آمدِ ثانی اور کلیسیا کے اُٹھائے جانے میں کیا فرق ہے؟



سوال: آمدِ ثانی اور کلیسیا کے اُٹھائے جانے میں کیا فرق ہے؟

جواب:
کلیسیا کا اُٹھایا جانا اور یسوع مسیح کی آمد ثانی اکثر اُلجھن کا سبب بن جاتی ہیں۔ بعض اوقات تعین کرنا مشکل ہو جاتا ہے کہ آیا بائبل کی آیت کلیسیا کے اُٹھائے جانے کو پیش کر رہی ہے یا آمدِ ثانی کو۔ تاہم آخری دور کے بارے میں بائبل کی پیشن گوئیوں کا مطالعہ کرتے ہوئے، بہت اہم ہے کہ دونوں میں فرق پیدا کیا جائے۔

ریپچر تب ہو گا جب یسوع مسیح کلیسیا (تمام ایماندار جو مسیح پر ایمان رکھتے ہیں) کو زمین سے نکالنے کے لئے واپس آئے گا۔ کلیسیا کے اُٹھائے جانے کا بیان 1تھسلُنیکیوں :4 18-13، اور 1کرنتھیوں 54-50:15میں ملتا ہے۔ وہ ایماندار جو مر گئے ہیں زندہ ہو کر جلالی بدن حاصل کریں گے اور زندہ ایمانداروں کے ساتھ مل کر ہوا میں یسوع مسیح کا استقبال کریں گے۔ یہ سب کچھ ایک لمحے میں آنکھ جھپکتے ہی ہو گا۔ آمدِ ثانی تب ہو گی جب یسوع مخالفِ مسیح کو شکست دینے، بُرائی کا خاتمہ کرنے، اور اپنی ایک ہزار سالہ بادشاہی کو قائم کرنے آئے گا۔آمدِ ثانی کا ذکر مکاشفہ 16-11:19میں ملتا ہے۔

ریپچر اور آمدِ ثانی کے درمیان اہم اختلافات مندرجہ ذیل ہیں:
(1 ریپچرکے وقت ایماندار ہوا میں خُدا کا استقبال کریں گے (1تھسلُنیکیوں17:4)۔ آمدِ ثانی پر ایماندار خُداوند یسوع مسیح کے ساتھ زمین پر واپس آئیں گے (مکاشفہ 14:19)۔

(2 آمدِ ثانی بڑی مصیبتوں کے خوفناک دور کے بعد واقع ہو گی (مکاشفہ 19-6ابواب)۔ ریپچر بڑی مصیبتوں کے دور سے پہلے ہو گا (1تھسلُنیکیوں9:5؛ مکاشفہ 10:3)۔

(3 ریپچر نجات کے عمل کے طور پر ایمانداروں کا زمین پر سے اُٹھایا جانا ہے (1تھسلُنیکیوں9:5 ,17-13:4)۔ آمدِ ثانی میں عدالت کے عمل کے طور پر غیر ایمانداروں کی نقل مکانی شامل ہے (متی41-40:24)۔

(4 ریپچر پوشیدگی میں اور فوری ہو گا (1کرنتھیوں54-50:15)۔ آمدِ ثانی سب کو نظر آئے گی (مکاشفہ 7:1؛ متی 30-29:24)۔

(5 آمدِ ثانی جب تک آخری دور کے بعض یقینی واقعات پورے نہ ہو جائیں واقع نہ ہو گی (2تھسلُنیکیوں4:2؛ متی 30-15:15؛ مکاشفہ 18-6 ابواب)۔ ریپچر ہونے والا ہے، یہ کسی بھی وقت ہو سکتاہے (طِطُس 1 ;13:2تھسلُنیکیوں 18-13:4؛ 1کرنتھیوں54-50:15)۔

ریپچر اور آمدِ ثانی میں فرق کرنا کیوں ضروری ہے؟
(1 اگر ریپچر اور آمدِ ثانی ایک ہی واقع ہے تو ایماندار بھی بڑی مصیبتوں کے دور کا حصہ بنیں گے (1تھسلُنیکیوں9:5؛ مکاشفہ 10:3)۔

(2 اگر ریپچر اور آمدِ ثانی ایک ہی واقع ہے تو یسوع کی واپسی جلد نہیں ہو گی۔ کیونکہ اُس کی آمد سے پہلے بہت سے واقعات پورے ہونے باقی ہیں (متی 30-4:24)۔

(3 بڑی مصیبتوں کے دور کا ذکر کرتے ہوئے مکاشفہ 19-6 ابواب کہیں بھی کلیسیا کا ذکر نہیں کرتے۔ بڑی مصیبتوں کے دور کے دوران جِسے "یعقوب کی مصیبت کا وقت " بھی کہا جاتا ہے (یرمیاہ 7:30) خُدا دوبارہ اسرائیل کی طرف توجہ کرے گا (رومیوں 31-17:11)۔

ریپچر اور آمدِ ثانی ایک دوسرے سے مشابہہ لیکن الگ واقعات ہیں۔ دونوں میں یسوع کی آمد شامل ہے۔ دونوں آخری دور کے واقعات ہیں۔ تاہم اِس میں فرق کو پہچاننا بہت اہم ہے۔ خلاصہ کے طور پر، ریپچر خُدا کے غضب کے دور سے پہلے ایمانداروں کو دُنیا سے نکالنے کے لئے یسوع مسیح کی بادلوں پر آمد ہے۔ آمدِثانی بڑی مصیبتوں کو نازل کرنے ، مخالفِ مسیح کو مغلوب کرنے ، اور اُس کی گناہ آلودہ زمینی حکومت کو ختم کرنے کے لئے مسیح کی زمین پر آمد ہے۔

English



اردو ہوم پیج میں واپسی



آمدِ ثانی اور کلیسیا کے اُٹھائے جانے میں کیا فرق ہے؟