انسانی روحوں کی تخلیق کیسے ہوتی ہے؟


سوال: انسانی روحوں کی تخلیق کیسے ہوتی ہے؟

جواب:
انسانی روح کو کیسے تخلیق کیا گیا ہے اِس کے جواب میں دو معقول بائبلی خیال پیش کئے جاتے ہیں۔ ٹراڈُوشن ازم ایک نظریہ ہے جس کے مطابق انسانی جسم کے ساتھ روح بھی جسمانی والدین سے پیدا ہوتی ہے۔ ٹراڈُوشن ازم کی حمایت مندرجہ ذیل نقاط کی روشنی میں کی جاتی ہے۔ (الف) پیدائش 2:7 میں، خُدا نے آدم کے نتھنوں میں زندگی کا دم پھونکا تو آدم "جیتی جان" ہوا۔ بائبل میں کہیں بھی بیان نہیں کیا گیا کہ خُدا نے یہ عمل دوبارہ کیا۔ (ب) آدم کی صورت و شبیہ کا ایک بیٹا اُس کے ہاں پیدا ہوا (پیدائش 5:3)۔ آدم کی نسل بھی خُدا کے دم پھونکے بغیر "جیتی جانیں" تھیں۔ (ج) پیدائش 2:2-3 سے لگتا ہے کہ خُدا نے تخلیقی کام ختم کر دیا ہے۔ (د) آدم کا گناہ تمام انسانوں کو جسمانی اور روحانی دونوں طرح سے متاثر کرتا ہے، اِس سے یہ احساس ہوتا ہے کہ روح اور بدن دونوں والدین سے ملتے ہیں۔ ٹراڈُوشن ازم کی کمزوری یہ ہے کہ اِس بات کو واضح نہیں کیا جاتا کہ مکمل طور پر جسمانی عمل کے ذریعہ سے غیر مادی روح کیسے پیدا ہو سکتی ہے۔ ٹراڈُوشن ازم صرف ایک طرح سے درُست ہو سکتی ہے اگر روح اور بدن اِس طور پر بندھے ہوں کہ جُدا نہ ہو سکیں۔

کرِی ایشن ازم نظریہ کے مطابق خُدا روح اُس وقت تخلیق کرتا ہے جب عورت حاملہ ہوتی ہے۔ ابتدائی کلیسیا کے بہت سے بزرگ بھی اِسی نظریہ کے حامی تھے، اِس نظریہ کو بائبل کی حمایت مندرجہ ذیل طریقہ سے حاصل ہے۔ پہلی بات، بائبل روح کے آغاز اور جسم کے آغاز میں فرق پیدا کرتی ہے (واعظ 12:7؛ یسعیاہ 42:5؛ زکریاہ 12:1؛ عبرانیوں 12:9)۔ دوسری بات، اگر خُدا ہر فرد کی روح اُس لمحے تخلیق کرتا ہے جب اُس کی ضرورت ہوتی ہے، تو روح اور جسم کی جُدائی کو برقرار رکھا جاتاہے۔ کری ایشن ازم کی کمزوری یہ ہے کہ خُدا تسلسل سے انسانی روحوں کو تخلیق کر رہا ہے،جبکہ پیدائش 2:2-3 اشارہ دیتی ہے کہ خُدا نے تخلیقی کام ختم کر دیا ہے۔ اِس کے علاوہ، چونکہ انسان کی ذات کے پہلو روح، جان، جسم گناہ سے متاثر ہوئے ہیں، اور خُدا ہر انسان کے لئے ایک نئی روح پیدا کرتا ہے، تو یہ روح گناہ سے کیسے متاثر ہو سکتی ہے؟

ایک تیسرا نظریہ بھی ہے، لیکن اِس نظریہ کو بائبل کی زیادہ حمایت حاصل نہیں ہے۔ اِس نظریہ کے مطابق خُدا نے تمام انسانی روحوں کو ایک ہی وقت میں تخلیق کر دیا تھا (ملاکی15:2 )، اور جب عورت حاملہ ہوتی ہے تو پہلے سے تخلیق کردہ ایک روح کو نئے پیدا ہونے والے جسم کے ساتھ منسلک کر دیتا ہے۔ اِس نظریہ کے ماننے والوں کو کہنا ہے کہ خُدا نے آسمان میں ایک قسم کا "روحوں کا گودام " بنایا ہے، جس میں خُدا نے روحوں کو رکھا ہے جہاں سے وہ انسانی جسموں کے ساتھ منسلک ہونے کا انتظار کرتی ہیں۔ دوبارہ کہتے ہیں کہ اِس نظریہ کو بائبل کی زیادہ حمایت حاصل نہیں ہے، اور اِس نظریہ کو عام طور پر "نیو ایج" کے ماننے والے یا از سرِ نو تجسم کے حامی مانتے ہیں۔

English
اردو ہوم پیج میں واپسی
انسانی روحوں کی تخلیق کیسے ہوتی ہے؟