے ذمہ دار ٹھہرانا بھی شامل ہو سکتا ہے، جو لڑائی میں ہماری حوصلہ افزائی کر سکے۔ پولُس ہمیں بتاتا ہے کہ ہمیں ساری قدرت سے لیس ہونا ضرور ہے جو خُدا اِس جنگ کو لڑنے کے لئے مہیا کرتا ہے، "اِس واسطے تم خُدا کے سب ہتھیار باندھ لو تاکہ بُرے دن میں مقابلہ کر سکو اور سب کاموں کو انجام دے کر قائم رہ سکو" (افسیوں باب 6 آیت 13)۔ ہم بغیر شک کے جانتے ہیں کہ آزمائشیں آئیں گی۔ ہمیں صرف تیار رہنا چاہیے۔

شیطان ہماری کمزوروں سے واقف ہے، اور وہ جانتا ہے کہ ہمیں کب چوٹ لگ سکتی ہے۔ وہ جانتا ہے کہ ایک شادی شُدہ جوڑا کب لڑ سکتا ہے اور کب محسوس کر سکتا ہے کہ اُن کو کوئی اور بہتر سمجھ سکتا ہے اور ہمدردی کر سکتا ہے۔ وہ جانتا ہے کہ ایک بچے کو اُس کے والدین کی طرف سے کب سزا مل سکتی ہے اور وہ بد اندیش ہو سکتا ہے۔ وہ جانتا ہے کہ چیزیں کب اچھی طرح کام نہیں کر سکتیں اور گھر کے راستے پر رکاوٹ کب رکھی جا سکتی ہے۔ ہم مدد کہاں سے حاصل کریں؟ ہم وہی کرنا چاہتے ہیں جو خُدا کی نظر میں بھلا ہے، پھر بھی ہم کمزور ہیں۔ ہم کیا کریں؟

ا مثال باب 27 آیت 17 بیان کرتی ہے، "جِس طرح لوہا لوہے کو تیز کرتا ہے اُسی طرح آدمی کے دوست کے چہرہ کی آب اُسی سے ہے"۔ ایک دوست کی خدوخال حوصلہ افزائی یا اخلاقی حمایت کی نگاہ یا اظہار ہے۔ جب آپ کا دوست آخری بار آپ سے ملا تھا تو کیا اُس نے آپ سے پوچھا تھا کہ آپ کا کیا حال ہے؟ آخری دفعہ کب آپ نے دوست کو بُلایا اور پوچھا کہ کیا اُسے بات کرنے کی ضرورت ہے؟ دوست کی طرف سے حوصلہ افزائی اور اخلاقی حمایت کبھی کبھار شیطان کے خلاف جنگ لڑنے کے لئے گمشدہ اجزاء ہیں۔ ایک دوسرے کے ذمہ دار ہونے کے باعث یہ گمشدہ اجزاء فراہم ہو سکتے ہیں۔

عبرانیوں کے نام خط کا مصنف فرماتا ہے، "اور محبت اور نیک کاموں کی ترغیب دینے کے لئے ایک دُوسرے کا لحاظ رکھیں۔ اور ایک دوسرے کے ساتھ جمع ہونے سے باز نہ آئیں جیسا بعض لوگوں کا دستور ہے بلکہ ایک دُوسرے کو نصیحت کریں اور جِس قدر اُس دِن کو نزدیک ہوتے ہوئے دیکھتے ہو اُسی قدر زیادہ کیا کرو" (عبرانیوں باب 10 آیات 24 تا 25)۔ مسیح کا بدن باہم مربوط ہے، اور ہم ایک دوسرے کو تعمیر کرنے کے ذمہ دار ہیں۔ اِس کے علاوہ، یعقوب یہ کہتے ہوئے جواب دہی/احتساب کو بیان کرتا ہے، "پس تم آپس میں ایک دوسرے سے اپنے اپنے گناہوں کا اقرار کرو اور ایک دوسرے کے لئے دُعا کرو تاکہ شفا پاؤ۔ راست باز کی دُعا کے اثر سے بہت کچھ ہو سکتا ہے" (یعقوب باب 5 آیت 16)۔

جواب دہی گناہ پر غالب آنے کی جنگ میں بھی مددگار ثابت ہو سکتی ہے۔ جوابدہ ساتھی آپ کی حوصلہ افزائی کرنے، آپ کو ڈانٹنے، آپ کو سکھانے، آپ کے ساتھ خوشی منانے، اور آپ کے ساتھ رونے کے لئے ہو سکتا ہے۔ ایک مسیحی کو جوابدہ ساتھی رکھنے کے لئے غور کرنا چاہیے جِس کے ساتھ وہ دُعا کر سکے، بات کر سکے، اعتماد کر سکے، اور اپنی غلطیوں کا اعتراف کر سکے۔

English



اردو ہوم پیج میں واپسی



جواب دہی کی اہمیت پر بائبل کیا فرماتی ہے؟