خُداوند کا دن کیا ہے؟



سوال: خُداوند کا دن کیا ہے؟

جواب:
"خُداوند کا دن" فقرہ عام طور پر ایسے واقعات کی نشاندہی کرتا ہے جو تاریخ کے اختتام پر وقوع پزید ہوں گے (یسعیاہ25-18:7) اور اکثر "اُس دن"فقرہ کے ساتھ مُنسلک ہوتا ہے۔ اِن فقروں کو سمجھنے کی ایک کُلید اِس بات پر غور کرنا ہے کہ یہ ہمیشہ ایک ایسے وقت کی نشاندہی کرتے ہیں جس کے دوران خُدا ذاتی طور پر اپنے مقصد کے کچھ مخصوص پہلوؤں کو پورا کرنے کے لئے براہِ راست یا بالواسطہ تاریخ میں مداخلت کرتا ہے۔

بہت سے لوگ خُداوند کے دن کو کسی خاص مُدت یا کسی خاص دن کے ساتھ مُنسلک کرتے ہیں جو اُس وقت واقع ہوں گے جب خُدا دُنیا اور انسانیت کے لئے اپنی مرضی اور اپنے مقاصد کو پورا کرے گا۔ کچھ مفسرین ایمان رکھتے ہیں کہ خُداوند کا دن ایک دن سے طویل عرصے کا دن ہو گا ، ایک طویل عرصہ جب مسیح تمام انسانیت کی ابدی منزل کی تیاری کے لئے زمین اور آسمان کو صاف کرنے سے پہلے دُنیا بھر میں حکومت کرے گا۔ دوسرے مفسرین کا ماننا ہے کہ خُداوند کا دن یسوع مسیح کی آمد ثانی کے بعد ہونے والا فوری واقع ہے جب مسیح اپنے وفادار ایمانداروں کو نجات دینے اور گنہگاروں کو ابدی ہلاکت میں بھیجنے کے لئے زمین پر آئے گا۔

"خُداوند کا دن" فقرہ عہدِ عتیق میں اُنیس بار استعمال ہوا ہے (یسعیاہ 12:2؛ 6:13، 9؛ حزقی ایل ;3:30 ,5:13 عاموس ;20, 18:5 عبدیاہ 15؛ صفنیاہ 7:1، 14؛ زکریاہ 1:14؛ ملاکی ؛5:4)، اور پانچ دفعہ نئے عہد نامہ میں استعمال ہوا ہے (اعمال 20:2؛ 1تھسلُنیکیوں2:5؛ 2تھسلُنیکیوں2:2؛ 2پطرس10:3)۔ اِس کا اشارہ کچھ اور حوالہ جات میں دیا گیا ہے (مکاشفہ14:16 ;17:6)۔

پرانے عہد نامہ کے حوالہ جات خُداوند کے دن کو بیان کرتے ہوئے اکثر آنے والی آفت، نزدیکی ، اور پیش بینی کے مفہوم کی ترسیل کرتے ہیں۔ "اب تُم واویلا کرو کیونکہ خُداوند کا دن نزدیک ہے" (یسعیاہ 6:13)۔ "اِس لئے کہ وہ روز قریب ہے ہاں خُداوند کا روز یعنی بادلوں کا روز قریب ہے۔ وہ قوموں کی سزا کا وقت ہو گا" (حزقی ایل 3:30)۔ "مُلک کے تمام باشندے تھر تھرائیں کیونکہ خُداوند کا روز چلا آتا ہے بلکہ آ پہنچا ہے" (یُو ایل1:2)۔ "گروہ پر گروہ اِنفصال کی وادی میں ہے کیونکہ خُداوند کا دن اِنفصال کی وادی میں آ پہنچا" (یُوایل 14:3)۔ "تم خُداوند خُدا کے حضور خاموش رہو کیونکہ خُداوند کا دن نزدیک ہے" (صفنیاہ 7:1)۔ یہ اِ س لئے ہے کیونکہ پرانے عہد نامہ میں خُداوند کے دن کے متعلق حوالہ جات اکثر نزدیک اور دور کی تکمیل دونوں کی بات کرتے ہیں، جیسا کہ پرانے عہد نامہ کی بہت سی پیشن گوئیاں کرتی ہیں۔ پرانے عہد نامہ کے کچھ حوالہ جات جو خُداوند کے دن کو پیش کرتے ہیں تاریخی عدالت کو بیان کرتے ہیں جو کہ کسی مفہوم میں پہلے ہی پوری ہو چُکی ہے (یسعیاہ22-6:13؛ حزقی ایل 19-2:30 ؛ یُوایل ;14:3 ,15:1 عاموس 20-18:5؛ زکریاہ 18-14:1)، جبکہ دوسرے الٰہی عدالت کو پیش کرتے ہیں جو کہ آخری دور میں واقع ہو گی (یُوایل 32-30:2؛ زکریاہ 1:14؛ ملاکی 5 ,1:4)۔

نیا عہد نامہ اِسے "غضب" کا دن، "مُلاقات" کا دن، اور "قادرِ مطلق خُدا کا روزِ عظیم" کہتا ہے (مکاشفہ14:16) اور ابھی بھی اِسے مستقبل کی تکمیل کے طور پر پیش کرتا ہے جب خُدا کا غضب بے ایمان اسرائیل (یسعیاہ 22؛ یرمیاہ 17-1:30؛ یُو ایل 2-1؛ عاموس 5؛ صفنیاہ 1) اور بے ایمان دُنیا (حزقی ایل 39-38؛ زکریاہ 14) پر نازل ہو گا۔ بائبل بیان کرتی ہے کہ "خُداوند کا دن" بہت جلد آ جائے گا، جیسے رات کو چور آتا ہے (زکریاہ 2 ;15-14:1تھسلُنیکیوں2:2)، اور اِس لئے مسیحیوں کو جاگتے رہنا اور کسی بھی وقت یسوع کی آمد کے لئے تیار رہنا چاہیے۔

عدالت کا ایک وقت ہونے کے علاوہ، یہ نجات کا بھی وقت ہو گا کیونکہ خُدا اپنے وعدے "اور اِس صورت میں تمام اسرائیل نجات پائے گا" کو پورا کرتے ہوئے اسرائیل کے بقیہ کو بچائے گا۔ (رومیوں26:11)، اور اُن کے گناہ معاف کر ے گا اور ابرہام سے کئے گئے وعدے کے مطابق اپنے چُنے گئے لوگوں کو بحال کرے گا (یسعیاہ 27:10؛ یرمیاہ 40 ,31-19:30؛ میکاہ 4؛ زکریاہ 13)۔ خُداوند کے دن کا حتمی نتیجہ یہ ہو گا "اور آدمی کا تکبر زیر کر دیا جائے گا اور لوگوں کی بُلند بینی پست کی جائے گی اور اُس روز خُداوند ہی سر بُلند ہو گا" (یسعیاہ 17:2)۔ خُداوند کے دن کے بارے میں حتمی اور آخری تکمیل تاریخ کے اختتام پر ہو گی جب خُدا زبردست قدرت کے ساتھ بُرائی کی سزا دے گا اور اپنے وعدے پورے کرے گا۔

English



اردو ہوم پیج میں واپسی



خُداوند کا دن کیا ہے؟