بائبل جِنّوں بھُوتوں/بھُوتوں کے آنے جانے (گوسٹ/ہاونٹِگ) کے بارے میں کیا فرماتی ہے؟



سوال: بائبل جِنّوں بھُوتوں/بھُوتوں کے آنے جانے (گوسٹ/ہاونٹِگ) کے بارے میں کیا فرماتی ہے؟

جواب:
کیا کوئی بھُوت جیسی چیز ہے؟ اِس سوال کا جواب اِس بات پر منحصر ہے کہ اصطلاح "بھُوت" سے کیا مراد ہے۔ اگر تو اصطلاح کا مطلب "روحانی وجود" ہے تو جواب "ہاں" ہے۔ اگر اِس اصطلاح کا مطلب "مردہ لوگوں کی روحیں " ہیں، تو جواب "نہیں" ہے۔ بائبل بالکل واضح طور پر بیان کرتی ہے کہ بُری اور اچھی دونوں قسم کی روحیں ہوتی ہیں۔ لیکن بائبل اِس خیال کی نفی کرتی ہے کہ مردہ انسانوں کی روحیں زمیں پر رہ سکتی اور زندوں کے پاس آ جا سکتی ہیں۔

عبرانیوں باب 9 آیت 27 بیان کرتی ہےکہ "انسان کا ایک بار مرنا، اور اُس کے بعد عدالت کا ہونا مقرر ہے"۔ موت کے بعد ایک شخص کی جان، روح کے ساتھ یہی عدالت ہوتی ہے۔ ایماندار کے لئے عدالت کا نتیجہ فردوس (دوسرا کرنتھیوں باب 5 آیات 6تا 8؛ فلپیوں پہلا باب آیت 23) اور غیر ایماندار کےلئے جہنم ہوتا ہے (متی باب 25 آیت 46؛ لوقا باب 16 آیات 22 تا 24)۔ درمیان میں کچھ نہیں ہے۔ بھُوت کے طور پر روحانی شکل میں زمین پر رہنے کا کوئی امکان نہیں ہے۔ اگر بھُوت کے طور پر ایسی چیزیں ہیں بھی، تو بائبل کے مطابق، مردہ انسانوں کی جسم سے آزاد روحیں بالکل نہیں ہو سکتیں۔

بائبل واضح طور پر سکھاتی ہے کہ روحیں ہوتی ہیں جو ہماری مادی دُنیا کے ساتھ رابطہ کر سکتی ہیں اور اِس میں ظاہر ہو سکتی ہیں۔ بائبل اِن رُوحوں کی فرشتوں، اور بدرُوحوں کے طور پر نشاندہی کرتی ہے۔ فرشتے ایسی رُوحیں ہیں جو خُدا کی خدمت میں وفادار ہیں۔ فرشتے راستباز، نیک، اور پاک ہیں۔ بدرُوحیں گرائے گئے فرشتے ہیں جنہوں نے خُدا کے خلاف بغاوت کی۔ بدرُوحیں بُری، دھوکےباز، اور تباہ کُن ہیں۔ دوسرا کرنتھیوں باب 11 آیات 14تا 15کے مطابق بدرُوحیں "نورانی فرشتوں" اور "راستبازی کے خادموں" کا بھیس بدل لیتی ہیں۔ "بھُوت" کے طور پر ظاہر ہونا اور مردہ انسانوں کی صورت اختیار کرنا یقینی طور پر بدرُوحوں کی طاقت اور صلاحیت میں ہے۔

"ہاونٹِنگ" کے بارے میں بائبل کی قریب ترین مثال مرقس باب 5 پہلی بیس آیات میں ملتی ہے۔ بدرُوحوں کے لشکر نے ایک شخص پر قبضہ کر لیا اور ایک قبرستان کو آسیب زدہ (ہاؤنٹ)کرنے کے لئے اُس شخص کو استعمال کیا۔ فرشتوں کا کوئی عمل دخل نہ تھا۔ بلکہ اُس علاقے کے لوگوں کو خوفزدہ کرنے کے لئے بدرُوحوں کی طرف سے کنڑول شُدہ ایک عام شخص کا معاملہ ہے۔ بدرُوحیں صرف" مار ڈالنے، چُرانے، اور ہلاک کرنے" کی کوشش کرتی ہیں (یوحنا باب 10آیت 10)۔ وہ لوگوں کو دھوکہ دینے کے لئے اپنی قوت سے ہر وہ کام کریں گی جو لوگوں کو خُدا سے دُور لے کر جائے۔ "بھُوتوں کے متعلق"موجودہ سرگرمی کی وضاحت کافی ممکن ہے۔ چاہے انہیں بھُوت کہا جائے، یا بیابانی غول، یا جِن کہا جائے، اگر کہیں واقعی بُری روحانی سرگرمی ہوتی ہے، تو یہ بدرُوح کا کام ہوتاہے۔

اُن مثالوں کے بارے میں کیا خیال ہے جن میں "بھُوت" مثبت طریقوں سے کام کرتے ہیں۔ اُن نفسیاتیوں (سائےکِک) کے بارے میں کیا خیال ہے جو مُردوں کو بُلانے اور اُن سے حقیقی اور مفید معلومات حاصل کرنے کا دعویٰ کرتے ہیں۔ دوبارہ کہتے ہیں، یہ یاد رکھنا نہایت اہم ہے کہ بدرُوحوں کا مقصد دھوکہ دینا ہوتا ہے۔ اگر نتیجہ یہ ہے کہ لوگ خُدا کی بجائے نفسیاتیوں (سائے کِکس) پر بھروسہ کریں ، تو بدرُوح حقیقی معلومات کو ظاہر کرنے کے لئے زیادہ سے زیادہ تیار ہو جائے گی۔ یہاں تک کہ بُرے مقصد سے کسی بھی ذریعے سے حاصل کی گئی اچھی اور حقیقی معلومات گمراہ کرنے، بگاڑ ڈالنے، اور تباہ کرنے کے لئے استعمال ہو سکتی ہے۔

عام طور پر وراثے طبعی (پیرانارمل) میں دلچسپی بڑھ رہی ہے۔ ایسے افراد اور کاروباری ادارے ہیں جو "بھُوتوں کے شکاری" ہونے کا دعویٰ کرتے ہیں، وہ پیسوں کے لئے آپ کے گھروں سے بھُوتوں کو نکالتے ہیں۔ نفسیاتی (سائے کِکس)، روحانی مفکرین (سیان)، ٹیرو کارڈز (تصویروں اور علامتوں کے ساتھ 78 کارڈز کا سیٹ جو مستقبل دیکھنے کے لئے استعمال ہوتا ہے کہ مستقبل میں کیا ہو گا)، اور درمیانی(میڈیمز) افزوں انداز میں عام (نارمل) سمجھے جاتے ہیں۔ انسان فطرتاً روحانی دُنیا سے خبردار ہیں۔ افسوس، خُدا کے ساتھ گفتگو کر کے اور اُس کے کلام کو پڑھ کر رُوحوں کی دُنیا کے بارے میں حقیقت کی تلاش کرنے کی بجائے، بہت سے لوگ رُوحوں کی دُنیا کی طرف سے خود کو گمراہ ہونے دے رہے ہیں۔ بدرُوحیں یقیناً اِس بڑی روحانی دھوکہ دہی پر ہنستی ہیں جوآج دُنیا میں ہو رہی ہے۔

English



اردو ہوم پیج میں واپسی



بائبل جِنّوں بھُوتوں/بھُوتوں کے آنے جانے (گوسٹ/ہاونٹِگ) کے بارے میں کیا فرماتی ہے؟