نظریہ دومیت (ڈِیول ازم) کیا ہے؟


سوال: نظریہ دومیت (ڈِیول ازم) کیا ہے؟

جواب:
علمِ الہٰیات میں، دومیت کا نظریہ سمجھتا ہے کہ اچھائی اور بُرائی دو الگ ہستیاں ہیں جو قوت میں برابر ہیں۔ "مسیحی" دومیت میں، خُدا اچھائی کی ، اور شیطان بُرائی کی نمائندگی کرتا ہے۔

تاہم، حقیقت یہ ہے کہ اگرچہ شیطان کے پاس کچھ طاقت ہے، لیکن وہ خُدائے قادرِ مطلق کے برابر نہیں ہے، کیونکہ وہ اپنی بغاوت سے پہلے فرشتہ کے طور پر خُدا سے خلق کیا گیا تھا(یسعیاہ باب 14 آیات 12تا15؛ حزقی ایل باب28 آیات 13تا 17)۔ جیسا کہ کتابِ مقدس فرماتی ہے، "اے بچو! تُم خُدا سے ہو اور اُن پر غالب آ گئے ہو کیونکہ جو تُم میں ہے وہ اُس سے بڑا ہے جو دُنیا میں ہے" (پہلا یوحنا باب 4 آیت 4)۔ کتابِ مقدس کے مطابق، نظریہ دومیت (ڈِیول ازم) کی کوئی حثییت نہیں ہے۔ برابر قدرت رکھنے والی دو مخالف قوتیں اچھائی اور بُرائی نہیں کہلاتی۔ خُدائے قادرِ مطلق کی نمائندہ اچھائی اِس کائنات میں بغیر اِستثنا کے سب سے زیادہ قدرت والی قوت ہے۔ شیطان کی نمائندہ بُرائی کم درجہ کی قوت ہے جِس کی اچھائی کے ساتھ کوئی برابری نہیں ہے۔ شیطان خُدا کے ساتھ جب بھی مقابلہ کرے گا ہر بار شکست کھائے گا ، کیونکہ خُدائے قادر، اچھائی کا جوہر، ہر چیز پر قادر ہے، لیکن شیطان کی نمائندہ بُرائی نہیں ہے۔

جب بھی کوئی تعلیم اچھائی اور بُرائی کی دو مخالف قوتوں کے طور پر تصویر کشی کرتی ہے، وہ تعلیم بائبل کی تعلیم کی مخالفت کرتی ہے ،خُدا کی نمائندہ اچھائی کائنات میں غالب قوت ہے۔ کیونکہ شیطان نہ کبھی خُدا کے برابر تھا، اور نہ کبھی ہو گا، ہر وہ تعلیم جو کہتی ہے کہ وہ خُدا کے برابر ہو سکتا ہے وہ جھوٹی تعلیم ہے۔ اِس حقیقت کا کہ شیطان کو خُدا سے بُلند تر ہونے کی کوشش کی وجہ سے آسمان سے گرا دیا ہرگز مطلب نہیں ہے کہ شیطان نے خُدا کے برابر ہونے یا خُدا سے افضل ہونے کی کوشش کرنا چھوڑ دی ہے، اور جیسا کہ دومیت (ڈِیول ازم) کے بنیادی اصولوں سے ثابت ہوتا ہے جو انسانی حکمت کے فلسفیانہ تنے کے ذریعے بڑے پیمانے پر نیچے آ گئے ہیں۔

ہماری کائنات کے کسی کونے میں بھی دومیت (ڈِیول ازم) کا وجود نہیں ہو سکتا۔ صرف ایک ہی قوت ہے جو غالب ہے، اور یہ قوت خُدائے قادرمطلق ہے جیسا کہ بائبل میں ہم پر ظاہر کیا گیا ہے۔ کتابِ مقدس کے ثبوتوں کے مطابق، صرف ایک ہی قوت قادرِ مطلق ہے، نہ کہ دو۔ اِس طرح دومیت (ڈِیول ازم) کی کوئی بھی تعلیم جو دلیل دیتی ہے کہ دو برابر کی قوتیں(اچھائی اور بُرائی ) ایک دوسرے کی مخالف ہیں ، غلط تعلیم ہے۔

English
اردو ہوم پیج میں واپسی
نظریہ دومیت (ڈِیول ازم) کیا ہے؟