آخری زمانہ کی نبوت کے مطابق کیا ہونے والا ہے؟



سوال: آخری زمانہ کی نبوت کے مطابق کیا ہونے والا ہے؟

جواب:
بائیبل میں آخری زمانہ سے متعلق کہنے کے لئے بہت کچھ ہے۔ قریب قریب بائبل کی ہر ایک کتاب میں آخری زمانہ سے متعلق نبوت پائی جاتی ہے۔ ان تمام نبوتوں کو لے کر انہیں تنظیم کرنا مشکل ہو سکتا ہے۔ مذکورہ ذیل ایک مختصر خلاصہ پیش کیا گیا ہے کہ آخری زمانہ میں جو کچھ واقع ہو گا اس کی بابت بائبل کیا بیان کرتی ہے۔

یسوع مسیح ان تمام نئے سرے سے پیدا ہوئے ایمانداروں کو ایک واقعہ کے ذریعہ سے زمین پر سے نکال دے گا جس کو تواجد کہا جاتاہے (1 تھسلنیکیوں 18-13 :4؛ 1 کرنتھیوں 54-51 :15)۔ مسیح کی تخت عدالت میں یہ ایماندار لوگ زمین پر رہنے کے دوران نیک کاموں اور اور وفاداری سے خدمت انجام دئےجانے کے بدلے میں انعام حاصل کریں گے۔ یا یہ بھی ہوسکتا ہے کہ وہ انعام سے محروم رہ جائیں۔ مگر خدمت اور فرمانبرداری کی کمی کی وجہ سے وہ اپنی ہمیشہ کی زندگی نہیں کھو ئیں (1 کرنتھیوں 15-11 :3؛ 2 کرنتھیوں 5:10)۔

جھوٹا مسیح (حیوان) وہ اپنے پورے اقتدار کے ساتھ آئے گا اور پورے سات سال کے لئے اسرائیل کے ساتھ عہد قائم کرے گا (دانی ایل 9:27) یہ سات سال کا عرصہ یا زمانہ "بڑی دکھ" یا "بڑی مصیبت" کا زمانہ کہا جاتا ہے۔ بڑی مصیبت کے دوران ہولناک جنگیں، قحط (کال)، وبائیں/ اور قدرتی آفتیں آئیں گی۔ گناہ، برائی اور بد کاری کے خلاف خدا اپنا غضب لوگوں پر نازل کرے گا۔ اس مصیبت کے ایام میں شامل ہوگا تمام دنیا کے خاتمہ کے چار گھڑ سواروں کا مشاہدہ، سات مہریں، سات نرسنگے اور سات پیالوں کا انصاف واقع ہو گا۔

سات سال کے آدھے راستے کے قریب جھوٹا مسیح اسرائیل کے ساتھ اپنے صلح کے عہد کو توڑ دے گا۔ اور اس کے خلاف جنگ کرے گا۔ جھوٹا مسیح گمراہ کرنے والی تاثیر کو بھیج کر خود کا مجسمہ یروشلیم کے بڑے مقدس میں نصب کرے گا تاکہ لوگ اس کی پرستش کریں اس وقت تک جھوٹا مسیح یروشلیم کے بڑے مقدس کی دوبارہ تعمیر کرچکا ہوگا۔ مصیبت کے ایام کے(2 تھسلنیکیوں 10-3 :4؛ دانی ایل 9:27) دوسرے حصہ کو "بڑی مصیبت کے ایام کہا جاتا ہے (مکاشفہ 7:14)۔ اور اس کو یعقوب کی مصیبت کا وقت بھی کہا جاتا ہے (یرمیاہ 30:7)۔

سات سال کی بڑی مصیبت کے آخری میں جھوٹا مسیح یروشلیم پر آخری حملہ بولے گا۔ اور اپنی معراج کو پہنچنے کے لئے زمین کے تمام بادشاہوں سے ہاتھ ملاتے ہوئے ایک بین الاقوامی جنگ لڑے گا۔ اس وقت خداوند یسوع مسیح کی دوبارہ آمد ہوگی اور وہ جھوٹا مسیح اور اس کی فوج کو برباد کرے گا اور انہیں آگ کی جھیل میں ڈال دے گا۔ (مکاشفہ 21-11 :19)۔ پھر شیطان کو 1000 سال کے لئے عالم اسفل میں زنجیروں سے باندھا جائے گا۔ پھر خداوند یسوع مسیح 1000 سال تک زمین پر حکومت کرے گا۔ (مکاشفہ 6-1 :20)۔

ہزار سال کے آخر میں شیطان کو چھوڑا جائے گا۔ دوبارہ سے ہرایا جائےگا۔ تب اس کو آگ اور گندھک کی جھیل میں ڈالا جائے گا۔ (مکاشفہ 10-7 :20)۔ پھر یسوع مسیح سفید تخت عدالت پر بیٹھ کر غیر ایمانداروں کا انصاف کرے گا۔ (مکاشفہ 15-10 :20) اور انہیں بھی آگ کی جھیل میں ڈالا جائے گا۔ پھر یسوع مسیح ایک نئے آسمان ایک نئی زمین اور نئے یروشلیم کی تعمیر کرے گا۔ جو ایمانداروں کے لئے نئی رہنے کی جگہ ہوگی جس میں نہ گناہ ہو گا۔ نہ غم رہے گا۔ نہ موت (مکاشفہ 22-21 باب)۔



اردو ہوم پیج میں واپسی



آخری زمانہ کی نبوت کے مطابق کیا ہونے والا ہے؟